Euskal zinema, Granadara begira
Granada hiria aukeratu du aurten Espainiako Zinema Akademiak Goya sarien 39. edizioa egiteko. Andaluziako hirian sarituko dituzte, beraz, 2024an zinemagintzan argiroen distiratu duten film eta profesionalak larunbatean, 22:00etatik aurrera.
Aurten ere, euskal zinemak itzal nabarmena izango du espainiar zinemaren gauean, 33 izendapen bildu baitituzte euskal film eta profesionalek. La infiltrada Arantxa Echevarria bilbotar zuzendariaren filma, berbarako, 13 sailetan dago izendatuta, eta Marco Moriarti zinemagile hirukotearen pelikula, 5etan.
La infiltrada Bowfinger donostiar etxearen ekoizpenak ETAn infiltratu zen Espainiako polizia nazional baten benetako istorioa du kontagai, eta, besteak beste, film onenaren, zuzendari onenaren (Arantxa Echevarria), jatorrizko gidoi onenaren (Echevarria bera eta Amelia Mora), jatorrizko musikaren (Fernando Velazquez getxoztarra), produkzio zuzendaritza onenaren (Axier Perez Serrano) eta efektu berezi onenen (Mariano Garcia Marty, Jon Serrano eta Juliana Lasuncion) ataletan sartu dute sarirako hautagaien artean.
Echevarriaren filmak Marco izango du aurkari sail horietako batzuetan. Aitor Arregik eta Jon Garañok zuzendu duten filmak Enric Marco Batlleren bizipenak ditu oinarri, Flossenbürgeko kontzentrazio-eremuan egon zeneko istorio faltsua zabaldu zuen CNTren idazkari nagusiarenak. Bost izendapen bildu ditu guztira Marco Eduard Fernandez protagonista duen filmak: Fernandezena gizonezko aktore protagonistaren atalean, zuzendaritza onenarena (Aitor Arregi eta Jon Garaño), jatorrizko gidoi onenarena (Aitor Arregi, Jon Garaño, Jorge Gil Munarriz eta Jose Mari Goenaga), makillaje eta ile-apaintze onenarena (Karmele Soler, Sergio Perez Berbel, Nacho Diaz) eta efektu berezi onenena (Jon Serrano, Mariano Garcia Marty eta David Heras).
Benetako gertakari batean oinarrituta dago, halaber, izendapen gehien bildu dituzten euskal ekoizpenetan hirugarrena, Soy Nevenka Iciar Bollainen filma. 90eko hamarkadan udal zinegotzi bati Ponferrada udalerriko alkateak egin zizkion sexu-abusuak eta herriaren babesik eza kontatzen du 4 sailetan izendatutako pelikulak, eta, besteak beste, Urko Olazabalek egindako interpretazio lana hartu du aintzat Espainiako Akademiak. Maixabelekin bigarren mailako gizonezko aktore onenaren saria irabazi eta gero, gizonezko aktore onenaren sailekoa irabaz lezake larunbatean aktore bilbotarrak.
Film laburrak
Formatu laburreko euskal filmek toki handia hartu dute izendatuen zerrendan. Fikziozko film labur onenaren atalean Betiko gaua Eneko Sagardoyren lana, euskarazko lan izendatu bakarra, eta Mamantula Ion de Sosaren filma lehiatuko dira, eta animaziozko film laburren atalean hiru euskal film daude bost izendatuen artean: La mujer ilustrada (Isabel Herguera), Cafuné (Carlos Fernandez de Vigo eta Lorena Ares) eta El cambio de rueda (Begoña Arostegui).
Gainera, Semillas de Kivu Amania Films eta Uniko ekoiztetxeen lana film labur dokumental onenaren sailean izendatuta dago.
Euskal profesionalak
Horiez gain, Alberto Iglesias maisua eta Fernando Velazquez getxoztarra jatorrizko musika onenaren atalean lehiatuko dira, The room next door eta La infiltrada lanetan egin duten lanari esker.
Patricia Lopez Arnaiz gasteiztar goyadun aktorea ere izendatuta dago, emakumezko aktore protagonistaren atalean, Los destellos pelikulan egindako lanarengatik, Joana M. Ortueta La casa filmaren gidoi egokituagatik eta Karol Tornaria nafarra makillaje eta ile-apaintze onenaren atalean, El 47 filmagatik.
Betiko gaua izendatuen arteko euskarazko film bakarra izanagatik, aipagarria da bai Eneko Sagardoyren film hori berori bai Los destellos (lau izendapen) bai Salve Maria (bi izendapen) euskal emakume idazleen lanetan oinarrituta daudela, hurrenez hurren, Nerea Ibarzabal, Eider Rodriguez eta Katixa Agirreren liburuetan, hain zuzen ere.
EITBren parte-hartzea duten filmek, La infiltradak, Marcok, Betiko gauak eta La mujer ilustradak, hogei izendapen bildu dituzte.
El 47 izendapenen buruan
39. edizio honetarako, El 47 filmak bildu ditu izendapen gehien, hamalau, Segundo premiok hamaika, La habitación de al ladok hamar, La virgen rojak bederatzi eta Casa en flamesek eta La estrella azulek zortzi.
Maribel Verdu eta Leonor Watling aktoreek aurkeztuko dute ekitaldia, eta, berorretan, Aitana Sanchez Gijonek Ohorezko Goya eta Richard Gerek Nazioarteko Goya jasoko dituzte.
Zure interesekoa izan daiteke
Jacob Elordi 2026ko Oscar sarietarako izendatu dute, Gizonezko Antzeztaldeko Aktore Onenaren sailean
Sinners filmak markak hautsi ditu 16 izendapenekin eta Siratek Nazioarteko Film Onenaren izendapena jaso du. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira izen nagusiak.
Elena eta Telmo Irureta Borjako eccehomoa zaharberritu zuen emakumeari buruzko filmaren protagonistak izango dira
Bixagu euskal ekoiztetxea eta Malagako La Cochera etxea Cecilia. La historia del Ecce Homo de Borja pelikulan lanean ari dira, Cecilia Gimenez Borja Zaragozako herriko elizan fresko bat asmo onez baina ahalmen urriz zaharberritu zuen emakumearen gaineko “begirada intimo eta hunkigarri” batean.
"Benetako istorioak", Fipadoc Biarrizko jaialdian
Bederatzi egunean, 150 film ikusteko aukera izango da Lapurdiko udalerrian. Espainiako eta Portugalgo lanei garrantzi berezia eman diete egitarauan, eta hainbat euskal ekoizpen izango dira, hala nola Idi film laburra eta Akelarre plaza taldearen inguruko dokumentala.
Gautu zen derrepentean Errenteriako Kapitanenea kalean
Jantzien Museoak zinemarekiko zerikusi erabatekoa duen aldi baterako erakusketa estreinatu du Errenterian. Lehenbizikoa! Hainbeste urte pasa eta gero!
Euskal zinemak garai eztia bizi du: zeintzuk dira arrakastaren gakoak?
Azken Goya sarietan 47 izendapen lortu dituzte euskal ekoizpenek. Hala ere, arrakasta hau ez da soilik azken urte honetako kontua. Duela urte batzutatik hona, ekoizpenak ugaritu egin dira eta aretoetan zein sariketetan emaitza onak lortzen ari dira.
Zinemasteak hamar euskal pelikula eskainiko ditu Gasteizko bere egoitza berrian
Euskal zinemaren jaialdiak hamar film proiektatuko ditu urtarrilaren 23tik 30era Vital Fundazioak Posta kalean duen espazio berrian. Amaiera gala eta sari banaketa hilaren 31n egingo dute, Europa jauregian.
Susana Abaitua: "Zoro moduan oihuka aritu naiz etxean, poz aparretan"
Susana Abaitua aktorea Emakumezko Aktore Protagonista Onenaren Goya sarirako izendatu dute, Un fantasma en la batalla filmean egindako lanagatik, eta albistea "nahiko sorpresaz" jaso duela esan du. Hala ere, ez du poza ezkutatzen, eta nabarmendu du, izendatu izan ez balute ere, horrek ez liokeela baliorik kenduko bere aktore lanari, "izendatuak izan ez diren beste kide batzuen lana bezala".
Alauda Ruiz de Azuak, "Los domingos" filmaren zuzendariak, Goya sarietarako 13 izendapenak ospatu ditu
Alauda Ruiz de Azua Los domingos filmeko zuzendari bizkaitarrak Goya sarietarako jaso duen babesa ospatu du astearte honetan. Izendapen horiek hunkitu egin dutela dio, bere lan ingurunea asko zaintzen duelako, "nire aliatuak direla sentitzen dut beti".
Jose Mari Goenaga: "Pelikularen bizialdia luzatzea, izendapen eta sarien bitartez, oso garrantzitsua da"
Jose Mari Goenaga, Maspalomas filmaren zuzendarietako bat, oso pozik agertu da Goya sarietan 9 izendapen jaso berritan. Bereziki poztu du Kandido Uranga aktore-taldeko aktore onenaren sarirako izendatuta egoteak. Sariek eta izendapenek pelikularen bizialdia luzatzen dutela uste du, eta horrek promoziorako duen garrantzia azpimarratu du.
"Los domingos" eta "Maspalomas" izendatu dituzte Goya sarietako film onena izateko
47 euskal profesional eta film izendatu dituzte Goya sarietarako. EITBren parte hartzea duten hiru filmek 13 izendapen jaso dituzte. Gala Bartzelonan izango da, datorren otsailaren 28an.