"Year of the Shark" film luzeak irabazi du FANT zinema jaialdiaren 2023ko sari nagusia
FANT Bilboko Zinemaldi Fantastikoaren 29. edizioko Sail Ofizialeko epaimahaiak Ludovic Boukherma eta Zoran Boukherma zuzendari frantziarren "Year of the Shark" filmari eman dio aurten Film Luzerik Onenaren Saria, "beldurrezko zinemaren klasikoetako baten berridazketan hizkuntza zinematografikoarekin jolasteko zorroztasunagatik eta bere umore eldarniotsuagatik".
Ernesto del Rio ZINEBI eta Bilbao Bizkaia Film Commissioneko zuzendariak, Iratxe Fresneda irakasle eta filmegileak eta Marta Medina zinema kritikari, gidoilari eta film laburren egileak osatu dute epaimahaia.
Film laburrei dagokienez, Epaimahaiaren Saria Marc Martinez zuzendariaren "Tigre Místico" lanarentzat izan da, "fantastikoaren tradizioak modu burutsuan jasotzeko orduan duen lotsagabekeriagatik eta eguneroko bizitzaren absurdoari etekina ateratzen jakiteagatik".
Gainera, Lle Godoyren "Encajada" aukeratu dute Euskal Film Laburrik Onena gisa, "trebezia baliabide minimoekin fabula iradokitzaile eta organiko bat artikulatzeko, protagonistaren jardun arriskutsuagatik, konbentzioetatik ihes egiten saiatzen den istorioa zentzuz betetzen baitu".
Bestalde, Euskal Gidoigileen Elkarteak Sail Ofizialeko Film Luzeen Gidoirik Onena hautatu du. Magdalena Lauristch zuzendariaren "Rubikon" lanak jaso du saria, "premisaren adimenagatik, erritmo eta tentsio narratiboaren erabileragatik, eta zientzia-fikzioaren baliabideak historia unibertsal bezain humanista bat kontatzeko erabiltzeagatik".
Euskal Film Laburretan Antzezpen Onenaren Saria Ane Guisasolarentzat izan da, Lle Godoyk zuzendutako "Encajada" filmean egindako interpretazioagatik.
Palmares nagusia larunbat honetan proiektatuko da BBK Aretoan; 18:00etan, Ikuspegi Fantastikoaren Atala, eta, 20:00etan, Sail Ofizialean saritutako tituluak. "Year of the Shark" filma azpititulu bikoitzekin proiektatuko da, euskaraz eta gaztelaniaz.
FANT 2023 palmaresa
SAIL OFIZIALA
- SAIL OFIZIALEKO FILM LUZE ONENAREN EPAIMAHAIAREN SARIA
"Year of the Shark", Ludovic Boukherma eta Zoran Boukherma
- SAIL OFIZIALEKO FILM LABUR ONENAREN EPAIMAHAIAREN SARIA
"Tigre Místico", Marc Martinez
- EUSKAL FILM LABUR ONENAREN EPAIMAHAIAREN SARIA
"Encajada", Lle Godoy
- EUSKAL FILM LABURRETAKO ANTZEZPEN ONENAREN OHOREZKO SARIA
Ane Guisasola, "Encajada"
- SAIL OFIZIALEKO ZUZENDARI BERRITZAILEENAREN CINECLUB FAS SARIA
"Viejos", Raul Cerezo eta Fernando Gonzalez
- SAIL OFIZIALEKO FILM LUZEEN GIDOIRIK ONENAREN EUSKAL GIDOIGILEEN SARIA
"Rubikon", Magdalena Lauristch
- SAIL OFIZIALEKO FILM LUZE ONENAREN PUBLIKOAREN SARIA
"No Dogs Or Italians Allowed ", Alain Ughetto
- SAIL OFIZIALEKO FILM LABUR ONENAREN PUBLIKOAREN SARIA
"Encajada", Lle Godoy
IKUSPEGI FANTASTIKOA SAILA
- IKUSPEGI FANTASTIKOA SAILEKO FILM LUZE ONENAREN EPAIMAHAIAREN SARIA
"La Paradoja De Antares" Luis Tinoco
- IKUSPEGI FANTASTIKOA SAILEKO FILM LABUR ONENAREN EPAIMAHAIAREN SARIA
"Power Signal", Oscar Boyson
Zure interesekoa izan daiteke
"Las hijas" filmaren grabaketan izan gara, Urduñan
Urduñan (Bizkaia), Las hijas filmatzen ari dira, EITBk parte hartzen duen pelikula. Emakumeak protagonista dituen thriller psikologikoa da eta hausnarketa sakona egitera gonbidatuko gaitu. Bost aste daramatzate grabazioak egiten, eta filmaketaren azken egunetan daude; beraz, laster ikusiko dugu pantaila handian.
Rob Reiner aktore eta zine zuzendaria eta Michele Singer haren emaztea hilda aurkitu dituzte Los Angelesen
Los Angeleseko Polizia ustezko homizidio gisa ikertzen ari da gertaturikoa.
'Los domingos' eta Jose Ramon Soroiz garaile Forque sarietan, Goyen atarian
Donostian Urrezko Maskorra eskuratu ostean, Alauda Ruiz de Azuaren filmak irabazi du larunbat honetan fikziozko film luze onenaren saria. Patricia Lopez Arnaizek eta Soroizek eskuratu dituzte aktore onenen golardoak.
Ikusi primizian "Aro berria" filmaren sekuentzia bat
Irati Gorostidiren lehen film luzeak aipamen berezi bat jaso zuen Donostiako Zinemaldiko New Directors sailean, eta ostiralean, abenduak 12, zinema aretoetara iritsiko da. Primizian erakusten dizugun txatalean, Oliver Laxe zinemagilearen kolaborazio berezia agertzen da. Donostian, 1978an, hainbat langilek asanblea egingo dute, greba bat bideratzeko, baina azkenean ez dute adostasun nahikorik lortuko. Etsirik, aldaketa sozialerako irrika bizitza pertsonalera eramango dute, eta komunitate bat sortuko dute, mendialdean. EITBren parte-hartzea du filmak.
"One Battle After Another" nagusi, Urrezko Globoen izendapenetan
Paul Thomas Andersonen filma dago Hollywoodeko atzerriko prentsaren sarietako izendapenen zerrendaren buruan, eta Affeksjonsverdi, Sinners, Hamnet eta Frankenstein ere nabarmendu dira. Jacob Elordik bi sari lortzeko hautagai da: Frankenstein filmagatik bigarren mailako gizonezko aktore onenaren sailean, eta The Narrow Road to the Deep Northgatik, minisail bateko gizon protagonistaren atalean.
Galiziatik Euskal Herrira egindako zeharkaldia ikusarazten du Mikel Urdangarin abeslariak zuzendutako "Itsasora" filmak
Musikariak bere belaontzi zaharberritua ekartzeko laguntza eskatu zion Unai Basurko nabigatzaileari, eta negu betean egindako bidaia hori jorratzen du lanak. Urdangarinen filmak hasiera eman dio Mendifilm jaialdiaren 18. edizioari.
Hind neskatoak Herman “reichsmarschalla” gainditu
Ez dut uste erraturik nagoenik: Palestinak Israel gainditu du kontakizunean.
EITBren parte-hartzea duen Alberto Gastesiren "Singular" thrillerra zinema-aretoetan ikusgai dago
Filma Sitgesen estreinatu zen, eta Patricia Lopez Arnaiz eta Javier Rey ditu protagonista. Dianaren eta Martinen istorioa kontatzen du. Semea hil eta hamabi urtera, bikoteak lakuko bere etxe zaharrean berriz elkartzea erabakitzen du. Hildako semearen antza duen gazte enigmatiko bat etxean agertzen denean, antzinako sekretuak eta susmo berriak argitara ateratzen dira.
“Correct me if I’m wrong” film laburrak irabazi du Zinebiko Sari Nagusia
Hao Zhou txinatar zinemagilearen lan dokumentalak jaso du Bilboko Dokumentalen eta Film Laburren Nazioarteko Jaialdiko epaimahaiaren aintzatespen nagusia. Euskal film labur onenaren saria “Habana industrial” Ainhoa Ordoñezen lanak irabazi du, eta Aitor Gametxoren "Geratzen den hori" filmak Espainiako Film Labur Onenaren Sari Nagusia.
"Los domingos" eta "Maspalomas", Feroz sarietarako film izendapen gehien dituzten filmak
Los domingos, bederatzi izendapenekin, eta Maspalomas, zazpirekin, dira 2026ko Feroz sarietarako izendapen gehien jaso dituzten filmak.