"Cinco lobitos" Alauda Ruiz de Azuaren filma Berlinalen estreinatuko dute
"Cinco lobitos", Alauda Ruiz de Azua euskal zinemagileak idatzi eta zuzendu duen lehen film luzea, Berlinaleko Panorama atalean izango da, eta bertan egingo dute filmaren nazioarteko mailako estreina.
"Cinco lobitos"ek EITBren parte-hartzea du, eta Laia Costa, Susi Sánchez, Ramón Barea eta Mikel Bustamante ditu protagonista. Amatasunak plazaratzen dituen hainbat galderaren inguruan dihardu.
Ruiz de Azuaren hitzetan, "adin jakin batera iristen garenean, heldutzat hartzen dugu geure burua eta batzuetan seme-alabak izaten ditugu ere, baina batzuetan gure amaren begirada bat nahikoa da behinola izan ginen nerabe zalantzati horrengana itzultzeko edo beraren besarkada bat behar dugula sentitzeko. "Joan-etorriko seme-alaba izateko sentipen horretaz hitz egiten digu "Cinco lobitos"ek".
Alauda Ruiz de Azuak hainbat film labur zuzendu ditu, "Dice" (2011) tartean, zeina 160 jaialditan baino gehiagotan parte hartu baitzuen eta 50 sari bereganatu baitzituen.
"Cinco lobitos"
Amaia (Laia Costa) ama izan berri da, eta konturatuko da ez dakiela oso ondo zer egin behar duen. Bikotekidea kanpora joango da aste batzuetan, lan kontuak direla, eta Amaia gurasoen etxera joango da, euskal kostaldeko herri batera, umearekin lagun diezaioten. Orduan konturatuko da ama izanagatik ere ez diola utzi alaba izateari.
Aran Calleja Akelarre-n egindako lanari esker Goya saria irabazi zuen musikaria arduratu da musikaz, eta argazkilaritza zuzendaria Jon D. Dominguez da.
Zure interesekoa izan daiteke
Aitor Gabilondok torturari buruzko film bat zuzenduko du
Patria seriearen sortzaileak “kontakizuna osatzeko beharra” sentitzen du, “serieak zorretan nagoela sentiarazi eta gero”. EITB proiektuan parte hartzen ari da.
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.
"Ander eta Yul" filma zaharberritu dute EITBk eta Euskadiko Filmategiak
Ana Diez zuzendari nafarraren Ander eta Yul (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’Immagine Ritrovata laborategietan aztertu eta eskuz konpondu dute, aurretik, besteak beste, Tasio filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.