FANT zinema jaialdia maiatzaren 5etik 13ra arte luzatuko da
Bilboko Zinemaldi Fantastikoak 29. edizioa ospatuko du maiatzaren 5etik 13ra, Bilboko Udalak antolatuta. Jaialdiaren egitaraua gaur goizean aurkeztu dute Justo Ezenarro FANT Jaialdiko zuzendariak eta Eugenio Puerto jaialdiaren programatzaileak.
FANTek motorrak berotu ditu dagoeneko PreFANT zikloaren proiekzioekin eta jarduera paraleloekin, baina maiatzaren 5ean, ostirala, Campos Eliseos antzokian egingo den gala batekin hasiko da aurtengo edizioa.
Ekitaldi horretan, Burnin' Percebes taldea (Nando Martinez eta Juan Gonzalez) zuzendari eta Brays Efe, Bruna Cusi eta Javier Botet protagonista dituen "El fantástico caso del Gólem" film luzea proiektatuko da, umorerik ilunena eta argitsuena nahasten dituen fantasiazko komedia ganberroa. Ondoren, Sail Ofizialeko 11 euskal film laburrak proiektatuko dira Campos antzokian bertan.
Maiatzaren 12an, ostirala, FANTen itxiera ekitaldia izango da BBK Aretoan, eta FANTeko Izarra saria emango da bertan, Zinemaldiko sari nagusia. Oraingo honetan, Belen Rueda aktorearentzat izango da, besteak beste "El Orfanato" eta "Los Ojos de Julia" filmetako protagonistarentzat.
Sari horiez gain, aurten Estatuko zinemako bi izen handiri emango zaizkien Ohorezko FANT sariak ere banatuko dira. Zorion Eguileorrek ibilbide luzeko euskal aktore, musikari eta esatari gida egindako lanagatik jasoko du, eta Paco Plaza zuzendariak jasoko du bigarrena.
FANTen lehiaketako Sail Ofiziala aurten ere programazio anitza eta askotarikoa izateagatik nabarmentzen da. Hautaketan, 17 film izango dira, guztiak estreinaldiak Bilbon. Gainera, 29. edizio honetan, film laburrek pisu handia izango dute programazioan; 30 proposamen, guztira. Horien artean, euskal zuzendariek sinatutako 11 film labur proiektatuko dira, FANT Laburrean Euskal Filmak sailean.
Zinemaldiak pantaila handira eramango du berriro William Friedkinen "El Exorcista", estreinatu zenetik 50 urte bete dituena aurten, eta Gizon Ikusezinaren mitoa izango du ardatz eta karteleko protagonista.
Sarrerak eta bonoak
Inaugurazio saiorako eta euskal film laburren saiorako sarrerak gaurtik aurrera egongo dira eskuragai Campos antzokian, 5 euroan, amaierako galarako eta BBK Aretoko palmaresaren proiekzioetarako sarreren prezio berean.
Azkuna Zentroko Auditorioan eta Golem Alhondiga zinemetako 1. aretoan programatutako emanaldietarako sarrerak ere gaurtik aurrera egongo dira salgai, 5 euroren truke.
Era berean, 35 euroko abonu bat jarriko da salgai, askotariko saioetarako eta prentsarako proiekzioetarako sarbidea ere emango duena.
Golem Alhondiga zinemetako 2. aretorako sarbidea, berriz, doakoa izango da edukiera bete arte.
Zure interesekoa izan daiteke
Koldo Almandoz “Azken agurra” komedia filmatzen hasi da
Donostiar zinemagilearen hurrengo filmak “ironiaz, samurtasunez eta zentzu humanista sakonez” begiratzen die bizitzari eta heriotzari.
“Gaua”, urkijotarrentzat
Paul Urkijo arabar zinemagileak bere hirugarren film luzea estreinatu du, “Gaua”, irudi txundigarriz generoko filmen osagaiak eta euskal mitologiaren kondairak sendotzen dituen pelikula.
“Argi gorriak” seriea azaroaren 7an estreinatuko dute, Bartzelonako Serielizados jaialdian
Itziar Ituño protagonista duen “komedia garratzak” thriller ukitua du. Jaialdiaren Sail Ofizialean lehiatuko da, 2026an EITBko Primeran plataforman estreinatu aurretik.
Xanti Rodriguez eta Amancay Gaztañaga "Piztiak" seriea filmatzen ari dira
EITBren parte-hartzea duen lana 2026an ikusi ahalko da Primeran plataforman. Yune Nogueiras da Gaztañaga eta Rodriguez zuzentzen ari diren lanaren protagonista.
?fmt=png-alpha&qlt=80)
“Llámame Sinsorga” dokumentala azaroaren 28an estreinatuko dute zinemetan
Marta Gomezek eta Paula Iglesiasek zuzendu dute, eta La Sinsorga Bilboko espazio feministaren sortzeko lnak ditu ardatz.
"Aro berria" filmaren trailerra
Azaroaren 28an iritsiko da zinema aretoetara Irati Gorostidi zuzendariaren lehen film luzea, Donostiako Zinemaldiko New Directors atalean epaimahaiaren aipamen berezia jaso eta gero. EITBren parte-hartzea duen filma ur-kontagailuen fabrika bateko langileen batzarrarekin hasten da: azkenean aurrera egingo ez duen greba bat eztabaidatuko dute. Desengainatuta, inkonformistenek eremu intimoagoetara bideratuko dituzte errotiko transformaziorako dituzten nahiak. Batzuek, fabrika utzi, eta mendietako komunitate isolatu batean integratuko dira, non dozenaka gaztek bilaketa bizia egingo duten, esperientzia katartiko partekatuen medioz.
Zinemakumeak Gara jaialdiak Alauda Ruiz de Azua, Maria Ripoll eta Al Borde Films ekoiztetxea sarituko ditu
Emakumeek zuzendutako filmen jaialdiaren 30. edizioa urriaren 27tik 30era egingo dute, Bilbon. Ruiz de Azuak eta Ripollek Simone de Beauvoir saria jasoko dute, eta Al Borde Filmsek, Bihargi EITB saria.
Zinegileek Moriarti ekoiztetxea saritu dute "Maspalomas" lanagatik
Zinema industriaren barruan zuzendarien kolektiboa ordezkatzeko sortu zen Accion elkarteak Aitor Arregiren eta Jose Mari Goenagaran ekoiztetxea saritu du larunbat honetan Espainiako Zinema Akademian izan den ekitaldian.
"Los domingos" eta "Decorado" zinema-aretoetara iritsi dira
Urrezko Maskorraren irabazlea eta animaziozko film luzea gaurtik aurrera egongo dira ikusgai Hegoaldeko zinema-aretoetan.
Zinemaldiko Urrezko Maskorraren irabazlea zinemetara heldu da
Bilbo galaz jantzi da Los domingos pelikularen aurre estreinaldirako. Donostiako Zinemaldian izandako arrakastaren ostean, Alauda Ruiz de Azuaren azken lana bihar estreinatuko da zinema aretoetan.