'Cinco lobitos' zortzi sarirekin itzuli da Malagatik, tartean film onenaren saria
Alauda Ruiz de Azua euskaldunak zuzendutako Cinco lobitos film luzeak arrakasta izan du Malagako Zine Jaialdian, eta Espainiako film onenaren Urrezko Biznaga eskuratu du. Gainera, emakumezko aktore onenaren 'ex aequo' saria ere jaso dute Laia Costak eta Susi Sanchezek, eta gidoi onenaren saria ere eskuratu du Ruiz de Azuak berak.
Filmak, gainera, beste bost sari ere lortu ditu: 'Flixolé' Publikoaren Zilarrezko Biznaga saria (aretora bertaratutako ikusleen eta Film Luzeen Sail Ofizialeko Epaimahai Popularraren artean % 50ean erabakitzen dena); sail Ofizialeko Film Luze Onenarentzako Malagako Unibertsitateko Epaimahai Gaztearen Saria; Sail Ofizialeko Opera Prima ASECAN saria (Andaluziako Idazleen Elkarteko kideek aukeratua); Sail Ofizialeko Film Luze Onenarentzako Feroz Puerta Oscura saria 2022, Zinematografia Informatzaileen Elkarteko kideek, eta Signis saria, Hedabideetarako Munduko Erakunde Katolikoko kideek aukeratua.
Madril eta Bizkaia artean 2021eko uztailean filmatu zen Cinco lobitos, EITBren partaidetzarekin. Laia Costa (Victoria, No me quites) da protagonista, ama izan berri den eta nola izan oso ondo ez dakien Amaiaren paperean. Susi Sanchez Goya sariaren irabazlea (La enfermedad de domingo, La piel que habito, Dolor y gloria, El inocente) Begoña da, Amaiaren ama, eta Ramon Barea (La Boda de Rosa, Todos lo saben, Fe de etarras) Koldo da, bere aita. Mikel Bustamante (La Casa de Papel y Maixabel) Javi da, Amaiaren bikotekidea.
Lan kontuengatik aste batzuk kanpoan eman behar ditu Javik eta Amaiak gurasoen etxera joatea erabakitzen du, euskal kostaldeko herri batera, eta egun batzuetan haurra zaintzeko ardura partekatzen du haiekin. "Amaiak ez dakiena da, nahiz eta orain ama izan den, ez diola alaba izateari utzi", adierazi zuen zuzendariak filmaketaren hasieran.
Berlinalean estreinatu zen filma, pasa den otsailean.
Zure interesekoa izan daiteke
Ikusi primizian "El mal" Bajo Ulloaren film berriaren trailerra
EITBren parte hartzea duen filmean, inoizko hiltzaile handienari buruzko liburu bat idazteko proposamena jasoko duen kazetari baten istorioa kontatzen du Juanma Bajo Ulloa zinemagile gasteiztarrak.
Odola! Odol gehiago!
Telebista-emankizun batentzako kamerak har dezaken horretatik harago doaz beti Albert Serraren eta Imanol Rayoren objektiboak, errealitateak ezkutatzen duen ‘egia’ horren bila. Eta ez egia biribila, osoa, aldaezina den hori, baizik eta gauzen, gizakion, bizidunen, momentuen esentzia dardartia gordetzen duena.
Oscarren banaketa ekitaldia Youtuben ikusi ahal izango da 2029tik aurrera
Hollywoodeko Akademiaren eta bideo plataformaren arteko akordioa 2033ra artekoa da gutxienez.
"Las hijas" filmaren grabaketan izan gara, Urduñan
Urduñan (Bizkaia), Las hijas filmatzen ari dira, EITBk parte hartzen duen pelikula. Emakumeak protagonista dituen thriller psikologikoa da eta hausnarketa sakona egitera gonbidatuko gaitu. Bost aste daramatzate grabazioak egiten, eta filmaketaren azken egunetan daude; beraz, laster ikusiko dugu pantaila handian.
Rob Reiner aktore eta zine zuzendaria eta Michele Singer haren emaztea hilda aurkitu dituzte Los Angelesen
Los Angeleseko Polizia ustezko homizidio gisa ikertzen ari da gertaturikoa.
'Los domingos' eta Jose Ramon Soroiz garaile Forque sarietan, Goyen atarian
Donostian Urrezko Maskorra eskuratu ostean, Alauda Ruiz de Azuaren filmak irabazi du larunbat honetan fikziozko film luze onenaren saria. Patricia Lopez Arnaizek eta Soroizek eskuratu dituzte aktore onenen golardoak.
Ikusi primizian "Aro berria" filmaren sekuentzia bat
Irati Gorostidiren lehen film luzeak aipamen berezi bat jaso zuen Donostiako Zinemaldiko New Directors sailean, eta ostiralean, abenduak 12, zinema aretoetara iritsiko da. Primizian erakusten dizugun txatalean, Oliver Laxe zinemagilearen kolaborazio berezia agertzen da. Donostian, 1978an, hainbat langilek asanblea egingo dute, greba bat bideratzeko, baina azkenean ez dute adostasun nahikorik lortuko. Etsirik, aldaketa sozialerako irrika bizitza pertsonalera eramango dute, eta komunitate bat sortuko dute, mendialdean. EITBren parte-hartzea du filmak.
"One Battle After Another" nagusi, Urrezko Globoen izendapenetan
Paul Thomas Andersonen filma dago Hollywoodeko atzerriko prentsaren sarietako izendapenen zerrendaren buruan, eta Affeksjonsverdi, Sinners, Hamnet eta Frankenstein ere nabarmendu dira. Jacob Elordik bi sari lortzeko hautagai da: Frankenstein filmagatik bigarren mailako gizonezko aktore onenaren sailean, eta The Narrow Road to the Deep Northgatik, minisail bateko gizon protagonistaren atalean.
Galiziatik Euskal Herrira egindako zeharkaldia ikusarazten du Mikel Urdangarin abeslariak zuzendutako "Itsasora" filmak
Musikariak bere belaontzi zaharberritua ekartzeko laguntza eskatu zion Unai Basurko nabigatzaileari, eta negu betean egindako bidaia hori jorratzen du lanak. Urdangarinen filmak hasiera eman dio Mendifilm jaialdiaren 18. edizioari.
Hind neskatoak Herman “reichsmarschalla” gainditu
Ez dut uste erraturik nagoenik: Palestinak Israel gainditu du kontakizunean.