"Maixabel" filma Zinemaldiko Sail Ofizialean lehiatuko da
Maixabel Iciar Bollainek zuzendutako lana Donostiako Zinemaldiaren Sail Ofizialean lehiatuko da irailaren 17tik 25era, zinema jaialdiaren arduradunek gaur iragarri dutenez.
EITBren parte-hartzea duen filmean, Blanca Portillo aktorea Juan Mari Jauregi ETAk hildako buru sozialistaren alarguna da, eta Luis Tosarrek atentatuaren arduradunetako baten papera egin du. Horrela, 2011n Langraiz bideak ekarri zituen topaketak dira filmaren ardatza, Maixabel Lasak senarraren hiltzaileekin batzea eragin zutenak.
Bestalde, lehian izango diren euskal ekoizpenei dagokienez, Heltzear Mikel Gurrearen film laburra Zabaltegi-Tabakalera sailean izango da. Hain zuzen ere, Kimuak katalogoan ere badagoen lan hau Veneziako zinema jaialdiko Orizzonti saileko film laburren lehiaketan ere izango dela iragarri dugu aste honetan. Indarkeria politikoko testuinguru batean nork bere mugak gainditzeari buruzko istorioa dela aurreratu du Zinemaldiak.
Sail Ofiziala
Euskal ekoizpenez haraindi, Urrezko Maskorra lortzeko lehiatuko dira El buen patrón, Fernando León de Aranoarena, Javier Bardem protagonista duena; La abuela, Paco Plazarena, Carlos Vermuten gidoiarekin; eta Quién lo impide, Jonás Truebarena, izenburuan Rafael Berrio donostiar musikariari keinu egiten diona.
Lehiaketaz kanpo baina Sail Ofizialean egongo dira Manuel Martín Cuencaren La hija, Patricia Lopez Arnaiz protagonista duena; Alejandro Amenabarren La Fortuna telesaila; Carlos Sauraren Rosa Rosae. La Guerra Civil film laburra; eta Daniel Monzonen Las leyes de la frontera, Zinemaldiari amaiera emango diona.
Dagoeneko jakina zen Sail Ofizialean parte hartuko duten hainbat zinemagileren izena: Inés Barrionuevo, Laurent Cantet, Terence Davies, Alina Grigore, Lucile Hadzihalilovic, Zhang Ji, Tea Lindeburg, Claudia Llosa eta Claire Simon.
Beste batzuk
Zinemaldiak aurtengo edizioan egongo diren Espainiako Estatuko ekoizpenak aurkeztu ditu gaur.
New Directorsen, Josefina izango da, Javier Marco errealizadoreak eta Belén Sánchez-Arévalo gidoilariak osatutako tandemaren lehen lana, Emma Suárez eta Roberto Álamo protagonista direla.
Horizontes Latinos sailaren Piedra noche Iván Funden lana egongo da ikusgai, Zabaltegi-Tabakaleran Eles transportan a morte Helena Girón eta Samuel M. Delgadoren lehen film luzea –"oso kritikoa da kolonizazioarekin", Zinemalditik ohartu dutenez–.
Perlak atalean Competencia Oficial filma emango dute. Oscar Martínez, Penélope Cruz eta Antonio Banderas ditu protagonista filmak, eta Nagore Aranburu eta Koldo Olabarri euskal aktoreek ere parte hartu dute.
Zure interesekoa izan daiteke
‘Ander eta Yul’ filma zaharberritu dute EITBk eta Euskadiko Filmategiak
Ana Diez zuzendari nafarraren ‘Ander eta Yul’ (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’immagine Ritrovata laborategietan aztertu eta eskuz konpondu dute, aurretik, besteak beste, ‘Tasio’ filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.
Zinemaldiko kartel berriek zinemako zenbait ogibide dituzte protagonista gisa
Ricardo Darin aktore, ekoizle eta zuzendaria izango da Donostiako Zinemaldiaren 74. edizioko kartel ofizialaren protagonista. Jaialdia 2026ko irailaren 18tik 26ra bitarte egingo da. Kartelak Donostiako Wallijai estudioak diseinatu ditu. Darin protagonista den kartelaren kasuan, collagea sortu dute 2024an hartutako erretratu batetik abiatuta. Poster ofizialarekin batera, gainerako sekzioetako kartelak ere eman dira ezagutzera, zinemagintzako ogibideei omenaldi egin nahian. Hala, Darinen irudia duen posterrak interpretaziora garamatza, eta gainerakoek, berriz, honako hauekin dute zerikusia: gidoia (New Directors), soinua (Horizontes Latinos), zuzendaritza (Zabaltegi-Tabakalera), muntaia (Perlak), arte-zuzendaritza (Nest), makillajea (Culinary Zinema), efektu bereziak (Zinemira) eta ekoizpena (Made in Spain). Kartel horiei Klasikoak ekimeneko hiru kartelak gehituko zaizkie laster. Aurten, Jose Giovanni zinegile, eleberrigile eta gidoilari frantsesa omeduko dute hiru kartel horien bidez.
Maialen Beloki: "Trantsizioa naturaltasun osoz bizi dugu"
Jose Luis Rebordinos Donostiako Zinemaldiaren zuzendariak eta Maialen Beloki urtarriletik aurrera horren tokia hartuko duenak hitza hartu dute irailaren 18an hasiko den hurrengo edizioaren kartelaren aurkezpenean.