Mostra abian da Venezian, nazioarteko zinema onenaz gozatzeko
Veneziako Jaialdiaren 76. edizioaren sail ofiziala Hollywoodeko bi superprodukziorekin hasi da, Polanskiren, Assayasen eta Soderberghren pelikulekin batera, besteak beste. Azken urtetan, Oscar sarietara joateko bide bihurtu da Mostra jaialdia.
Aurreko edizioetan, Birdman, La La Land eta A star is born filmen estreinaldiak izan ziren Venezian. Aurten, James Grayen Ad astra eta Todd Phillipsen Joker pelikulen txanda da. Ad astra pelikulan, Brad Pitt eta Tommy Lee Jones abentura espazial baten protagonistak dira; Joker filmean, aldiz, Joaquin Phoenixek Batmanen maltzurraren papera jo du.
Guztira, hogeita bat pelikula lehiatuko dira jaialdiaren sail ofizialean eta, edizio honetan, Julie Andrewsek eta Pedro Almodovarrek merezimenduzko Urrezko Lehoia jasoko dute.
Jaialdiaren hasiera Hirokazu Kore-eda japoniarrak eskainiko du. Cannesen azken Urrezko Palma irabazitako zinegilea Europan estreinatuko da, Egia izeneko ama-alaba drama bati bururzko filmarekin, Catherine Deneuven eta Juliette Binochen eskutik.
Roman Polanskiren Ofiziala eta espia pelikularik esanguratsuenetarikoa izango da, besteak beste, Dreyfus auziari buruzko ikuspen pertsonala agerian uzten duelako Polanskik. Dreyfus judu-alemaniar jatorria duen Frantziako kapitaina 1895ean atxilotu zuten, bidegabeko traizio delitua zela eta. Hiru urte pasa eta gero, Emile Zolaren J'accuse eta beste intelektualen laguntzaz gizona birgaitu zuten.
Hala ere, 1977an adingabe bati egindako bortxaketa dela eta AEBn atxiloketa agindua jaso ondoren ihes egindako Polanski jaialdian ez egotea espero dute, Italiako estradizio akordioak direla eta. Zinegileak bideokonferentziaren bitartez parte hartuko du, seguruenik. Jean Dujardin eta Louis Garrell aktoreak zein Emmanuelle Seigner Polanskiren emaztea, berriz, Venezian arituko dira.
Canneseko jaialdian streaming plataformetako lanek ez dute parte hartzen; Venezian, aldiz, Netflixeko bi film izango dira: Steven Soderbergheren The Laundromat eta Noah Baumbachen Marriage Story. Meryl Streepek, Gary Oldmanek, Sharon Stonek eta Antonio Banderasek, besteak beste, The Laundromat Panamako paperei buruzko pelikulan lan egin dute. Marriage Story filman, Baumbachek bere dibortzioari buruzko drama kontatu du, Adam Driverren eta Scarlett Johanssonen eskutik.
Sail ofizialean, Olivier Assayas moduko zinegileak lehiatuko dira. Penelope Cruz, Gael Garcia Bernal, Edgar Ramirez eta Ana de Armas hispaniarren laguntza izan du Assayasek Wasp network filman Miamin Kubako espia batzuen istorioa filmatzeko.
Horrez gain, 2014an Urrezko Lehoia eskuratu zuen Roy Andersson suediarra About endlessness pelikularekin lehiatuko da; eta Robert Guediguian frantsesa Gloria Mundi izeneko lanarekin bueltatuko da.
Latinoamerikako bi zinegile ospetsu lehiatuko dira sail ofizialean: Ema aurkeztuko duen Pablo Larrain txiletarra eta Waiting for the barbarians filmarekin AEBko zineman debuta egingo duen Ciro Guerra kolonbiarra. Adopzio bat gaizki ateratzen zaien bikotekidearen esperientziari buruzko filma da Ema, eta Gael Garcia Bernal eta Mariana di Girolamo aritu dira. Waiting for the barbarians J.M.Coetzee liburuaren adaptazioa da; horretan, Johnny Deppek eta Robert Pattinsonek egin dute lan.
Txapelketatik kanpo
Rock and roll giroa Mick Jaggerren esku utzi dute, The burnt orange heresy filmaren protagonista delako. Jaggerrekin batera, Roger Waters Pink Floyd taldeko konpositoreak Europan egindako azken birari buruzko dokumentala aurkeztuko du.
Era berean, Costa-Gavras greziarraren Adults in the room pelikula proiektatuko dute. Amazonen produkzio horretan, Kristen Stewartek Jean Seberg aktorearen papera antzeztuko du. Timothée Chalamet aktorearen eta Joel Edgerton gidoilariaren eskutik, David Michoden The King ere Venezian izango da.
Gainera, bi telesaileko debuta izango da: The new pope, Paolo Sorrentinoren The young poperen bigarren partea, John Malkovich eta Jude Law aktoreen eskutik; eta ZeroZeroZero, Italiako hegoaldean kokainako negozioari buruz Roberto Savianok idatzitako liburuaren adaptazioa.
Horizontes sailean, bukatzeko, Nafarroako Oskar Alegriaren Zumiriki eta Madrilgo Rodrigo Sorogoyenen Ama ¿filmak proiektatuko dituzte.
Albiste gehiago zinema
"Gaua" eta "Decorado" euskal ekoizpenak Sitgeseko zinema jaialdian lehiatuko dira
Paul Urkijoren film berria eta Alberto Vázquez galiziarraren animaziozko lana urriaren 9tik 19ra Kataluniako kostaldeko herrian egiten den zinemaldiko Sail Ofizialean izango dira.
Urriaren 10ean estreinatuko dute “Karmele” filma
Lehenago, Asier Altunaren filma Donostiako Zinemaldiko Sail Ofizialean proiektatuko dute. Jone Laspiur eta Eneko Sagardoy dira protagonistak, eta “Elkarrekin esnatzeko ordua” Kirmen Uriberen eleberrian oinarrituta dago.
Karmele, Maspalomas eta Zeru ahoak Zinemaldiko Sail Ofizialean egongo dira
Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen. Euskarazko hiru jasoko ditu aurtengo edizioaren Sail Ofizialak: Koldo Almandozen Zeru Ahoak, Asier Altunaren Karmele eta Moriartiren Maspalomas. Azken hori, gainera, Maskorra eskuratzeko lehian izango da.
Euskarazko hiru ekoizpen jasoko ditu Donostiako Zinemaldiaren Sail Ofizialak
“Maspalomas” Moriarti hirukotearen filma Maskorretarako lehian izango da, eta “Karmele” Asier Altunaren filma eta “Zeru ahoak” Koldo Almandozen seriea, lehiatik kanpo. Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen.
Ion de Sosak Locarnoko zinema jaialdian estreinatuko du “Balearic”
Donostiar zinemagilearen film luzea Concorso Cineasti del Presente sailean lehiatuko da Suitzako hiriko jaialdian.
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.
“Maspalomas” Moriartitarren film berriaren lehen irudiak
EITBk Moriarti hirukotearen film berriaren lehen trailerra estreinatu du. Jose Mari Goenagak eta Aitor Arregik (Marco, La trinchera infinita, Handia, Loreak…) zuzendu duten filmaren protagonistak Jose Ramon Soroiz eta Nagore Aranburu dira. Vicenteren bizitza du kontagai: Kanarietan bizitzaz gozatzen ari dela, Donostiara itzuli beharko du eta, adinekoen etxe batean sartzen dutenean, homosexuala dela ezkutatuko du. EITBren parte-hartzea duen filma irailaren 26an iritsiko da zinema aretoetara.
Michael Madsen, 'Kill Bill' eta 'Reservoir Dogs' filmetako aktorea hil da, 67 urterekin
Malibuko bere etxean topatu dute aktorea hilda, antza, bihotzekoak-jota. Madsenek, Quentin Tarantinoren film ugaritan lan egiteaz gain, ehunka film eta telesailetan parte hartu du 1983an bere ibilbide artistikoa hasi zuenetik.
Zinemajaletasunak ez du mugarik onartzen
Bada zinemazale ororen arteko elkartasun estrainioa, mugak gainditzen dituena, ozeanoak zeharkatzen dituena.
“Between goodbyes” dokumentalak irabazi du Zinegoakeko sari nagusia
LGTBIQ+ zinema eta arte eszenikoen Bilboko jaialdia gaur bukatu da. Europan adoptatutako pertsona batek Koreako jatorrira egindako bidaia kontatzen du film irabazleak.