Zinemaren mundua, bat eginda, Donostian Gazako genozidioaren kontra
Zinemako profesionalek eta herritarrek The Voice of Hind Rajab filmaren proiekzioa aprobetxatu dute, eta Victoria Eugenia antzokitik abiatu dira Palestinaren aldeko manifestazioan. Pelikulako protagonistek eraman dute pankarta, 'Genozidioa STOP. Free Palestine' lelopean.
Israel Palestinan egiten ari den genozidioaren aurkako oihua izan da Zinemaldiko protagonista. Parte-hartzaile gehienek aukera guztiak aprobetxatu dituzte Gaza mapatik ezabatzeko saiakera salatzeko. Salaketa masiboaren hitzordu nagusia The Voice of Hind Rajab filmaren proiekzioaren ondoren izan da. Pelikulak Gazako neskato baten hilketa kontatzen du, larrialdi-zerbitzuetara egindako deian oinarrituta. Haren familia eta osasun-zerbitzuak ere hil zituzten eraso hartan, eta lanean deiaren benetako audioa entzun daiteke.
Perlak sailean aurkeztu den filmeko protagonistak, Saja Kilani eta Motaz Malhees, txalo zaparrada beroz hartu dituzte Victoria Eugenia antzokian. Kanpoan, milaka lagun izan dituzte zain, genozidioaren aurkako manifestazioa hasteko.
Malheesek eskerrak eman dizkie jaialdiaren antolatzaileei eta donostiarrei, duten inplikazioagatik, eta gogorarazi du Palestinako herria elkartasun hori ikusten ari dela. "Mila esker, San Sebastian", esan du.
Ernest Urtasun Kultura ministroak ere parte hartu du protestan. Malheesek, izan ere, genozidioaren salaketan gainerako gobernuak Espainiako Exekutiboa bezain "ausarta" izateko eskatu du.
Zinemaldia
Victoria Eugenia Antzokiak txalo artean hartu ditu "The Voice of Hind Rajab" filmeko protagonistak, Gazako genozidioaren aurkako manifestazioaren atarian
"The Voice of Hind Rajab" filma proiektatu dute Donostiako Victoria Eugenia Antzokian, eta bertaratutakoek zazpi minutuko txalo zaparrada eskaini diete haren protagonistei, Palestinaren aldeko adierazpenen artean. Filmak sei urteko neskato baten istorioa kontatzen du. Neskato horrek laguntza eskatu zuen, Israelgo armadak erasotako ibilgailu batean harrapatuta geratu ondoren. Motaz Malhees eta Saja Kilani aktoreak, hunkituta, kalera atera dira, Gazako genozidioaren aurkako manifestazioa hastear zegoela, eta eskainitako elkartasun keinuak eskertu dituzte.
Venezian Zilarrezko Lehoia eraman zuen pelikula eman ostean, Palestinako euskal komunitateak deitutako eta zine industriako profesionalek bultzatutako manifestazioa hasi da, Gipuzkoako hiriburuko erdigunetik. Genozidioaren eta Israelen okupazioaren kontrako eta Palestinako askatasunaren aldeko oihuak entzun dira.
Frantziako eta Tunisiako ekoizpenaren lan-taldeko zati batek eraman du pankartak, bertako zinemaren pertsona ospetsu batzuek lagunduta; tartean, Itziar Atienza aktorea eta Julio Medem zuzendaria. Milaka pertsonak babestu dituzte, mina eta haserrea erakutsi nahian, baina baita okupazioa bukatzeko desioan.
Euskal Herriko eta Espainiar estatuko 500 profesionaletik gora batu dira deialdira. Besteak beste, Pedro Almodovarrek, Javier Bardemek, Antonio de la Torrek eta Maribel Verduk sinatu dute.
Zure interesekoa izan daiteke
Euskadiko Filmategiak ondareari eta emakumeen zinemagintzari eskainiko die Euskal Zinema zikloa
Datozen hiru hilabeteetan Gasteizen, Donostian eta Bilbon egingo den zikloan, Itzalak argitzen estreinatuko dute, besteak beste, 1980ko hamarkadaren erdialdean ekoitzitako lau film ertainen zaharberritze lanei buruz Koldo Almandozek eta Gorka Bilbaok egin duten filma.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.
Iñarritu: "Kamera ikusleari eman diot eta bakoitzak esperientzia ezberdina biziko du"
Alejandro Gonzalez Iñarritu zinemagile mexikarrak "Carne y arena" instalazioa aurkeztu du EITBren Bilboko egoitzako 5. platoan. Zuzendariak espazio honetan sortzen diren sentsazio eta bizipenak azaldu dizkigu.