"Anora" filmak irabazi du Cannesko Urrezko Palma, eta "Emilia Perez"ek Epaimahaiaren zein aktoreen saria
Sean Baker estatubatuarraren Anora izan da Cannesko Zinemaldiaren 77. edizioko irabazlea, eta Jacques Audiarden Emilia Perez filmak, Mexikoko narko bati buruzko musikalak, Epaimahaiaren Saria eta emakumezko aktore onenarena eskuratu ditu.
Karla Sofia Gascon espainiarrak, Zoe Saldaña dominikarrak, Selena Gomez estatubatuarrak eta Adriana Paz mexikarrak osatzen dute Audiarden filmaren aktore taldea.
Protagonista gizon izatetik emakume izatera igarotzen den narko bat da. Gasconek antzezten du pertsonaia nagusia, Mexikon Espainian baino ezagunagoa den aktore transexualak, eta bera izan da kide guztien izenean saria jaso duena.
Urrezko Palma irabazi duen Anora filmean, berriz, Mikey Madison aktorea da protagonista. Pelikulak sexu-langileen inguruko istorio dibertigarri bat kontatzen du.
Madison Ani da, errusiar oligarka baten semearekin ezkontzen den dantzari erotiko gaztea. Oinarri sozial sakona duen istorio kaotiko bat kontatzen da filmean.
George Lucasek eman dio Bakerri Urrezko Palma, eta oso hunkituta hitz egin du ondoren. "Urrezko Palma hau duela 40 urtetik hona amesten ari naizen zerbait da, ez dakit orain zer egingo dudan bizitza osoan", eta "zinemak bizirik jarrai dezan borrokan jarraituko dut", esan du.
Urrezko Palmaren izendapenak oso harrera ona izan du, nahiz eta faboritoa Mohammad Rasoulofen The seed of the sacred fig izan, Irango askatasun gabezia kritikatzen duen filma. Hain zuzen ere, Irandik alde egin behar izan du Rasoulofek "herrialdearen segurtasunaren aurkako krimenak egiteagatik" zortzi urteko kartzela-zigorra ezarri baitiote.
Rasoulofek Epaimahaiaren Sari Berezia jaso du. Zuzendariak hunkituta jaso du oroigarria, eta taldekideei eskaini die. "Ez utzi Errepublika Islamikoak horrela tratatzen irandarrak", esan du.
Epaimahaiaren Sari Nagusia, berriz, garrantzitsuenen artean bigarrena, Payal Kapadia indiarraren All we imagine as light filmarentzat izan da.
Zuzendari onenarena Miguel Gomes portugaldarrak eskuratu du, Grand Tour fikzioa eta dokumentala, zuri-beltza eta kolorea nahasten dituen filmarekin.
Gidoi onenaren saria Coralie Fargeat frantziarrarentzat izan da, The Substance filmarengatik. Oso harrera ona izan du Cannesen, eta Demi Mooreren lana nabarmendu dute askok.
Aktore onenaren saria, azkenik, Jesse Plemons estatubatuarrarentzat izan da, Kind of Kindness (Yorgos Lanthimos) filmarengatik. Istorio independente honekin, zuzendari greziarra bere unibertso bihurri eta lotsagabera itzuli da.
George Lucasek Cannesko Ohorezko Urrezko Palma jaso du bere lagun Coppolaren eskutik
Gainera, George Lucas zinemagileak Cannesko Zinemaldiko Ohorezko Urrezko Palma jaso du Hollywoodeko beste legenda baten eskutik, Francis Ford Coppola lagunaren eskutik, hain zuzen ere.
Star Wars filmaren sortzaileak 80 urte ditu, eta txalo zaparrada luze batekin hartu dute Lumiere Antzoki Handian, John Williamsek Luke Skywalker eta enparauen abenturetarako sortutako soinu-banda ikonikoa txalo hotsen azpian utzita.
Txalo horiei eskuarekin agur eginez eta hatz lodia altxatuz erantzun die Lucasek.
Albiste gehiago zinema
Biba Zinema eta Lege Berriak!
Begoña del Tesok gaur egun zinema kontsumitzeko moduaren analisia egin du.
Marisa Paredes omenduko du Zinemaldiak 73. edizioko kartel ofizialean
Bestalde, gaur jakitera eman da Esther Garcia ekoizleak jasoko duela aurtengo Donostia sarietako bat, "Espainiako eta Latinoamerikako zinemagintza nazioartekotzeko egin duen lanagatik".
‘Zeru Ahoak’, Almandozen azken lanaren lehen irudiak aurkeztu dituzte
Lau ataleko serie noir laburra da eta Nagore Aranburu aktore azpeitiarra da protagonista. Orain ikusi ez den Bilbo erakustea da asmoa. Donostia Zinemaldiaren 73. Edizioko Sail Ofizialeko Emanaldi Berezietan hartuko du parte.
Alauda Ruiz de Azua zuzendari bizkaitarra lehen aldiz lehiatuko da Donostiako Zinemaldiko Urrezko Maskorra lortzeko, ‘Los Domingos’ filmarekin
Film honek klausura-komentuko kontenplazio-bizitzak erakarri egingo duen gazte aparteko eta idealista baten istorioa jorratzen du. Ruiz de Azuaren lehen film luzea 'Cinco lobitos' izan zen.
"Gaua" eta "Decorado" euskal ekoizpenak Sitgeseko zinema jaialdian lehiatuko dira
Paul Urkijoren film berria eta Alberto Vázquez galiziarraren animaziozko lana urriaren 9tik 19ra Kataluniako kostaldeko herrian egiten den zinemaldiko Sail Ofizialean izango dira.
Urriaren 10ean estreinatuko dute “Karmele” filma
Lehenago, Asier Altunaren filma Donostiako Zinemaldiko Sail Ofizialean proiektatuko dute. Jone Laspiur eta Eneko Sagardoy dira protagonistak, eta “Elkarrekin esnatzeko ordua” Kirmen Uriberen eleberrian oinarrituta dago.
Karmele, Maspalomas eta Zeru ahoak Zinemaldiko Sail Ofizialean egongo dira
Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen. Euskarazko hiru jasoko ditu aurtengo edizioaren Sail Ofizialak: Koldo Almandozen Zeru Ahoak, Asier Altunaren Karmele eta Moriartiren Maspalomas. Azken hori, gainera, Maskorra eskuratzeko lehian izango da.
Euskarazko hiru ekoizpen jasoko ditu Donostiako Zinemaldiaren Sail Ofizialak
“Maspalomas” Moriarti hirukotearen filma Maskorretarako lehian izango da, eta “Karmele” Asier Altunaren filma eta “Zeru ahoak” Koldo Almandozen seriea, lehiatik kanpo. Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen.
Ion de Sosak Locarnoko zinema jaialdian estreinatuko du “Balearic”
Donostiar zinemagilearen film luzea Concorso Cineasti del Presente sailean lehiatuko da Suitzako hiriko jaialdian.
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.