"Akelarre", "Ane" eta "Baby", Euskal Zinemaren Asteko protagonistak
Gasteizko Euskal Zinemaren Astearen 37. edizioak 2020ko euskal pelikula azpimarragarrienetako batzuk erakutsiko ditu, hala nola “Akelarre”, “Ane” eta “Baby”. Guztira, bost film luze eta bost film labur eskainiko dituzte otsailaren 22tik 27ra, Gasteizko Dendaraba merkataritza-gunean.
Arantxa Ibañez de Opacua topagunearen zuzendariak aurkezpenean esan duenez, Euskal Zinemaren Asteak aukera ematen du “euskal profesionalek 2020an zehar egin eta ekoitzitako lan onenak ikusteko”.
Inaugurazio galan, otsailaren 22an, Pablo Agueroren "Akelarre" filma izango da protagonista. 1609an girotuta dago lana, eta Goya sarietarako bederatzi izendapen lortu ditu, horien artean emakumezko aktore protagonista onenarena (Amaia Aberasturi). Sorginkeria eta inkisizioa ditu hizpide.
IRAKURRI PABLO AGUERO "AKELARRE"KO ZUZENDARIARI EGINDAKO ELKARRIZKETA
"Jendeak 'Akelarre' bere borroketarako tresna gisa erabiltzea nahiko nuke"
Asteartean, 'Hil kanpaiak' filma izango da ikusgai. Miren Gorrotxategiren eleberri batean oinarrituta dago, Imanol Rayo du zuzendari eta aktoreen artean Itziar Ituño, Eneko Sagardoy eta Yon Gonzalez daude.
Asteazkenean, film laburrak egongo dira ikusgai, denak arabar zuzendariek egindakoak: Paul Urkijoren "Dar Dar", Aitor Lopez de Aberasturiren "Buruak", Estibaliz Urresolaren "Polvo somos", Andoni Martinez de Madinaren eta Julen de la Sernaren "Buen plan" eta Beñat Fontanedaren "Ni una mas".
Ostegunean, "Ane" emango dute, Gasteizen filmatu eta kokatutako lana. Goya sarietarako bost izendapen ditu, tartean pelikula onenaren atalekoa, eta David Perez Sañudoren lehen film luzeko aktore nagusiak Patricia Lopez Arnaiz, Mikel Losada, Jone Laspiur, Aia Kruse, Nagore Aranburu, Gorka Aguinagalde eta Fernando Albizu dira. Kritika oso onak jaso zituen Donostiako Zinemaldian, New Directors sailetik pasatu eta gero.
IRAKURRI DAVID PEREZ SAÑUDO "ANE"REN ZUZENDARIARI EGINDAKO ELKARRIZKETA
David P. Sañudo: "Komunikazioari buruzko tesia proposatzen dugu 'Ane'n"
Ostiralean, otsailak 26, “Baby” proiektatuko dute, Juanma Bajo Ulloa zuzendari arabarrak idatzi eta zuzendutako lana. Larunbatean, Mireia Gabilondoren "Enjambre" filmak, itxiera galak eta sari banaketak emango diote azkena Asteari.
Emanaldi guztiak 18:30ean hasiko dira. Abonamenduak 9 euroko prezioa du, eta saio bakoitzerako sarrerek 2 eurokoa.
Zure interesekoa izan daiteke
"Fjord" filmak irabazi du Canneseko Urrezko Palma eta 'bi Javiek', berriz, zuzendaritza onenaren saria
Cristian Mungiu errumaniarraren 'Fjord' filmak, Renate Reinsve eta Sebastian Stan protagonista dituenak, irabazi du larunbat honetan Cannesko 79. Zinemaldiko Urrezko Palma. Zuzendari gisa, Javier Ambrossi eta Javier Calvo saritu dituzte "La bola negra" lanagatik.
Jack Taylorren azken whatsappa
Elegante zen oso Taylor jauna. Itxuraz eta arimaz. Bizitzan zuen jokabidean ere bai.
"Las hijas" saritu dute Cannesen
Yune Nogueiras protagonista duen eta antzeztaldean Jone Laspiur, Edurne Azkarate, Ainara Elejalde, Ainhoa Larrañaga eta Nerea Sanz euskal aktoreak dituen euskal film luzeak saria eskuratu du Frantziako jaialdiko Marché du Film merkatuan.
Ian Cortegoso 10 urteko bilbotarrak Nacho La Casaren "Un hijo" filmean egin du debuta
Ostiral honetan, maiatzaren 15ean, Ian Cortegoso 10 urteko aktore bilbotarra protagonista duen filma iritsi da zinema-aretoetara. Un hijo filmeko protagonista da, 8 urte zituenean grabatu zuena.
Aitor Etxebarriak musika jarri dio "The Black Mirror Experience" murgiltze-lanari
The Black Mirror Experience film espainiarra telesail ospetsuan oinarritutako murgiltze-lana da, eta Cannesko Zinemaldiko Immersive sail lehiakorreko sariaren bila dabil.
'Buzzheart' Dennis Iliadis greziarraren pelikula, Fanteko film luze onena
Fantasiazko zinemaren Bilboko jaialdiak Hyena Sail Ofizialeko labur onena eta Bea Lemaren El cuerpo de Cristo euskal film labur onena ere saritu ditu.
Daniel Calparsoro 'El Confidente', ETAko sator bati buruzko istorio berri bat, filmatzen ari da Donostian
Aktore taldean Javier Gutierrez, Miguel Herran eta Itsaso Arana daude, besteak beste. EITB grabazioan sartu da.
Euskal Herriko zinema-areto komertzialetako emanaldien % 2,25 izan ziren euskaraz 2025ean
Pantailak Euskaraz ekimenak eta Hizkuntza Eskubideen Behatokiak iaz euskal aretoetan egindako proiekzioak aztertu dituzte, eta datu “gordin bezain kezkagarriak” aurkeztu.
“Las hijas”: Alabak Cannesen daude
Yune Nogueiras protagonista duen filma thriller psikologiko bat da, Daniel Romero pelikularen zuzendariak eta Asier Guerricaechevarria bilbotarrak idatzia. Marché du Film topagunean parte hartzen ari da Cannesen, salmenta agenteen, banatzaileen eta jaialdietako programatzaileen faborearen xerka.
?fmt=png-alpha&qlt=80)
Altxaliliak Cannesen, izan nahi dutena izan daitezkeela aldarrikatzeko bidean
Altxaliliak Maia Iribarneren dokumental luzea Marché du Filmen, Cannesko zinema jaialdian industriak antolatzen duen topagunean, bidea egiten ari da egunotan, lankidetzarako aukeren bila. Ikusi pelikularen lehen irudiak.