Laurent Cantet, Terence Davies, Lucile Hadzihalilovic eta Claire Simon, Zinemaldiaren Sail Ofizialean
Laurent Cantet, Terence Davies, Lucile Hadzihalilovic, Claudia Llosa eta Claire Simon izango dira Donostiako Zinemaldiko 69. edizioko Sail Ofizialean lehiatuko direnetako batzuk.
Gainera, irailaren 17tik 25era bitartean egingo den jaialdian, Alina Grigorek, Zhang Jik eta Tea Lindeburgek lehenbiziko filmak aurkeztuko dituzte, eta Ines Barrionuevok laugarren lana erakutsiko du.
Laurent Cantetek Zinemaldiko New Directors Saria eskuratu zuen Ressources humaines (1999) filmarekin, eta, harrezkero, hainbatetan parte hartu du Perlak sailean. Gainera, Entre les murs (2008) lanarekin Urrezko Palma eskuratu zuen Cannesen.
Terence Daviesi atzerabegirakoa eskaini zion Zinemaldiak 2008ko edizioan, eta hirugarren aldiz arituko da Urrezko Maskorra eskuratzeko lehian; aurretik, The Deep Blue Sea (2011) eta Sunset Song (2015) filmekin parte hartu zuen.
Lucile Hadzihalilovicek ere New Directors Saria eskuratu zuen Innocence (2004) estreinako filmarekin. Evolution (2015) bere bigarren film luzearekin Epaimahaiaren Sari Berezia eskuratu zuen Zinemaldiko Sail Ofizialean, eta oraingoan Earwig aurkeztuko du, Brian Catling idazlearen eleberriaren egokitzapena.
Claudia Llosa lehenbizikoz lehiatuko da Sail Ofizialean, Distancia de rescate / Fever Dream lanarekin. Aurretik, Berlingo Zinema Jaialdiko Urrezko Hartza irabazi zuen La teta asustada (2009) filmarekin.
Claire Simonek Vous ne désirez que moi / I Want to Talk about Duras lana aurkeztuko du, Michèle Manceaux kazetariak Yann Andrea Marguerite Duras idazlearen azken urteetako maitalearekin izandako elkarrizketa bat.
Bestalde, Ines Barrionuevok Camila saldrá esta noche bere laugarren film luzearekin parte hartuko du lehiaketan, eta beren lehen filma aurkeztuko dute Alina Grigore aktore eta gidoigile errumaniarrak (Crai nou / Blue Moon), Zhang Jik (Ping Yuan Shang De Mo Xi / Fire on the Plain) eta Tea Lindeburgek (Du som er i himlen / As in Heaven).
Zure interesekoa izan daiteke
‘Ander eta Yul’ filma zaharberritu dute EITBk eta Euskadiko Filmategiak
Ana Diez zuzendari nafarraren ‘Ander eta Yul’ (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’immagine Ritrovata laborategietan aztertu eta eskuz konpondu dute, aurretik, besteak beste, ‘Tasio’ filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.
Zinemaldiko kartel berriek zinemako zenbait ogibide dituzte protagonista gisa
Ricardo Darin aktore, ekoizle eta zuzendaria izango da Donostiako Zinemaldiaren 74. edizioko kartel ofizialaren protagonista. Jaialdia 2026ko irailaren 18tik 26ra bitarte egingo da. Kartelak Donostiako Wallijai estudioak diseinatu ditu. Darin protagonista den kartelaren kasuan, collagea sortu dute 2024an hartutako erretratu batetik abiatuta. Poster ofizialarekin batera, gainerako sekzioetako kartelak ere eman dira ezagutzera, zinemagintzako ogibideei omenaldi egin nahian. Hala, Darinen irudia duen posterrak interpretaziora garamatza, eta gainerakoek, berriz, honako hauekin dute zerikusia: gidoia (New Directors), soinua (Horizontes Latinos), zuzendaritza (Zabaltegi-Tabakalera), muntaia (Perlak), arte-zuzendaritza (Nest), makillajea (Culinary Zinema), efektu bereziak (Zinemira) eta ekoizpena (Made in Spain). Kartel horiei Klasikoak ekimeneko hiru kartelak gehituko zaizkie laster. Aurten, Jose Giovanni zinegile, eleberrigile eta gidoilari frantsesa omeduko dute hiru kartel horien bidez.
Maialen Beloki: "Trantsizioa naturaltasun osoz bizi dugu"
Jose Luis Rebordinos Donostiako Zinemaldiaren zuzendariak eta Maialen Beloki urtarriletik aurrera horren tokia hartuko duenak hitza hartu dute irailaren 18an hasiko den hurrengo edizioaren kartelaren aurkezpenean.