'El Reino' eta 'Campeones' filmak nagusi, Goya sarietan
Bart Sevillan ospatu den Goya sarien 33. edizioan bi izan dira nabarmendu diren pelikulak. Alde batetik, Rodrigo Sorogoyenen El reino luzemetraiak eskuratu ditu Goya gehien: zazpi, hain zuzen ere. Eta horien artean zuzendari onenaren saria
Javier Fesserren Campeones luzemetraiak, berriz, hiru Goya sari jaso ditu: Pelikula onenaren saria, aktore berri onenaren saria (Jesus Vidal) eta abesti original onenarena (Coque Mallak sortua).
Gizonezko aktore onenaren saria Antonio de la Torrerentzat izan da El Reino filmean egindako lanagatik, eta emakume aktore onenaren saria Susi Sanchezentzat, La enfermedad del domingo filmagatik.
Euskal ordezkari sarituak
Euskal ordezkariei dagokienez, Carmen y Lola filmaren zuzendariak, Arantxa Echevarria bilbotarrak, zuzendari berri onenaren Goya saria irabazi du.
Bi neska ijitoren maitasun istorioa kontatzen du filmean, eta bere esker emate hitzaldian "beste modu batera maitatzen dutena" izan ditu gogoan. "Ekoizle eta banatzaile ausartak"behar direla ere aldarrikatu du, eta egile zinemaren alde azaldu da.
Arantxa Echevarria saria jasotzen. Argazkia: EFE
Un día más con vida pelikularen zuzendari nafarrek, Raul de la Fuente eta Amaia Ramirezek, animazio onenaren saria eskuratu dute,berriz.
Josu Incháutegi bizkaitarrak argazkilaritza onenaren saria irabazi du La sombra de la ley filmagatik eta Clara Bilbaok jantzien diseinu onenaren Goya saria eskuratu du film beragatik.
Zorionak Goya Sarietan saridun izan diren Another Day of Life (@adol_film), Arantxa Echevarría (@ArantxaEche), Josu Incháustegui eta Clara Bilbao-ri.
— Bingen Zupiria (@ZupiriaB) 3 de febrero de 2019
Zorionak, baita ere, gainontzeko euskal herritar izendatuei. #Goya2019 https://t.co/Mr9S12aRNJ
Film onena: Campeones
Zuzendaritza onena: Rodrigo Sorogoyen, El reino filmagatik
Gizonezko aktore onena: Antonio de la Torre, El reino filmagatik
Emakumezko aktore onena: Susi Sanchez, La enfermedad del domingo filmagatik
Moldatutako gidoi original onena: Alvaro Brechner, La noche de 12 años filmagatik
Gidoi original onena: Isabel Peña eta Rodrigo Sorogoyen, El reino filmagatik
Bigarren mailako gizonezko aktore onena: Luis Zahera, El reino filmagatik
Bigarren mailako emakumezko aktore onena: Carolina Yuste Carmen y Lola filmagatik
Gizonezko aktore berri onena: Jesus Vidal Campeones filmagatik
Emakumezko aktore berri onena: Eva Llorach Quien te cantara filmagatik
Zuzendari berri onena: Arantxa Echevarria Carmen y Lola filmagatik
Europako film onena: Cold War
Animazio film onena: Un dia mas con vida
Produkzio zuzendaritza onena: Yousaf Bokhari, El hombre que mato a Don Quijote filmagatik
Dokumental onena: El silencio de los otros
Efektu berezi onenak: Lluis Rivera eta Felix Berges, La sombra de la ley filmagatik
Soinu onena: Roberto Fernandez eta Alfonso Raposo, El reino filmagatik
Jantzien diseinu onena: Clara Bilbao, La sombra de la ley filmagatik
Iberoamerikako film onena: Roma
Abesti original onena: Este es el momento, Coque Mallak sortua, Campeones filmerako
Musika original onena: Olivier Arson, El reino filmagatik
Makilaje eta ileapaindegi onena: Sylvie Imbert, Amparo Sanchez eta Pablo Perona, El hombre que mato a Don Quijote filmagatik
Zuzendaritza artistiko onena: Juan Pedro Gaspar, La sombra de la ley filmagatik
Argazkilaritza zuzendaritza onena: Josu Inchaustegui La sombra de la ley filmagatik
Muntaia onena: Alberto del Campo El reino filmagatik
Fikziozko film labur onena: Cerdita
Dokumental film labur onena: Gaza
Animaziozko film labur onena: Cazatalentos
Aldarrikapen feministak
"Ezta bat gutxiago ere" esaldia idatzita zuten abaniko gorriak eraman zituzten gonbidatuak Goya sarietan, indarkeria matxistaren kontrako protestan. Sarituek ere aldarriak egin zituzten bere hitzaldietan. Eva Llorachek esaterako, emakumezko aktore berri onenaren saria jaso zuenean aretoan zeuden emakume guztiak altxarazi zituen bere hitzaldiarekin.
Aurtengo Goya sarietan izendatutakoen %27 emakumezkoak izan dira eta %74 gizonezkoak. Hori azpimarratu zuen Carolina Yustek bere hitzaldian, eta ildo horretan eskerrak eman zizkien Carmen y Lola filmeko arduradunei partehartzaileen %70 emakumeak izateagatik.
Susi Sanchez aktore onenaren sariak ere topa egin zuen emakume guztiengatik eta ekitaldiko aurkezleek ere emakumeekiko elkartasuna erakutsi zuten.
Albiste gehiago zinema
"Bizkarsoro" filmak itxiko du EUNIC, Europar Zinemaren Jaialdia
Jaialdia Bruselan egiten ari da urriaren 6tik 16ra bitarte, eta Josu Martinezen lana euskarazko jatorrizko bertsioan emango dute, ingelesezko azpidatziekin.
"Gaua" filmaren trailerra
Paul Urkijoren hirugarren fim luzea Sitgeseko zinema jaialdian estreinatu dute joan den astean. Urriaren 31n, Fantasiazko eta Beldurrezko Zinemaren 36. Astea irekiko du, gero, EITBren parte-hartzea duen filmak, eta azaroaren 14an zinema aretoetan estreinatuko dute. Yune Nogueiras da filmeko protagonista, eta Elena Irureta, Ane Gabarain eta Iñake Irastorza ditu ondoan. XVII. mendean dago girotuta istorioa, eta gaueko mitologiak zeharkatzen du. Sorgin ehiza betean, Kattalinek senarrarengandik ihes egingo du gau batez. Baso ilunean galduta, atzetik zerbait duela konturatuko da, eta bidean hiru emakume topatuko ditu.
Lekeitio bete film
Euskal Zine Bilera euskarazko zinemaren jaialdiak 48. edizioa du aurtengoa. Pantailak Euskaraz ekimenari saria emango diote, eta, film laburren lehiaketaz gain, "Karmele" eta "Akelarre, marearen kontra" eta "Txillarreko Sukaldaria" dokumentalak proiektatuko dituzte.
Sitgesen lehiatuko da "Singular", Alberto Gastesiren bigarren film luzea
Duela hamar urte garatzen hasi zen zientzia-fikziozko drama humanista bat da. Adimen Artifizialaren eta giza doluaren mugak aztertzen dira EITBk babestutako lan horretan. Sitgesko jaialdiko sail ofizialean lehiatuko da Alberto Gastesi eta Alex Merino donostiarrek idatzitako filma.
Lara Izagirreren "El regalo" film laburrak lehen saria eskuratu du Berlinen, Ake Dikhea zinema-jaialdian
Bilboko Otxarkoaga auzoko hiru emakumerekin grabatutako film laburrak ijitoek pairatzen duten diskriminazioa du ardatz.
Paul Urkijok "Gaua" film berria aurkeztu du Sitgesko jaialdian
Zuzendari gasteiztarrak bere hirugarren lana aurkeztu du. EITBren babesa duen film honek patriarkatuaren boterea eta emakumeen arteko enpatia erakusten ditu, XVII. mendeko sorgin ehiza ardatz hartuta. Azaroaren 14an iritsiko da zinema-aretoetara.
Diane Keaton hil da, "Annie Hall" eta "Something's Gotta Give" komedietako izarra
Woody Allenen Annie Hall komediagatik Oscar saria irabazi zuen aktoreak ehun bat agerraldi egin zituen zineman eta telebistan.
Euskal zinema, beldur barik Sitgesen
Lau euskal film lehiatuko dira fantasiazko zinemaren Kataluniako jaialdiaren 58. edizioko Sail Ofizialean: “Gaua”, “Singular”, “Balearic” eta “Decorado”.
Derrepentean, Rocío
Maite, miresten eta saritzen ditugun zenbait pelikulatan, egileek Rocío Juradoren kantak erabiltzen dituzte kontakizuna indar bereziaz apaintzeko. Eta gu harro, kontent, zorionak eroturik.
"Hermanas" Ione Hernandezen pelikularen filmatze lanetan murgildu gara
Ione Hernandezen lehen filmaren protagonistak Emma Suarez eta Elena Anaya dira. Lagan filmatzen ari zirela baliatuta, zinemagilearekin, Suarezekin eta Anayarekin eta Josean Bengoetxea eta Artiz Kortabarria aktoreekin hitz egin dugu. Filmak EITBren parte-hartzea du.