David Lynchek, Lina Wertmullerrek eta Wes Studik jasoko dituzte Ohorezko Oscarrak
David Lynch eta Lina Wertmuller zinemagileek eta Wes Studi aktoreak jasoko dituzte Hollywoodeko Akademiaren Ohorezko Oscarrak sarien hurrengo edizioan, John Bailey Zinema Arte eta Zientzien Akademiako presidenteak iragarri duenez. Gainera, Geena Davisek Jean Hersholt saria jasoko du, egindako lan humanitarioagatik.
Lynchek (73 urte), besteak beste, Blue Velvet, Lost Highway, Mulholland Dirve eta Twin Peaks telesaila zuzendu ditu, baina Akademiaren lehen Oscarra izango du ohorezko hau. Lau aldiz egon da izendatuta zuzendari, gidoilari, aktore eta ekoizlea; hiru aldiz, zuzendari lanagatik Elephant Man, Blue Velvet eta Mulholland Drive filmengatik, eta gidoigile onenarentzako sarirako ere izendatu zuten azken horretan egindako lanari esker.
Lina Wertmuller italiar zinemagilea izan zen zuzendari onenaren Oscar sarirako izendatu zuten lehen emakumea, 1977an, Pasqualino Settebellezze filmagatik, eta gidoi onenaren sarirako ere izendatu zuten film horretan egindako lanagatik.
Halaber, Wes Studi jatorri txerokiko aktorea oso ezaguna izan zen 1990eko hamarkadan, besteak beste, Otsoekin dantzan, Azken mohikanoa eta Heat filmetan egin zuen lanagatik.
Geena Davisek, bestalde, Jean Hersholt saria jasoko du, Akademiak lan humanitario nabarmena egin duten zinemako langileei ematen dien aintzatespena. Aktoreak badu Oscar bat, bigarren mailako emakumezko aktore onenarena, The accidental tourist filmean egin zuen lanagatik, eta emakumezko aktore nagusi sailean ere izendatu zuten, Thelma & Louis pelikula mitikoagatik.
Zure interesekoa izan daiteke
"Carne y arena" instalazioa ostegunean ez da irekiko
Alejandro Gonzalez Iñarritu zinemagileak sortutako murgiltze zeharkaldi birtualaren irekiera “aldi baterako atzeratu” da, arazo teknikoak direla eta.
Estibaliz Urresola Solaguren: “Zinema pantaila ispilu bat bezalakoa da”
Laudioar zinemagileak erreferenteen gorazarrea egin du “M8 - Ikusi eta Izan” EITBk sustatutako ekimenean. Hiru minutuko fikzioan, 26 euskal emakume zuzendariren filmen txatalak josi ditu, erreferente feministei eta zinemaren munduari buruzko hausnarketa egiteko. Estibaliz Urresola Solagurenen (20.000 especies de abejas, Cuerdas…) ikus-entzunezko pieza Primeran plataforman ikus daiteke.
Zinemaldiaren zuzendari berria aukeratzeko lehiaketa publikoa hasi da
Jose Luis Rebordinosek 2026ko abenduaren 31n utziko du zinema jaialdiaren gidaritza, eta haren ordezkoa “goi mailako unibertsitate titulua, ingeles maila handia eta euskaraz nahiz gaztelaniaz komunikatzeko gaitasuna dituen pertsona bat” izango da.
AEBko aktoreen sindikatuak bultzada eman dio "Sinners"i
Oscar sarietarako bi aste falta direla, banpiroen dramak film onenaren saria irabazi du bart SAG-AFTRA Hollywoodeko aktoreen sindikatu nagusiaren sarien 32. edizioan. Michael B. Jordanek aktore onenaren saria jaso du 'Sinners' filmean egindako lanagatik, Leonardo DiCaprio (One Battle After Another), Ethan Hawke (Blue Moon), Jesse Plemons (Bugonia) eta Timothée Chalameten (Marty Supreme) aurrean. Emakumezkoen atalean, Jessie Buckley irabazi du saria, Hamnet filmean egin duen paperari esker.
Alauda Ruiz de Azua: "Ametsetako gaua da"
Barakaldar zinemagilea pozik agertu da "Los domingos" filmak bost Goya sari irabazi eta gero.
Jose Ramon Soroiz: "Puztuta, bete-bete eginda nago"
Legorretar aktoreak gizonezko aktore protagonista onenaren Goya saria irabazi du Bartzelonan, "Maspalomas" filmean egindako lanagatik.
Nagore Aranburu: "Poz-pozik nago"
"Los domingos" filmean egindako lanari esker antzeztaldeko emakumezko aktore onenaren Goya saria jaso berritan, azpeitiar aktorearekin hitz egin dugu. "Oso gauza politak pasatu zaizkit, eta oso eskertuta nago", esan du.
Ibone Bengoetxea harro agertu da Goya sarietan euskal zinemari egindako aintzatespenagatik
Eusko Jaurlaritzako lehen lehendakariorde eta Kultura sailburuak sektorearen talentua eskertu du, eta hori bultzatzen duen ekosistema nabarmendu du, erakundeen babesaz harago.
Euskal zinemak urte handia ospatuko nahi du gaur Bartzelonan
Euskal zinemako ekoizpen eta profesionalek Goya sariak irabazteko aukera izango dute gaur gauean, Espainiako Zinema Akademiaren galan. Guztira, 47 izendapen jaso dituzte, 28 kategorietko 23tan.
Euskal zinemak urte oparoa biribildu nahi du Goyetan
Espainiako Zinema Akademiak bere sariak emango ditu larunbat iluntzean, Bartzelonan. Euskal ekoizpen eta profesionalek 47 izendapen jaso dituzte, eta “Los domingos” eta “Maspalomas” filmek, esate baterako, Donostiako Zinemaldian abiatu zuten bide arrakastatsua osatu nahi dute.