'Green Book', 'Bohemian Rhapsody' eta 'Roma' garaile Urrezko Globoetan
Green Book pelikula izan da irabazle nagusia, hiru sarirekin, goizaldean banatu diren Urrezko Globoetan. Halaber, Bohemian Rhapsody eta Roma filmek bina garaikur lortu dituzte. Txanponaren bestea aldea, berriz, A Star Is Born filmari egokitu zaio. Bost izendapenekin, faborito nagusietako bat zen, baina bakarra irabazi du.
Gaueko protagonista nagusietako bat izan den Green Book filmak sari hauek eskuratu ditu: komedia edo musikal onenaren saria, antzeztaldeko emakumezko aktore onenaren saria (Mahershala Ali) eta gidoi onenarena (Nick Vallelonga, Brian Currie eta Peter Farrelly).
Bohemian Rhapsody, Queen taldeari eta Freddy Mercuryri buruzko filmak drama alorreko pelikula onenaren saria irabazi du eta Rami Malek aktoreak, ostera, gizonezko aktore onenarena Freddy Mercury hezurmamitzen egindako lanagatik.
Roma pelikulak atzerriko film onenaren saria eta zuzendari onenarena (Alfonso Cuaron mexikarra) eskuratu ditu.
Emakumezko aktore onenaren sailean Glenn Close izan da guztien artean onena The Wife pelikulan egindako lanagatik.
Izendapen gehien zituen Vice lanak (sei izendapen guztira), ostera, komedia edo musikalen alorreko gizonezko aktore onenaren sailean gailendu da (Christian Bale).
Emakumeei dagokienez, Olivia Colman aktorea izan da garaile komedia edo musikalen alorreko aktoreen artean La favorita filmagatik.
Antzeztaldeko emakumezko aktore onenaren sailean, berriz, Regina King izan da guztien artean onena (If Beale Street Could Talk).
Abesti onenaren saria Lady Gaga, Mark Ronson, Anthony Rossomando eta Andrew Wyattek idatzitako "Shallow" kantuarentzat izan da (A Star Is Born) eta animaziozko pelikula onenaren golardoa, berriz, Spider-Man: Into the Spider-Verse pelikularentzat.
Azkenik, soinu banda onenaren saria Justin Horowitzek lortu du (First Man).
Telebista alorreko irabazleen zerrenda
Drama onenaren saria: "The Americans".
Komedia edo musikal onenaren saria: "El método Kominsky".
Telesail mugatu edo telebistarako egindako film onenaren saria: "American Crime Story: "El asesinato de Gianni Versace".
Drama alorreko gizonezko aktore onenaren saria: Richard Madden ("Bodyguard").
Drama alorreko emakumezko aktore onenaren saria: Sandra Oh ("Killing Eve").
Komedia edo musikalen alorreko emakumezko aktore onenaren saria: Rachel Brosnahan ("La maravillos Sra. Maisel").
Komedia edo musikalen alorreko gizonezko aktore onenaren saria: Michael Douglas ("El método Kominsky").
Telesail mugatu edo telebistarako egindako pelikulako emakumezko aktore onenaren saria: Patricia Arquette ("Fuga en Dannemora").
Telesail mugatu edo telebistarako egindako pelikulako gizonezko aktore onenaren saria: Darren Criss ("American Crime Story: "El asesinato de Gianni Versace").
Antzeztaldeko gizonezko aktore onenaren saria: Ben Whishaw ("A Very English Scandal").
Antzeztaldeko emakumezko aktore onenaren saria: Patricia Clarkson ("Heridas abiertas").
Cecil B. DeMille saria: Jeff Bridges.
Jeff Bridges. Argazkia: EFE
Zure interesekoa izan daiteke
“Argi gorriak” seriea martxoaren 20an estreinatuko da Primeran plataforman
Itziar Ituño protagonista duen komedia garratza ordu erdiko zortzi atalez osatuta dago. Martxoaren 18an hiru atal estreinatuko dituzte, Kursaalen. Alex Merino, Alejandra Arróspide eta Alberto Gastesi dira seriearen sortzaileak, eta Gastesik berak zuzendu du. Antzeztaldea Iñigo Gastesi, Yangxi Chen, Iñigo Rodríguez, Klara Badiola, Miren Gaztañaga, Sara Cozar, Ziyi Yang, Guiomar Puerta, Aitor Beltran eta Jon Lukas Puertas aktoreek osatzen dute. Elena Mugika izeneko bikoizketako aktorearen rola betetzen du Itziar Ituñok. Bere urterik sutsuenak atzean utzita, errutinan murgilduta bizi da. Baina iktusa izan duen eta heriotza-mehatxu arriskutsu batean nahastuta dagoen senar ohiaren itzulerak dena aldatuko du.
Aranzazu Calleja musikagileak FANT zinema jaialdiaren ohorezko saria jasoko du
Fantasiazko zinemaren Bilboko jaialdia La casa en el árbol Luis Calderonen filmak irekiko du.
Beren senetik irten diren pelikulen alde, topa
Adibiderik nahi, behar? Hona hemen txundigarri oso diren pare bat: Maggie Gyllenhaalen The Bride! eta Anders Thomas Jensenen The Last Viking.
Oscarretako alfonbra gorria zabaldu dute Dolby antzokian
Dena prestatzen ari dira Los Angelesen, Euskal Herriko astelehen goizaldean Oscar sariak banatuko baititu bertan Hollywoodeko Akademiak. Conan O'Brien izango da galako aurkezlea, eta Sinners filmak beste edozein pelikulak inoiz baino izendapen gehiago jaso ditu, hamasei.
"Carne y arena" instalazioa ez da ostegunean irekiko
Alejandro Gonzalez Iñarritu zinemagileak sortutako murgiltze zeharkaldi birtualaren irekiera “aldi baterako atzeratu” da, arazo teknikoak direla eta.
Estibaliz Urresola Solaguren: “Zinema pantaila ispilu bat bezalakoa da”
Laudioar zinemagileak erreferenteen gorazarrea egin du “M8 - Ikusi eta Izan” EITBk sustatutako ekimenean. Hiru minutuko fikzioan, 26 euskal emakume zuzendariren filmen txatalak josi ditu, erreferente feministei eta zinemaren munduari buruzko hausnarketa egiteko. Estibaliz Urresola Solagurenen (20.000 especies de abejas, Cuerdas…) ikus-entzunezko pieza Primeran plataforman ikus daiteke.
Zinemaldiaren zuzendari berria aukeratzeko lehiaketa publikoa hasi da
Jose Luis Rebordinosek 2026ko abenduaren 31n utziko du zinema jaialdiaren gidaritza, eta haren ordezkoa “goi mailako unibertsitate titulua, ingeles maila handia eta euskaraz nahiz gaztelaniaz komunikatzeko gaitasuna dituen pertsona bat” izango da.
AEBko aktoreen sindikatuak bultzada eman dio "Sinners"i
Oscar sarietarako bi aste falta direla, banpiroen dramak film onenaren saria irabazi du bart SAG-AFTRA Hollywoodeko aktoreen sindikatu nagusiaren sarien 32. edizioan. Michael B. Jordanek aktore onenaren saria jaso du 'Sinners' filmean egindako lanagatik, Leonardo DiCaprio (One Battle After Another), Ethan Hawke (Blue Moon), Jesse Plemons (Bugonia) eta Timothée Chalameten (Marty Supreme) aurrean. Emakumezkoen atalean, Jessie Buckley irabazi du saria, Hamnet filmean egin duen paperari esker.
Alauda Ruiz de Azua: "Ametsetako gaua da"
Barakaldar zinemagilea pozik agertu da "Los domingos" filmak bost Goya sari irabazi eta gero.
Jose Ramon Soroiz: "Puztuta, bete-bete eginda nago"
Legorretar aktoreak gizonezko aktore protagonista onenaren Goya saria irabazi du Bartzelonan, "Maspalomas" filmean egindako lanagatik.