Sean Baker, Julia Ducournau, Todd Haynes, François Ozon eta Céline Sciamma, Zinemaldiko Perlak sailean
Donostiako Zinemaldiak beste zinema jaialdi handi batzuetan (Cannes, Venezia eta Berlin) programatutako 15 film erakutsiko ditu Perlak sailean, ohi bezala. Izen handi-handien film berrienak ikusi ahalko dira atal honetan: Ryusuke Hamaguchi; Todd Haynes; François Ozon; Paul Verhoeven; Julia Ducournau, Canneseko Urrezko Palma irabazi duen azken zuzendaria; Céline Sciamma; Sean Baker; Joachim Lafosse… Gainera, Emmanuel Carrère idazleak fikziozko bere bigarren lana aurkeztuko du, eta Charlotte Gainsbourgek bere debuta.
Gastón Duprat eta Mariano Cohn zinemagileen Competencia oficial komediak irekiko du saila. El artista (2008) eta El ciudadano ilustre (2016) filmen zuzendarien pelikula berriko protagonistak Penélope Cruz eta Antonio Banderas dira, eta Nagore Aranburu eta Koldo Olabarri euskal aktoreen parte-hartzea du, gainera.
Ixteko ardura, berriz, The Velvet Underground dokumentalak izango du Lou Reed buru izan zuen rock talde ospetsuaren errepasoa, Todd Haynesen zuzendaritzapean. Lehiaz kanpo emango dute pelikula hau, gainera, Cannesen nabarmendu diren bi film bezala: Titane, Julia Ducournau zuzendari frantziarrarena, Urrezko Palmaren irabazlea, eta Drive My Car Ryusuke Hamaguchi japoniarrarena.
Hamaguchi, gainera, Donostia Hiria Publikoaren Saria jasotzeko bidean ere egongo da, Guzen to sozo / Wheel of Fortune and Fantasy ere aurkeztuko baitu, Berlinaleko Epaimahaiaren Sari Bereziaren irabazlea.
Céline Sciamma (Tomboy, Portrait de la jeune fille en feu) Perlak sailera itzuliko da bi neskatoren adiskidetasuna kontatzen duen Petite Maman lanarekin, eta azken urteotan Sail Ofizialean parte hartu duten eta euren lan berriak Cannesen erakutsi dituzten hiru zuzendari ere lehiatuko dira: Joachim Lafosse (Les intranquilles), François Ozon Urrezko Maskorraren irabazlea (Tout s'est bien passé) eta Louis Garrel (La Croisade).
Shipei Wen txinatar zinemagileak Re Dai Wang Shi / Are You Lonesome Tonight? thrillerra erakutsiko du Perlak sailean, eta Sean Bakerrek (The Florida Project) Red Rocket aurkeztuko du.
Izen handien zerrenda luxuzkoarekin jarraitzeko, Paul Verhoevenek Benedetta eramango du Donostiara, eta Jane par Charlotte Charlotte Gainsbourg aktore eta abeslariaren dokumentala ere egongo da ikusgai, zuzendu duen lehen lana. Lanean, Gainsourgek Jane Birkin amaren deskribapen bat egiten du, irudi ezezagun, argazki eta elkarrizketak uztartuz.
Azkenik, Emmanuel Carrère idazle ezagunak fikziozko bere bigarren filma aurkeztuko du, Ouistreham / Between Two Worlds, eta Xavier Giannolik Les illusions perdues.
Zure interesekoa izan daiteke
Aitor Gabilondok torturari buruzko film bat zuzenduko du
Patria seriearen sortzaileak “kontakizuna osatzeko beharra” sentitzen du, “serieak zorretan nagoela sentiarazi eta gero”. EITB proiektuan parte hartzen ari da.
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.
"Ander eta Yul" filma zaharberritu dute EITBk eta Euskadiko Filmategiak
Ana Diez zuzendari nafarraren Ander eta Yul (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’Immagine Ritrovata laborategietan aztertu eta eskuz konpondu dute, aurretik, besteak beste, Tasio filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.