Goya sariak
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Euskal zinema, Valentziara begira

Espainiako Zinema Akademiak Goya sariak banatuko ditu larunbatean, otsailak 12, Mediterraneoaren ertzeko hiriko Les Arts espazioan. "Maixabel" euskal ekoizpena, esaterako, hamalau sailetan dago izendatuta.
Goya sarietako garaikurraren erreplika bat, Valentziako kaleetan. Argazkia: Efe.
Goya sarietako garaikurraren erreplika bat, Valentziako kaleetan. Argazkia: Efe.

N. V. | EITB Media

Azken eguneratzea

Fernando Albizu, "Maixabel" filma, Kiko de la Rica, Antxon Gómez, "Zutik" animaziozko filma, "Nacer" film laburra… Hainbat euskal ekoizpen eta profesionalek hitzordua dute larunbatean, otsailak 12, Valentzian, Espainiako Zinema Akademiak urteroko bere sariak banatuko baititu egun horretan hiri horretako Les Arts espazioan.

"Maixabel" pelikula, euskal zinematografiako urteko fenomeno handienetakoa, hamalau sailetan dago izendatuta: film onena, zuzendari onena (Icíar Bollaín), jatorrizko gidoi onena (Icíar Bollaín eta Isa Campo), jatorrizko musika onena (Alberto Iglesias aste honetan Oscarretarako ere izendatu duten donostiarra), gizonezko aktore onena (Luis Tosar), emakumezko aktore onena (Blanca Portillo), bigarren mailako gizonezko aktore onena (Urko Olazabal), emakumezko aktore berri onena (María Cerezuela), ekoizpen zuzendaritza onena (Guadalupe Balaguer), edizio onena (Nacho Ruíz Capillas), zuzendaritza artistiko onena (Mikel Serrano bi Goyaren irabazlea "Handia" eta "Akelarre" pelikulengatik), jantzien diseinu onena (Clara Bilbao), makillaje eta ile-apaintzea (Karmele Soler Goya sari baten irabazlea "La piel que habito"gatik eta Sergio Pérez Berbel) eta soinu onena (Alazne Ameztoy Goyaren irabazlea "La trinchera infinita"rekin, Juan Ferro eta Candela Palencia).

Urko Olazabal, 'Maixabel' pelikulan Urko Olazabal, 'Maixabel' pelikulan

Baina EITBren parte-hartzearekin Maixabel Lasa Juan María Jauregui ETAk hildako politikariaren alargunaren eta senarra hil zioten ETAko kideen arteko topaketak kontatzen dituen filma ez da Espainiako Akademiaren saria irabazteko euskal hautagai bakarra, Jorge Guerricaechevarría gidoilaria ("El día de la bestia", "Celda 211", "Carne trémula"…), esaterako, gidoi egokitu onenaren sailean lehiatuko da, Daniel Monzón zuzendariarekin batera "Las leyes de la frontera" Javier Cercasen eleberria pantailara eramateko egindako lanagatik.

Euskal ekoizpena da, halaber, "Nacer" animaziozko film laburra. Iván Miñambres UniKo bilbotar ekoiztetxeko kideak bultzatu du Roberto Valle toledoarrak zuzendu duen filma.

Animaziozko lanekin jarraituta, animaziozko film onenaren atalean "Zutik" Iker Alvarezek eta Haizea Pastorrek zuzendutako pelikula izango da sariaren bila. Mezu ekologista eta soziala helarazten duen euskal filmak, EITBren parte-hartzea duenak, lehiakide bitxia izango du atal horretan: "Gora automatikoa!".

IRAKURRI IKER ALVAREZ ETA HAIZEA PASTORRI EGINDAKO ELKARRIZKETA

"Euskal animazioak aitortza gehiago behar ditu" 

Izenak kontrakoa iradoki lezakeen arren, "Gora automatikoa!" ez da euskal ekoizpena. David Galán Galindo, Esaú Dharma eta Pablo Var zinemagileek Goya bat irabazteko helburu soilaz sortu dute pelikula hau, iaz atal horretan aurkeztu zen pelikula bakarrak "La gallina turuleca" lanak izan zuen arrakasta errepikatzeko asmoz. Euskal izena jarri diote "azken urteetan euskal pelikulak izan direlako saritu eta izendatuenak" (sic).

"El buen patrón" Fernando León de Aranoaren filmak Goyen historian beste edozein pelikulak baino izendapen gehiago, hogei, bildu ditu aurtengoan, hain zuzen ere "Días contados" Imanol Uriberen filmak 1995ean hemeretzi lortuta jarri zuen marka hobetuta.   

Hogei izendapen horietako bat, bigarren mailako gizonezko aktore onenaren sailekoa, Fernando Albizu gasteiztarrarena da, pelikula horretan Roman segurtasun zaindari kikilaren larruan egindako lanari esker.

Fernando Albizu, en "El buen patrón" Fernando Albizu, en "El buen patrón"

Halaber, Kiko de la Rica bilbotar argazki zuzendaria ("Mediterraneo") eta Antxon Gómez donostiar zuzendari artistikoa ("Madres paralelas"), biak ere bilbotarrak, kirioak dantzan egongo dira, seguru asko, larunbat gauean, Les Arts espazioko besaulkietan, agertokira igo eta garaikurra jasotzeko gogoz.

Cate Blanchett eta José Sacristán

Goya sarien galan, Jose Sacristán aktore beteranoak Ohorezko Goya jasoko du, eta Cate Blanchett australiar aktoreak Nazioarteko Goya, aurten lehenengoz emango duten golardoa.

'Maixabel' filmak Goya Sarietarako 14 izendapen lortu ditu, kategoria gorenekoak barne
Zinema Goya Sariak 2026 Aktoreak

Zure interesekoa izan daiteke

GRAFCAV7967. SAN SEBASTIÁN (ESPAÑA), 02/09/2026.- La subdirectora del Zinemaldia, Maialen Beloki (i), posa junto al cineasta, Jaime Chávarri (2d), el escritor, Enrique Vila-Matas (c), el director de EQZE, Carlos Muguiro (d), y la responsable de Artxiboa, Irati Crespo (2i), durante la inauguración de la exposición 'Una actitud de defección. El gesto que cambió el rumbo del Festival de San Sebastián (1976)', con la que retrocede medio siglo para recordar cómo influyó en la democratización del certamen la retirada de 'El desencanto', la película de Jaime Chávarri sobre la familia Panero. EFE/Juan Herrero.
18:00 - 20:00
ZUZENEAN
Duela  min.

Zinemaldiaren demokratizazioan erabakigarria izan zen "El desencanto" filmaren atzerabegirakoa ekarri du gogora erakusketa batek

Duela 50 urte, El desencanto filma Zinemaldiko Sail Ofizialean lehiatzeko hautatu bazuten ere, Guardia Zibilak Josu Zabaleta gaztea hil ondoren, filmeko lantaldeak jaialdia utzi zuen, protesta gisa. Aurten, lan horrek Klasikoak zikloa irekiko du. Era berean, erakusketa bat inauguratu dute gaur, dokumentu argitaragabeekin, historia horren erakusgarri.

Gehiago ikusi
Publizitatea
X