2deo serieak deialdiko hiru proiektu irabazleak aurkeztu dituzte
2deo Tabakalerako ikus-entzunezko laborategiaren 2deo serieak deialdiak garatzeko hautatu dituen hiru proiektuak iragarri ditu: EGIA, Xabi Ojinagarena; Lonely People, Neon Cities, Mónica Lilac eta Sergio Stendhalena, eta Eutsi goiari!, Ainhoa Artetxerena.
Gipuzkoako Foru Aldundiak bultzaturiko programa Zinemaldiarekin eta EITBrekin lankidetzan garatzen da, eta "garapenerako espazio berri bat eskaintzen die edozein formatu eta generoko serie bat sortzeko apustua egin duten talentu berriei zein ibilbide profesional frogatua duten pertsonei, nazioarteko anbizioarekin eta euskarazko ekoizpenarekiko interes bereziarekin".
Hiru proiektuek garapenerako 5.000 euroko laguntza jasoko dute proiektuan lan egin ahal izateko, eta banakako aholkularitza izango dute, proiektu bakoitzaren esparrura egokitua, industriako profesional ezagunen eskutik: Koldo Almandoz zinemagileak, Hondar ahoak telesailaren sortzaileak, EGIA proiektuari lagunduko dio; Anna R. Costa zinemagileak, Arde Madrid eta Fácil telesailen egileak, Eutsi goiari! proiektuari; eta Lonely Nights, Neon Cities proiektuaren aholkularitza Intimidad seriearen zuzendariak, Laura Sarmientok, egingo du.
Hiru aholkulariek euren ekoizpenen sortze prozesuak partekatuko dituzte, eta hautatutako proiektuen egileek prestakuntza espezifikoa jasoko dute gidoiaren idazketari, narratiba berriei, ikus-entzunezko produkzio-ereduei eta eduki-plataformei dagokienez.
Aholkularitza prozesuaren azken zatia Donostiako Zinemaldian egingo da: sortzaileek jaialdiko industria programan parte hartzeko aukera izango dute, eta euren proiektuak aurkeztuko dituzte balizko ekoizle, banatzaile edo inbertitzaileen aurrean; batez ere, streaming plataformen eta telebista kanalen aurrean.
Albiste gehiago zinema
Zinemagileen "Tabakalera Belaunaldia"ri gorazarre, asteburuan Donostian
Kultura zentroaren 10. urteurrenaren harira, Zinemaldiak, Elías Querejeta Zine Eskolak, Euskadiko Filmategiak eta Tabakalerak osatzen duten ekosistemaren abaroan hazi den zinemagile belaunaldia omenduko dute asteburu honetan.
15 filmek hartuko dute parte Zinegoak zinema jaialdiko Sail Ofizialean
Bilboko LGTBIQ+ zinema eta arte eszenikoen jaialdiaren 22. edizioan, Zero Chou taiwandar zinemagileak jasoko du Ohorezko Saria. "Jone, batzuetan" filmaren Euskal Herriko estreina egingo dute.
'Karmele' Asier Altunaren filma urriaren 10ean estreinatuko dute zinema aretoetan
"Zipriztin musikalak dituen drama historikoa" "Elkarrekin esnatzeko ordua" Kirmen Uriberen eleberrian oinarrituta dago, eta Jone Laspiur eta Eneko Sagardoy dira protagonistak.
“Ehun metro”, “Zergatik panpox”, “Hamaseigarrenean aidanez” eta “Oraingoz izen gabe” zaharberrituko dituzte
Eusko Jaurlaritzak, Euskadiko Filmategiaren eta EITBren bitartez, 1980ko hamarkada erdialdeko euskarazko lau film ertainak araztu eta digitalizatuko ditu. Donostiako Zinemaldiko Klasikoak sailean programatuko dira.
Zinemako sarrerak 3,5 euroan Hegoaldean, ekainaren 5era arte
Astelehenetik, ekainak 2, hasita, prezio berezian erosi ahalko dira sarrerak, besteak beste, "Mission: Impossible", "Lilo & Stitch" eta "The Phoenician Scheme" ikusteko. Iparraldean, ekainaren 29tik uztailaren 2ra egingo dute Fête du Cinema.
Iñaki Alforjak Anastasini zirkuaren historia beltza berreskuratuko du
Dokumentalgilea "El espectáculo inacabado del Circo Anastasini" pelikularen aurrekoizpen fasean ari da; Francoren estatu kolpe militarraren hastapenetan Lodosan hil zuten zirku konpainiaren berri du kontagai filmak.
Zinegoak jaialdiak Zero Chou taiwandar zinema querraren aitzindaria sarituko du
LGTBIQ+ zinema eta arte eszenikoen Bilboko jaialdia ekainaren 23tik 30era egingo dute.
Zinemagileen Artean jaialdiak emakume zinemagileen begirada jarriko du erdigunean
Bilboko zinema jaialdiak sei film eskainiko ditu, eta ahotsa emango die kameraren atzean jarduten diren hainbat emakumeri.
Jafar Panahi irandarraren "Un simple accident" filmak irabazi du Cannesko 78. Zinemaldiko Urrezko Palma
Zinemagile irandarrak hainbat urte eman ditu espetxean erregimenaren aurka egiteagatik, eta oso hunkituta agertu da saria jasotzean. Oliver Laxe zuzendari galiziarrak eskuratu du epaimahaiaren saria "Sirat" filmarengatik, "Sound of Falling"ekin 'ex aequo'.
Zinegoak jaialdiak "erresistentzia eta estimu sareak" aldarrikatuko ditu
Bilboko LGTBIQ+ zinema eta arte eszenikoen jaialdiaren 22. edizioa ekainaren 23tik 30era egingo dute. Natalia Lisinicchiak sortu du kartela.