17 pelikula lehiatuko dira Urrezko Maskorra eskuratzeko
Donostiako Zinemaldiaren 67. edizioan, 17 pelikulek irabaz dezakete Urrezko Maskorra, besteak beste, Britainia Handiko Sarah Gavron, Poloniako Malgorzata Szumowska poloniarra eta Frantziako Alice Winocour zuzendarien zein Tibeteko Sonthar Gyal errealizadorearen filmak.
Zinemaldiak komunikatu batean iragarritako zerrendan, Sarah Gavronen (Britainia Handia, 1970) Rocks. Theresa Ikoko eta Claire Wilson gidoilariak idatzitako filmak bakarrik bizi ziren nerabe baten eta bere neba txikiaren istorioa kontatzen du. Erakundeek neba txikia kentzearen beldur da neska.
2015ean, Cialo (Gorputza) filmarekin Urrezko Hartza eta, 2018an, Mug pelikularekin Sari Naugia Berlinen lortu zituen Malgorzata Szumowska (Krakovia, 1973) zuzendariak The Other Lamb aurkeztuko du Donostian, erlijio alternatibo batean sinesten duen neska bat buruzkoa.
Europako Sarah Gavronen eta Malgorzata Szumowska zuzendariekin batera, Alice Winocour (París, 1976) izango da. Winocourrek Cannesen aurkeztu zituen lehenengo bi filmak: Augustine Semaine de la Critique sailean, 2012an, eta Maryland Un Certain Regard sailean, 2015ean. Donostian, aurten, Proxima aurkeztuko du. Film horretan, Matt Dillonek (Donostia Saria 2006) eta Eva Greenek lan egin dute. Zazpi urteko alabarekin bakarrik bizi den astronautaren papera egin du Greenek.
2011an, bere lehen pelikularekin (The Sun Beaten Path) Locarnon eta, 2015ean, bigarrenarekin (River) Berlinen lehiatu eta gero, iaz Ala Changso filmatu zuen Sonthar Gyalek (Tíbet, 1974). Film horrek Epaileen Sari Nagusia eta gidoi onenaren saria irabazi zituen Shangain. Kasu honetan, Lhamo and skalbe filmarekin etorriko da Donostiara, iraganeko esperientziak direla eta ezkondu ezin den bikotearen istorioarekin.
Urrezko Kontxa dramaturgoa eta aktorea den Gonçalo Waddington (Lisboa 1977) portugesak ere eskura dezake. Tiago Guedes eta Ivo Ferreira zinegileekin, besteak beste, egin du lan. Lehen pelikulan (Patrick), Parisen bizi den Portugaleko gazte baten istorioa kontatzen du Waddingtonek.
Pacified Paxton Winters brasildarraren filmean, alde batetik, espetxetik atera berri den trafikantearen eta nerabe baten istorioa eta, bestetik, Brasilgo Joko Olinpikoak zirela eta favelatan egin zuten polizia kontrolak jorratzen dute.
Sei filma horiek dauden Sail Ofizialean, ondorengo zuzendariak ere badira: Alejandro Amenabar (Mientras dure la guerra, Gerra irauten duen bitartean), Louise Archambault (Il pleuvait des oiseaux), Aitor Arregi, Jon Garaño eta Jose Mari Goenaga (La trinchera infinita, Lubaki bukaezina), James Franco (Zeroville), Belen Funes (La hija de un ladrón, Lapur baten alaba), Roger Michell (Blackbird), Guillaume Nicloux (Thalasso), Jose Luis Torres Leiva (Vendrá la muerte y tendrá tus ojos, Heriotza etorriko da eta zure begiak izango ditu).
Horiekin batera, Ina Weissek (Das Vorspiel), Adilkhan Yerzhanovk (A Dark Dark Man) eta David Zonanak (Mano de obra, Lan eskua) Urrezko Maskorra lortzeko aukera izango dute.
Gainera, txapelketatik kanpo, François Girarden The Song of Names eta Daniel Sanchez Arevaloren Diecisiete (Hamazazpi) ere izango dira, eta Sebastián Borenszteinen La odisea de los Giles (Gilen odisea) filma proiektatuko dute.
Zure interesekoa izan daiteke
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.
Zinemaldiko kartel berriek zinemako zenbait ogibide dituzte protagonista gisa
Ricardo Darin aktore, ekoizle eta zuzendaria izango da Donostiako Zinemaldiaren 74. edizioko kartel ofizialaren protagonista. Jaialdia 2026ko irailaren 18tik 26ra bitarte egingo da. Kartelak Donostiako Wallijai estudioak diseinatu ditu. Darin protagonista den kartelaren kasuan, collagea sortu dute 2024an hartutako erretratu batetik abiatuta. Poster ofizialarekin batera, gainerako sekzioetako kartelak ere eman dira ezagutzera, zinemagintzako ogibideei omenaldi egin nahian. Hala, Darinen irudia duen posterrak interpretaziora garamatza, eta gainerakoek, berriz, honako hauekin dute zerikusia: gidoia (New Directors), soinua (Horizontes Latinos), zuzendaritza (Zabaltegi-Tabakalera), muntaia (Perlak), arte-zuzendaritza (Nest), makillajea (Culinary Zinema), efektu bereziak (Zinemira) eta ekoizpena (Made in Spain). Kartel horiei Klasikoak ekimeneko hiru kartelak gehituko zaizkie laster. Aurten, Jose Giovanni zinegile, eleberrigile eta gidoilari frantsesa omeduko dute hiru kartel horien bidez.
Maialen Beloki: "Trantsizioa naturaltasun osoz bizi dugu"
Jose Luis Rebordinos Donostiako Zinemaldiaren zuzendariak eta Maialen Beloki urtarriletik aurrera horren tokia hartuko duenak hitza hartu dute irailaren 18an hasiko den hurrengo edizioaren kartelaren aurkezpenean.
Ricardo Darin argentinar aktorea izango da Donostiako Zinemaldiaren ikurra
2017an Donostia saria jaso zuen aktorearen argazkia ageri da Zinemaldiaren 74. edizioaren kartelean.
David Ilundain eta Helena Bengoetxea zuzendarien film berriak, zinemetan
“B, la película” eta “Uno para todos” filmen zuzendariak “Mallorca confidencial” estreinatuko du, eta Bengoetxeak, “Petrus” dokumentala.
Bev Ditsie zinemagile eta ekintzaileak jasoko du Zinegoaken Ohorezko Saria
Zinemagile eta Hegoafrikako LGTBIQ+ eskubideen aldeko borrokalariak ekainaren 22an jasoko du LGTBIQ+ Zinema eta Arte Eszenikoen Bilboko Jaialdiaren garaikurra, inaugurazio galan.
Velasco Broca arabar zinemagilea bere lehen film luzea filmatzen hasi da
"El futuro testamento" Madrilen, Burgosen, Bilbon, Comillasen, Errioxan eta Italian filmatuko da, Àlex Brendemühl, Mireia Oriol eta Ariadna Gil protagonista dituela.