Zinemarekin lotutako pertsona ospetsu ugari izango dira Donostiako Zinemaldian
Txertaketa prozesuak aurrera eta osasun egoeraren bilakaerak onera egin ondoren, Jose Luis Rebordinos Zinemaldiko zuzendariak esan du aurten zinemarekin lotutako pertsona ospetsuen zerrenda luzea izango dutela.
"Iaz hartutako neurriak errepikatuko ditugu, baina gehiago izango gara: filmen presentzia handiagoa izango da, eta pertsona gehiago egongo dira baimenduta, txertoei eta osasun egoeraren bilakaerari esker", azpimarratu du.
Antzezle, zinemagile, ekoizle eta gidoilarien zerrenda luze batek baieztatu du Donostian izango direla Zinemaldiaren 69. edizioan beren filmak aurkezteko:
- Marion Cotillard (Donostia Saria)
- Johnny Depp (Donostia Saria)
- Javier Bardem (El buen patron, Sail Ofiziala)
- Jessica Chastain (The Eyes of Tammy Faye, Sail Ofiziala)
- Penelope Cruz (Competencia Oficial, Perlak)
- Emmanuelle Devos (Vous ne désirez que moi, Sail Ofiziala)
- Dolores Fonzi eta María Valverde (Distancia de rescate, Sail Ofiziala)
- Charlotte Gainsbourg (Jane by Charlotte, Perlak)
- Louis Garrel (La Croisade, Perlak)
- Vincent Lindon (Enquête sur un Scandale d'Etat –Sail Ofiziala– eta Titane –Perlak–)
- Noemie Merlant (Mi iubita, mon amour, Zabaltegi-Tabakalera)
- Clarke Peters eta Stanley Tucci (La Fortuna, Sail Ofiziala)
Halaber, zinemagintza garaikideko zuzendari garrantzitsuenetako batzuk Donostiara joango dira beren filmak aurkeztera, Laurent Cantet (Arthur Rambo), Lucile Hadzihalilovic (Earwig) edo Claire Simon (Vous ne désirez que moi/i Want to Talk about Duras) Sail Ofizialeko zinemagileak, besteak beste.
Perlak sailean aukeratutako filmen artean, Julia Ducournau (Titane) Urrezko Palmaren irabazleaz eta Vincent Lindonez gain, Agathe Rousselle filmeko aktore protagonistak ere lagun egingo dio zuzendariari; Todd Haynes, Carol filmaren zuzendaria, zeinak The Velvet Underground aurkeztuko baitu, Sean Baker, The Florida Project lanaren zuzendaria, zeina Simon Rex aktorearekin izango baita; Charlotte Gainsbourgek bere amari (Jane par Charlotte / Jane by Charlotte) egindako omenaldi zinematografikoa aurkeztuko du; Virginie Efira aktorea Benedetta filmaren ordezkari gisa etorriko da; Louis Garrel eta Joseph Engel La Croisade / The Crusade filmagatik; Xavier Giannoli zuzendaria eta Benjamin Voisin aktorea Les illusions perdues / Lost Illusions filmari laguntzeko; Les Intranquilles / The Restless filmeko zuzendaria, Joachim Lafosse (Zilarrezko Maskorra 2015ean), Damien Bonnard eta Leïla Bekhti bikote protagonistarekin etorriko da, eta, azkenik, Celine Sciammak, Petite Maman aurkezteaz gain, master class bat eskainiko du Nesten.
Bestalde, pandemiak eragindako mugikortasun-arazoak gorabehera, Asiako ordezkaritza garrantzitsua egongo da, Ryusuke Hamaguchi zuzendari japoniarrak (Guzen to Sozo / Wheel of Fortune and Fantasy eta Drive My Car) ere bidaiatuko baitu Donostiara.
Zabaltegi-Tabakalera sailean aukeratutako zinemagile ezagunen bisita jasoko du Donostiak:
- Gaspar Noe (Vortex), Françoise Lebrun aktorearekin batera
- Radu Jude (Babardeala cu bucluc sau porno balamuc / Bad Luck Banging or Loony Porn)
- Jean-Gabriel Periot (Retour à Reims (Fragments) / Returning to Reims (Fragments))
- Peter Kerekes (Cenzorka / 107 mothers)
- Tea Lindeburg (Du som er i himlen / As in Heaven, Sail Ofiziala)
- Alina Grigore (Crai nou / Blue Moon, Sail Ofiziala)
- Laura Wandel (Un Monde / Playground, Zabaltegi-Tabakalera)
- Florence Miailhe (La Traversée / The Crossing, Zabaltegi-Tabakalera)
- Kira Kovalenko (Razzhimaya kulaki / Unclenching the Fists, Zabaltegi-Tabakalera).
Espainiako eta Latinoamerikako zinema
Ohikoa denez, Espainiako Estatuko eta Latinoamerikako industria zinematografikoaren ordezkaritza aberatsa izango da. Carlos Saurak Rosa Rosae film laburra aurkeztuko du. Iciar Bollain, Fernando Leon de Aranoa, Jonas Trueba eta Alejandro Amenabar ere Donostian izango dira. Azkenik, Daniel Monzonek (Las leyes de la frontera) itxiko du Zinemaldia.
RTVEren bi galek Mediterraneo eta Erase una vez Euskadi produkzioen taldeak ekarriko ditu Donostiara.
Zure interesekoa izan daiteke
'Los domingos' eta Jose Ramon Soroiz garaile Forque sarietan, Goyen atarian
Donostian Urrezko Maskorra eskuratu ostean, Alauda Ruiz de Azuaren filmak irabazi du larunbat honetan fikziozko film luze onenaren saria. Patricia Lopez Arnaizek eta Soroizek eskuratu dituzte aktore onenen golardoak.
Ikusi primizian "Aro berria" filmaren sekuentzia bat
Irati Gorostidiren lehen film luzeak aipamen berezi bat jaso zuen Donostiako Zinemaldiko New Directors sailean, eta ostiralean, abenduak 12, zinema aretoetara iritsiko da. Primizian erakusten dizugun txatalean, Oliver Laxe zinemagilearen kolaborazio berezia agertzen da. Donostian, 1978an, hainbat langilek asanblea egingo dute, greba bat bideratzeko, baina azkenean ez dute adostasun nahikorik lortuko. Etsirik, aldaketa sozialerako irrika bizitza pertsonalera eramango dute, eta komunitate bat sortuko dute, mendialdean. EITBren parte-hartzea du filmak.
"One Battle After Another" nagusi, Urrezko Globoen izendapenetan
Paul Thomas Andersonen filma dago Hollywoodeko atzerriko prentsaren sarietako izendapenen zerrendaren buruan, eta Affeksjonsverdi, Sinners, Hamnet eta Frankenstein ere nabarmendu dira. Jacob Elordik bi sari lortzeko hautagai da: Frankenstein filmagatik bigarren mailako gizonezko aktore onenaren sailean, eta The Narrow Road to the Deep Northgatik, minisail bateko gizon protagonistaren atalean.
Galiziatik Euskal Herrira egindako zeharkaldia ikusarazten du Mikel Urdangarin abeslariak zuzendutako "Itsasora" filmak
Musikariak bere belaontzi zaharberritua ekartzeko laguntza eskatu zion Unai Basurko nabigatzaileari, eta negu betean egindako bidaia hori jorratzen du lanak. Urdangarinen filmak hasiera eman dio Mendifilm jaialdiaren 18. edizioari.
Hind neskatoak Herman “reichsmarschalla” gainditu
Ez dut uste erraturik nagoenik: Palestinak Israel gainditu du kontakizunean.
EITBren parte-hartzea duen Alberto Gastesiren "Singular" thrillerra zinema-aretoetan ikusgai dago
Filma Sitgesen estreinatu zen, eta Patricia Lopez Arnaiz eta Javier Rey ditu protagonista. Dianaren eta Martinen istorioa kontatzen du. Semea hil eta hamabi urtera, bikoteak lakuko bere etxe zaharrean berriz elkartzea erabakitzen du. Hildako semearen antza duen gazte enigmatiko bat etxean agertzen denean, antzinako sekretuak eta susmo berriak argitara ateratzen dira.
“Correct me if I’m wrong” film laburrak irabazi du Zinebiko Sari Nagusia
Hao Zhou txinatar zinemagilearen lan dokumentalak jaso du Bilboko Dokumentalen eta Film Laburren Nazioarteko Jaialdiko epaimahaiaren aintzatespen nagusia. Euskal film labur onenaren saria “Habana industrial” Ainhoa Ordoñezen lanak irabazi du, eta Aitor Gametxoren "Geratzen den hori" filmak Espainiako Film Labur Onenaren Sari Nagusia.
"Los domingos" eta "Maspalomas", Feroz sarietarako film izendapen gehien dituzten filmak
Los domingos, bederatzi izendapenekin, eta Maspalomas, zazpirekin, dira 2026ko Feroz sarietarako izendapen gehien jaso dituzten filmak.
Billy Wilderren 32 film emango ditu Tabakalerak 2026ko zinema programaren barruan
Tabakalerako 2026ko zinema denboraldi berria Donostia Kulturak, Donostiako Zinemaldiak, Euskadiko Filmategiak, Elías Querejeta Zine Eskolak eta Tabakalerak berak diseinatu dute, eta urtarrilaren 8an hasiko da.
Mendi Film, Bilboko nazioarteko mendi zinemaldiaren XVIII. edizioa
Euskalduna Jauregia izango da jaialdiaren kanpaleku nagusia eta abenduaren 5etik 14ra 55 film proiektatuko dira, horietatik 12 euskal ekoizpenak. Jaialdiaren irekiera ekitaldian Entre Juan y Juanito izango da ikusgai, Juanito Oiarzabali buruz Javier Alvarok zuzendu duen filma. Bestalde, iazko Mendi Film bekari esker sortutako Luis Arrietaren filma aurkeztuko da: Sustraiak.