'Lubaki amaigabea'k bi Goya eskuratu ditu Pedro Almodovarren erresuman
Espainiako Zinemagintza Arte eta Zientzia Akademiak Goya Sariak banatu ditu larunbat honetan. 34. edizioaren zeremonia Malagan egin dute aurrenekoz, Jose Maria Martin Carpena Kirol Jauregian. Andreu Buenafuentek eta Silvia Abrilek aurkeztu dute berriro.
Pedro Almodovar zuzendariaren 'Dolor y gloria' pelikula nagusi izan da edizio honetan, zazpi garaikur lortuta. Besteak beste, pelikularik onenaren saria, zuzendari onenarena, gizonezko aktore nagusi onenarena (Antonio Banderas) eta emakumezko bigarren aktorerik onenarena (Julieta Serrano) eskuratu ditu.
Alejandro Amenabarren 'Mientras dure la guerra' pelikulak bost sari bereganatu ditu, bi 'Lo que arde'k eta beste bi 'Intemperie'k.
Euskal ordezkaritzari dagokionez, Espainiako Gerra Zibilean eta gerraondoan girotutako 'Lubaki amaigabea' drama 15 kategoritan hautagai zen; baina, azkenean, Aitor Arregik, Jon Garañok eta Jose Mari Goenagak zuzendutako filmak bi Goya Sari bakarrik eskuratu ditu. Belen Cuestak (Sevilla, 1984) irabazi du emakumezko aktore onenaren saria 'Lubaki amaigabea'n egindako lanagatik; eta Iñaki Diezek, Alazne Ameztoyk, Xanti Salvadorrek eta Nacho Royo-Villanovak osatutako taldeak eskuratu du Soinurik Onenaren Goya saria film horretan egindako lanagatik.
Bestalde, Mario Campoyk eta Iñaki Madariagak Efektu Berezi Onenen Goya saria jaso dute 'El hoyo' (The Platform) pelikulan egindako lanagatik.
Mario Campoyk eta Iñaki Madariagak Efektu Berezi Onenen Goya saria jasotzen. Argazkia: EFE
Alberto Iglesias konpositore donostiarrak, berriz, bere marka hautsi du Goya Sarietan, bere hamaikagarren Goya bereganatu baitu 'Dolor y gloria' filmeko Soinu Bandagatik. "Zirrara handia da, ez dakit zer esan", adierazi du, hunkituta.
"Pedro Almodovarren zinemak askeago egin dit (…), kontatzen oso zailak diren gauzak kontatu ditu, musikaren bidez pelikularen bihotzera iristen saiatu naiz, benetakoa izaten", erantsi du saria bere anai-arrebei eskaini baino lehen.
Iglesias (Donostia, 1955) filmen soinu-bandak egiten dituen euskal musikagile ospetsuena da. Goya Sarietan izendapen kopuru handiena duen pertsona da, 17; eta era berean, sari gehien irabazi dituen pertsona ere bada, 11 Goya baititu.
Alberto Iglesias musikagile donostiarra. Argazkia: EFE
Benedicta Sanchez eta Pepa Flores Marisol, bi izen propio
Benedicta Sanchez izan da Goya Sarien Galan txalo zaparrada handiena eskuratu duen pertsona dudarik gabe. 84 urterekin, emakumezko aktore berriaren Goya Saria jaso du 'Lo que arde' filmean egindako lanagatik.
Saria jaso eta eskertza hitzaldia egiteko oholtzara igo denean, "ez ahaztu amonaz" eskatu die ilobei.
Benedicta Sanchez, saria jasotzera igo denean. Argazkia: EFE
Pepa Flores Marisol ikusteko ikusmin ikaragarria zegoen arren, azkenean, ez da galara agertu. Bere izenean, Maria Esteve, Celia Flores eta Tamara Gades alabek jaso dute Ohorezko Goya.
"Duela 30 urte gure amak fokuetatik betirako aldentzeko erabakia hartu zuen, eta gaur, hunkituta eta Akademiarekin zein lankideekin eskertuta, adi-adi guri begira dago leku lasai batetik" esan du Estevek, amarekin harro.
Amaia Romero nafarrak "La canción de Marisol" abestiaren bertsio bat abestu du eta bere alaba Celia Floresek "Estando contigo" interpretatu du.
Celia Flores, Tamara Gades eta Maria Esteve, Pepa Flores 'Marisol'en alabak. Argazkia: EFE
Zure interesekoa izan daiteke
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.
"Ander eta Yul" filma zaharberritu dute EITBk eta Euskadiko Filmategiak
Ana Diez zuzendari nafarraren Ander eta Yul (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’Immagine Ritrovata laborategietan aztertu eta eskuz konpondu dute, aurretik, besteak beste, Tasio filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.
Zinemaldiko kartel berriek zinemako zenbait ogibide dituzte protagonista gisa
Ricardo Darin aktore, ekoizle eta zuzendaria izango da Donostiako Zinemaldiaren 74. edizioko kartel ofizialaren protagonista. Jaialdia 2026ko irailaren 18tik 26ra bitarte egingo da. Kartelak Donostiako Wallijai estudioak diseinatu ditu. Darin protagonista den kartelaren kasuan, collagea sortu dute 2024an hartutako erretratu batetik abiatuta. Poster ofizialarekin batera, gainerako sekzioetako kartelak ere eman dira ezagutzera, zinemagintzako ogibideei omenaldi egin nahian. Hala, Darinen irudia duen posterrak interpretaziora garamatza, eta gainerakoek, berriz, honako hauekin dute zerikusia: gidoia (New Directors), soinua (Horizontes Latinos), zuzendaritza (Zabaltegi-Tabakalera), muntaia (Perlak), arte-zuzendaritza (Nest), makillajea (Culinary Zinema), efektu bereziak (Zinemira) eta ekoizpena (Made in Spain). Kartel horiei Klasikoak ekimeneko hiru kartelak gehituko zaizkie laster. Aurten, Jose Giovanni zinegile, eleberrigile eta gidoilari frantsesa omeduko dute hiru kartel horien bidez.