'El Drogas' dokumentala eta 'Ane' filma estreinatuko dira Zinemaldian
Donostia Zinemaldiaren 68. edizioak aurrera jarraitzen du, eta hirugarren egun honetan ere hainbat lan ikusteko aukera izango da. David Perez zinemagilearen Ane film luzea, esaterako, New Directors sailean lehiatuko da, eta Natxo Leuzak zuzendu duen El Drogas-i buruzko dokumentala, berriz, Donostiako Zinemaldiko Zinemira sailean lehiatuko da Irizar Sarirako. Bi filmak EiTB-k babestu ditu.
Ane, Zinemaldiko New Directors sailean lehiatuko da beste bost opera prima eta lau bigarren pelikularekin batera. David Perezek egin duen lehen film luzea da, eta Patricia López Arnaiz, Mikel Losada eta Jone Laspiu dira filmeko protagonista nagusiak.
Pelikula hau Gasteizen grabatu dute, eta 2018an izenburu berarekin ekoitzitako film laburrean oinarrituta dago. Hain zuen ere, 2009an Arabako hiriburuan gertatutako neska gazte baten desagerpena du ardatz. Zuzendariak berak idatzi du gidoia, Marina Paresen laguntzarekin.
Gainera, El Drogas, Natxo Leuzak zuzendutako lana estreinatuko da Zinemaldian, eta Zinemira sailean lehiatuko da Irizar Sarirako. Dokumentalak Euskal Herriko musikagintzan eta gazteleraz kantatutako rockaren historian ezinbesteko figura den Enrique Villareal txantrearraren figuran sakontzen du. EiTBk exkusiban eman zuen El Drogas pelikularen trailer ofiziala.
80 minutuko ikus-entzunezkoak El Drogas-en adierazpenak ez ezik, artxiboko irudiak, zuzenekoetako pasarteak eta inguruko kide nahiz lagunei egindako elkarrizketak biltzen ditu, horietan aipatzekoak Rosendo, Fito, Christina Rosenvinge, Carlos Tarque edo Kutxi Romero. Gainera, musikariaren familiartekoak ere ikusiko ditugu filman, haren bikotea edo Gari eta Arai semeak.
Hau guztiaz gainera, gaur beste zenbait lan ere ikusi ahal izango dira, txikienentzako Playmobil filma edo Alfonbra magikoa, eta Nora, EiTBk babesten duen eta Lara Izagirre zornotzarrak zuzentzen duen film luzea, besteak beste.
Albiste gehiago zinema
Biba Zinema eta Lege Berriak!
Begoña del Tesok gaur egun zinema kontsumitzeko moduaren analisia egin du.
Marisa Paredes omenduko du Zinemaldiak 73. edizioko kartel ofizialean
Bestalde, gaur jakitera eman da Esther Garcia ekoizleak jasoko duela aurtengo Donostia sarietako bat, "Espainiako eta Latinoamerikako zinemagintza nazioartekotzeko egin duen lanagatik".
‘Zeru Ahoak’, Almandozen azken lanaren lehen irudiak aurkeztu dituzte
Lau ataleko serie noir laburra da eta Nagore Aranburu aktore azpeitiarra da protagonista. Orain ikusi ez den Bilbo erakustea da asmoa. Donostia Zinemaldiaren 73. Edizioko Sail Ofizialeko Emanaldi Berezietan hartuko du parte.
Alauda Ruiz de Azua zuzendari bizkaitarra lehen aldiz lehiatuko da Donostiako Zinemaldiko Urrezko Maskorra lortzeko, ‘Los Domingos’ filmarekin
Film honek klausura-komentuko kontenplazio-bizitzak erakarri egingo duen gazte aparteko eta idealista baten istorioa jorratzen du. Ruiz de Azuaren lehen film luzea 'Cinco lobitos' izan zen.
"Gaua" eta "Decorado" euskal ekoizpenak Sitgeseko zinema jaialdian lehiatuko dira
Paul Urkijoren film berria eta Alberto Vázquez galiziarraren animaziozko lana urriaren 9tik 19ra Kataluniako kostaldeko herrian egiten den zinemaldiko Sail Ofizialean izango dira.
Urriaren 10ean estreinatuko dute “Karmele” filma
Lehenago, Asier Altunaren filma Donostiako Zinemaldiko Sail Ofizialean proiektatuko dute. Jone Laspiur eta Eneko Sagardoy dira protagonistak, eta “Elkarrekin esnatzeko ordua” Kirmen Uriberen eleberrian oinarrituta dago.
Karmele, Maspalomas eta Zeru ahoak Zinemaldiko Sail Ofizialean egongo dira
Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen. Euskarazko hiru jasoko ditu aurtengo edizioaren Sail Ofizialak: Koldo Almandozen Zeru Ahoak, Asier Altunaren Karmele eta Moriartiren Maspalomas. Azken hori, gainera, Maskorra eskuratzeko lehian izango da.
Euskarazko hiru ekoizpen jasoko ditu Donostiako Zinemaldiaren Sail Ofizialak
“Maspalomas” Moriarti hirukotearen filma Maskorretarako lehian izango da, eta “Karmele” Asier Altunaren filma eta “Zeru ahoak” Koldo Almandozen seriea, lehiatik kanpo. Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen.
Ion de Sosak Locarnoko zinema jaialdian estreinatuko du “Balearic”
Donostiar zinemagilearen film luzea Concorso Cineasti del Presente sailean lehiatuko da Suitzako hiriko jaialdian.
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.