Zinemaldia Bilbora iritsiko da, zazpi film estreinagaberen eskutik
Donostiako Zinemaldiaren 67. edizioan erakutsitako zazpi film Bilbon proiektatuko dituzte, Azkuna Zentroko zinema aretoetan, irailaren 30etik urriaren 6ra.
Irailaren 30ean abiatuko dute zikloa, astelehenarekin, hain zuzen ere, "La trinchera infinita" Jose Mari Goenaga, Jon Garaño eta Aitor Arregi Zuzendaritza Onenaren Zilarrezko Maskorraren irabazleen filmarekin.
Jarraian, asteartean, Sail Ofizialean lehiatu den beste pelikula bat jarriko dute ikusgai, "Vendrá la muerte y tendrá tus ojos" José Luis Torres Leiva txiletar zinemagilearena, eta "Le rêve de noura" Hinde Boujemaa tunisiar zuzendariaren pelikularen txanda izango da asteazkenean.
Perlak sailetik iritsiko da Bilboko zinema aretora zinemazaleek jakin-min handiarekin espero duten titulu bat, "Gisaengchung / Parasite" Bong Joon-horen pelikula, egun bat geroago "Sorry we missed you" Ken Loachen filmak egingo duen bezala.
Bestetik, New Directors sailean, "Le milieu de l'horizon" Joanne Gigerren filma egon da ikusgai, eta Lurra Greenpeacek ematen duen saria zergatik irabazi duen eztabaidatu ahalko dute Bilboko zinemazaleek, urriaren 6an Clive Owen eta Tim Roth protagonista dituen "The Song of Names" filmak zikloa itxi baino lehen.
Irailak 30 (20:00)
Pelikula: La trinchera infinita
Sekzioa: Ofiziala
Zuzendaria: Jose Mari Goenaga, Jon Garaño, Aitor Arregi
Espainia - Frantzia
Urriak 1 (20:00)
Pelikula: Vendrá la muerte y tendrá tus ojos
Sekzioa: Ofiziala
Zuzendaria: José Luis Torres Leiva
Txile - Argentina - Alemania
Urriak 2 (20:00)
Pelikula: Le rêve de noura
Sekzioa: New directors
Zuzendaria: Hinde Boujemaa
Tunisia - Belgika - Frantzia - Qatar
Urriak 3 (20:00)
Pelikula: Gisaengchung / Parasite
Sekzioa: Perlak
Zuzendaria: Bong Joon-ho
Hego Korea
Urriak 4 (20:00)
Pelikula: Sorry we missed you
Sekzioa: Perlak
Zuzendaria: Ken Loach
Erresuma Batua - Frantzia - Alemania
Urriak 5 (20:00)
Pelikula: Le milieu de l'horizon
Sekzioa: New Directors
Zuzendaria: Delphine Lehericey
Suitza - Belgika
Urriak 6 (20:00)
Pelikula: The Song of Names
Sekzioa: Ofiziala
Zuzendaria: François Girard
Kanada - Erresuma Batua - Hungaria
Zure interesekoa izan daiteke
Aranzazu Calleja musikagileak FANT zinema jaialdiaren ohorezko saria jasoko du
Fantasiazko zinemaren Bilboko jaialdia La casa en el árbol Luis Calderonen filmak irekiko du.
Beren senetik irten diren pelikulen alde, topa
Adibiderik nahi, behar? Hona hemen txundigarri oso diren pare bat: Maggie Gyllenhaalen The Bride! eta Anders Thomas Jensenen The Last Viking.
Oscarretako alfonbra gorria zabaldu dute Dolby antzokian
Dena prestatzen ari dira Los Angelesen, Euskal Herriko astelehen goizaldean Oscar sariak banatuko baititu bertan Hollywoodeko Akademiak. Conan O'Brien izango da galako aurkezlea, eta Sinners filmak beste edozein pelikulak inoiz baino izendapen gehiago jaso ditu, hamasei.
"Carne y arena" instalazioa ostegunean ez da irekiko
Alejandro Gonzalez Iñarritu zinemagileak sortutako murgiltze zeharkaldi birtualaren irekiera “aldi baterako atzeratu” da, arazo teknikoak direla eta.
Estibaliz Urresola Solaguren: “Zinema pantaila ispilu bat bezalakoa da”
Laudioar zinemagileak erreferenteen gorazarrea egin du “M8 - Ikusi eta Izan” EITBk sustatutako ekimenean. Hiru minutuko fikzioan, 26 euskal emakume zuzendariren filmen txatalak josi ditu, erreferente feministei eta zinemaren munduari buruzko hausnarketa egiteko. Estibaliz Urresola Solagurenen (20.000 especies de abejas, Cuerdas…) ikus-entzunezko pieza Primeran plataforman ikus daiteke.
Zinemaldiaren zuzendari berria aukeratzeko lehiaketa publikoa hasi da
Jose Luis Rebordinosek 2026ko abenduaren 31n utziko du zinema jaialdiaren gidaritza, eta haren ordezkoa “goi mailako unibertsitate titulua, ingeles maila handia eta euskaraz nahiz gaztelaniaz komunikatzeko gaitasuna dituen pertsona bat” izango da.
AEBko aktoreen sindikatuak bultzada eman dio "Sinners"i
Oscar sarietarako bi aste falta direla, banpiroen dramak film onenaren saria irabazi du bart SAG-AFTRA Hollywoodeko aktoreen sindikatu nagusiaren sarien 32. edizioan. Michael B. Jordanek aktore onenaren saria jaso du 'Sinners' filmean egindako lanagatik, Leonardo DiCaprio (One Battle After Another), Ethan Hawke (Blue Moon), Jesse Plemons (Bugonia) eta Timothée Chalameten (Marty Supreme) aurrean. Emakumezkoen atalean, Jessie Buckley irabazi du saria, Hamnet filmean egin duen paperari esker.
Alauda Ruiz de Azua: "Ametsetako gaua da"
Barakaldar zinemagilea pozik agertu da "Los domingos" filmak bost Goya sari irabazi eta gero.
Jose Ramon Soroiz: "Puztuta, bete-bete eginda nago"
Legorretar aktoreak gizonezko aktore protagonista onenaren Goya saria irabazi du Bartzelonan, "Maspalomas" filmean egindako lanagatik.
Nagore Aranburu: "Poz-pozik nago"
"Los domingos" filmean egindako lanari esker antzeztaldeko emakumezko aktore onenaren Goya saria jaso berritan, azpeitiar aktorearekin hitz egin dugu. "Oso gauza politak pasatu zaizkit, eta oso eskertuta nago", esan du.