Hamar film lehiatuko dira Zinemaldiko Horizontes Latinos sailean
Argentina, Brasil, Kolonbia, Costa Rica, Mexiko, Suitza, Uruguai eta Venezuelako zinemagileek zuzendutako hamar film erakutsiko ditu Horizontes Latinos Donostiako Zinemaldiaren sailak irailaren 17tik 25era, jaialdiaren 69. edizioan.
Film horietatik hiru zinemagileen lehen lanak izango dira, eta beste edizio batzuetan sail horretan izan diren hainbat errealizadore ere itzuliko dira, hala nola Paz Fábrega, Alonso Ruizpalacios eta Lorenzo Vigas.
Iván Fundek bikote ezkondu baten dolua erakutsiko du Piedra noche filmean, Maximiliano Schonfeld zinemagile argentinarrak saila irekiko du Jesús López filmarekin eta Manuel Nieto Zas uruguaitarrak itxiko du El empleado y el patrón lanarekin.
Madiano Marcheti zuzendari brasildarra Madalena pelikularekin lehiatuko da, Paz Fabrega costarricarra Aurora lanarekin, 2010ean ere Agua fría de mar-ekin lehiatu eta gero, eta Lorenzo Vigas venezuelarra La caja filmarekin.
Alonso Ruizpalacios mexikarrak Horizontes saria irabazi zuen bere lehen filmarekin (Güeros, 2014), eta Una película de polícias filmarekin itzuliko da. Andreas Fontana zuzendari suitzarrak Azor Argentinako diktaduran girotutako pelikula ekarriko du Donostiara, Tatiana Huezo zuzendari mexikarrak Noche de fuego eta Simon Mesa Sotok Amparo bere lehen film luzea.
Horizontes Latinos saileko filmak Espainiako Estatuan eman gabeak izaten dira, Latinoamerikan osorik edo partzialki ekoitziak, jatorri latinoko zinemagileek zuzenduak edota marka edo gai gisa komunitate latinoak dituztenak.
Saria 35.000 eurokoa da, zuzendariarentzat eta filma Espainiako Estatuan merkaturatzeko ardura duen banatzailearentzat.
Zure interesekoa izan daiteke
Aitor Gabilondok torturari buruzko film bat zuzenduko du
Patria seriearen sortzaileak “kontakizuna osatzeko beharra” sentitzen du, “serieak zorretan nagoela sentiarazi eta gero”. EITB proiektuan parte hartzen ari da.
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.
"Ander eta Yul" filma zaharberritu dute EITBk eta Euskadiko Filmategiak
Ana Diez zuzendari nafarraren Ander eta Yul (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’Immagine Ritrovata laborategietan aztertu eta eskuz konpondu dute, aurretik, besteak beste, Tasio filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.