Oscarrak, jabe bila
"1917" teknikoki bikaina, "Joker" eta Joaquin Phoenixek bertan egiten duen paper harrigarria, "The Irishman" usain klasikoko pelikula, Tarantino eta 60ko eta 70eko hamarkadetako Hollywoodeko bere erretratu nostalgiko baina berritzailea, "Parasite" maisulan ilun, politiko eta, halere, irrigarria…
Zinemazaleek azken hiletan hizpide izan dituzten film, zuzendari, gidoilari, aktore eta teknikariak nor baino nor gehiago lehiatuko dira Euskal Herrian astelehen goizaldean, 02:00etan, hasiko den Oscar sarien galan, Los Angelesen.
Ohi bezala, Dolby antzokiak hartuko du AEBko zinemaren urteko gaurik garrantzitsuena. Iaz bezala, ez da zeremonia maisurik izango, eta gonbidatuak sailez sail agertuko dira 24 sariak ematera: Óscar Isaac, Jane Fonda, Tom Hanks, Natalie Portman, Chris Rock, Taika Waititi, Mahershala Ali, Utkarsh Ambudkar, Timothée Chalamet, Olivia Colman, Penélope Cruz, Gal Gadot, Salma Hayek, Diane Keaton, Shia LaBeouf, Spike Lee, Keanu Reeves, Sigourney Weaver…
Gainera, musikari dagokionez, Billie Eilish, Elton John eta Cynthia Erivo arituko dira, besteak beste, zuzenean 225 herrialdetan jarraituko duten galan.
Izendapen gehien, “Joker”ek
"Joker" Todd Phillipsen filmak bildu ditu izendapen gehien, 11. Haren atzetik daude, hamarna izendapenekin, "The Irishman", "1917" eta "Once upon a time... in Hollywood".
Pelikula onenerako izendatuta daude “Ford vs Ferrari”, “The Irishman”, “Jojo Rabbit”, “Joker”, “Little women”, “Marriage story”, “1917”, “Once upon a time… in Hollywood” eta “Parasite”.
Horiez gain, hauek dira kategoria nagusietan izendatutakoak:
Zuzendari onena: Martin Scorsese ("The Irishman"), Quentin Tarantino ("Once upon a time... in Hollywood"), Bong Joon-ho ("Parasite"), Sam Mendes ("1917") eta Todd Phillips ("Joker").
Emakumezko aktore onena: Renee Zellweger ("Judy"), Charlize Theron ("Bombshell"), Scarlett Johansson ("Marriage story"), Saoirse Ronan ("Little women") eta Cynthia Erivo ("Harriet").
Gizonezko aktore onena: Joaquin Phoenix ("Joker"), Adam Driver ("Marriage story"), Leonardo DiCaprio ("Once upon a time... in Hollywood"), Antonio Banderas ("Dolor y gloria") eta Jonathan Pryce ("The two popes").
Bigarren mailako emakumezko aktore onena: Laura Dern ("Marriage story"), Margot Robbie ("Bombshell"), Florence Pugh ("Little women"), Scarlett Johansson ("Jojo Rabbit") eta Kathy Bates ("Richard Jewell").
Bigarren mailako gizonezko aktore onena: Brad Pitt ("Once upon a time... in Hollywood"), Al Pacino ("The Irishman"), Joe Pesci ("The Irishman"), Tom Hanks ("A beautiful day in the neighborhood") eta Anthony Hopkins ("The two popes").
Nazioarteko film onena: "Corpus Christi" (Polonia), "Honeyland" (Ipar Mazedonia), "Les miserables" (Frantzia), "Dolor y gloria" (Espainia) eta "Parasite" (Hego Korea).
Albiste gehiago zinema
Marisa Paredes omenduko du Zinemaldiak 73. edizioko kartel ofizialean
Bestalde, gaur jakitera eman da Esther Garcia ekoizleak jasoko duela aurtengo Donostia sarietako bat, "Espainiako eta Latinoamerikako zinemagintza nazioartekotzeko egin duen lanagatik".
‘Zeru Ahoak’, Almandozen azken lanaren lehen irudiak aurkeztu dituzte
Lau ataleko serie noir laburra da eta Nagore Aranburu aktore azpeitiarra da protagonista. Orain ikusi ez den Bilbo erakustea da asmoa. Donostia Zinemaldiaren 73. Edizioko Sail Ofizialeko Emanaldi Berezietan hartuko du parte.
Alauda Ruiz de Azua zuzendari bizkaitarra lehen aldiz lehiatuko da Donostiako Zinemaldiko Urrezko Maskorra lortzeko, ‘Los Domingos’ filmarekin
Film honek klausura-komentuko kontenplazio-bizitzak erakarri egingo duen gazte aparteko eta idealista baten istorioa jorratzen du. Ruiz de Azuaren lehen film luzea 'Cinco lobitos' izan zen.
"Gaua" eta "Decorado" euskal ekoizpenak Sitgeseko zinema jaialdian lehiatuko dira
Paul Urkijoren film berria eta Alberto Vázquez galiziarraren animaziozko lana urriaren 9tik 19ra Kataluniako kostaldeko herrian egiten den zinemaldiko Sail Ofizialean izango dira.
Urriaren 10ean estreinatuko dute “Karmele” filma
Lehenago, Asier Altunaren filma Donostiako Zinemaldiko Sail Ofizialean proiektatuko dute. Jone Laspiur eta Eneko Sagardoy dira protagonistak, eta “Elkarrekin esnatzeko ordua” Kirmen Uriberen eleberrian oinarrituta dago.
Karmele, Maspalomas eta Zeru ahoak Zinemaldiko Sail Ofizialean egongo dira
Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen. Euskarazko hiru jasoko ditu aurtengo edizioaren Sail Ofizialak: Koldo Almandozen Zeru Ahoak, Asier Altunaren Karmele eta Moriartiren Maspalomas. Azken hori, gainera, Maskorra eskuratzeko lehian izango da.
Euskarazko hiru ekoizpen jasoko ditu Donostiako Zinemaldiaren Sail Ofizialak
“Maspalomas” Moriarti hirukotearen filma Maskorretarako lehian izango da, eta “Karmele” Asier Altunaren filma eta “Zeru ahoak” Koldo Almandozen seriea, lehiatik kanpo. Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen.
Ion de Sosak Locarnoko zinema jaialdian estreinatuko du “Balearic”
Donostiar zinemagilearen film luzea Concorso Cineasti del Presente sailean lehiatuko da Suitzako hiriko jaialdian.
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.
“Maspalomas” Moriartitarren film berriaren lehen irudiak
EITBk Moriarti hirukotearen film berriaren lehen trailerra estreinatu du. Jose Mari Goenagak eta Aitor Arregik (Marco, La trinchera infinita, Handia, Loreak…) zuzendu duten filmaren protagonistak Jose Ramon Soroiz eta Nagore Aranburu dira. Vicenteren bizitza du kontagai: Kanarietan bizitzaz gozatzen ari dela, Donostiara itzuli beharko du eta, adinekoen etxe batean sartzen dutenean, homosexuala dela ezkutatuko du. EITBren parte-hartzea duen filma irailaren 26an iritsiko da zinema aretoetara.