"Ane" eta "Akelarre" zinemetara bueltan, Goyek bultzatuta
“Ane” eta “Akelarre” euskal filmak, biak ere EITBren parte-hartzea dutenak, ikusgai egongo dira berriz zinema aretoetan. Espainiako Zinema Akademiaren Goya sarietarako jaso dituzten izendapenek –bost “Ane”k eta bederatzi “Akelarre”k– bigarren aukera bat eman diete zinemazaleengana iristeko.
“Ane” Bilbon (Golem Alhondiga); Gasteizen, filmatu zen hirian, (Florida); Donostian (Antiguo Berri); eta, datorren ostiraletik aurrera, Iruñean (Golem Yamaguchi) egongo da ikusgai, baita Madrilen eta Katalunian, Bartzelonan eta Lleidan, ere.
David Perez Sañudo "Ane"ren zuzendariarekin elkarrizketa
David P. Sañudo: "Komunikazioari buruzko tesia proposatzen dugu 'Ane'n"
Pelikula onenaren, zuzendari onenaren (David Perez Sañudo), emakumezko aktore protagonista onenaren (Patricia Lopez Arnaiz), emakumezko aktore berri onenaren (Jone Laspiur) eta gidoi egokitu onenaren (David Perez Sañudo eta Marina Pares) ataletan izango da saria irabazteko hautagai “Ane”, Donostiako Zinemaldian pelikula onenaren Irizar saria irabazi zuen lana.
“Akelarre”, bestalde, Bilbon (Golem Alhondiga), Barakaldon (Yelmo Megapark), Leioan (Artea), Donostian (Antiguo Berri), Gasteizen (Boulevard, Gorbeia), Iruñean (Golem Yamaguchi) eta Uharten (Itaroa) egongo da ikusgai, baita Madrilen eta Bartzelonan ere.
Pablo Aguero "Akelarre"ren zuzendariarekin elkarrizketa
"Jendeak 'Akelarre' bere borroketarako tresna gisa erabiltzea nahiko nuke"
Sail hauetan goraipatu dute “Akelarre” Goya sarietarako: emakumezko aktore protagonista (Amaia Aberasturi), jatorrizko musika (Aránzazu Calleja eta Maite Arroitajauregi Mursego), ekoizpen zuzendaritza (Guadalupe Balaguer), argazkilaritza zuzendaritza (Javier Agirre), zuzendaritza artistikoa (Mikel Serrano), jantzien diseinua (Nerea Torrijos), makillajea eta ile apainketa (Beata Wotjowicz, Ricardo Molina), soinua (Urko Garai, Josefina Rodriguez, Frédéric Hamelin, Leandro de Loredo) eta efektu bereziak (Mariano García Marty, Ana Rubio).
“Caminho longe”
Gainera, beste euskal ekoizpen bat, “Caminho longe” Josu Martinez eta Txaber Larreategiren dokumentala ere egongo da ikusgai, gaurdanik, euskal zinema aretoetan: Bilbon (Multis), Donostian (Trueba), Gasteizen (Florida) eta Iruñean (Golem-Yamaguchi). Eta Bartzelonan (Sants-Zumzeig) ere proiektatuko dute.
Alfonso Etxegarai ETAko kide ohiak etxera bueltan egindako bidea du kontagai filmak, hainbat hamarkadan Sao Tome eta Principe uharte-estatu afrikarrean erbesteratuta egon ondoren, Frantziak eta Espainiak deportatu egin baitzuten 1986an. Kristiane Etxaluze adiskide nekaezinarekin egingo du bidaia.
Zure interesekoa izan daiteke
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.
"Ander eta Yul" filma zaharberritu dute EITBk eta Euskadiko Filmategiak
Ana Diez zuzendari nafarraren Ander eta Yul (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’Immagine Ritrovata laborategietan aztertu eta eskuz konpondu dute, aurretik, besteak beste, Tasio filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.
Zinemaldiko kartel berriek zinemako zenbait ogibide dituzte protagonista gisa
Ricardo Darin aktore, ekoizle eta zuzendaria izango da Donostiako Zinemaldiaren 74. edizioko kartel ofizialaren protagonista. Jaialdia 2026ko irailaren 18tik 26ra bitarte egingo da. Kartelak Donostiako Wallijai estudioak diseinatu ditu. Darin protagonista den kartelaren kasuan, collagea sortu dute 2024an hartutako erretratu batetik abiatuta. Poster ofizialarekin batera, gainerako sekzioetako kartelak ere eman dira ezagutzera, zinemagintzako ogibideei omenaldi egin nahian. Hala, Darinen irudia duen posterrak interpretaziora garamatza, eta gainerakoek, berriz, honako hauekin dute zerikusia: gidoia (New Directors), soinua (Horizontes Latinos), zuzendaritza (Zabaltegi-Tabakalera), muntaia (Perlak), arte-zuzendaritza (Nest), makillajea (Culinary Zinema), efektu bereziak (Zinemira) eta ekoizpena (Made in Spain). Kartel horiei Klasikoak ekimeneko hiru kartelak gehituko zaizkie laster. Aurten, Jose Giovanni zinegile, eleberrigile eta gidoilari frantsesa omeduko dute hiru kartel horien bidez.