Estreinua
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

"Basque selfie", zinema aretoetan ostiraletik aurrera

Filmak Agus Barandiaranen sentimenduak ditu ardatz, bere etxea eraitsi behar dutela jakiten duenean.
"Basque selfie"
Agus Barandiaran eta Itziar Ituño

eitb.eus

Azken eguneratzea

Ostiralean, otsailak 8, Basque selfie filma estreinatuko dute Bilbon (Multicines), Gasteizen (Florida), Donostian (Príncipe) eta Iruñan (Golem Yamaguchi), Agus Barandiaran Korrontzi folk musika taldearen sortzailea protagonista duen filma, “euskal tradizioen balioari buruzkoa”.

Basque selfie Joaquin Calderonek zuzendu du, eta makina bat aurpegi ezagun azaltzen zaizkigu bertan: Itziar Ituño (Loreak, La casa de papel), Itziar Aizpuru (80 egunean, Loreak), Kandido Uranga (Amama), Aizpea Goenaga, Aitor Merino (Asier eta biok)…

Zuzendariaren hitzetan, “Agusek eta Korrontzi taldeak mundu osoan zehar pilatutako bizipen guztien erretratua” da filma. “Horrek, etxearen inguruko hausnarketa pizten du, eta gaur egun inguratzen gaituen sistema materialista eta espekulatzailearen inguruan pentsatzera bultzatzen gaitu”, erantsi du.

Basque selfie filmaren lehen estreinaldia irailean egin zuten, Donostiako Zinemaldian.

Korrontzik disko-liburu batean aurkeztu ditu filmaren soinu banda eta jatorrizko gidoia.

Zinema Eguneko Titularrak Itziar Ituño

Zure interesekoa izan daiteke

Gehiago ikusi
Publizitatea
X