Zinemakumeak Gara jaialdiak Alauda Ruiz de Azua, Maria Ripoll eta Al Borde Films ekoiztetxea sarituko ditu
Emakumeek zuzendutako filmen jaialdiaren 30. edizioa urriaren 27tik 30era egingo dute, Bilbon. Ruiz de Azuak eta Ripollek Simone de Beauvoir saria jasoko dute, eta Al Borde Filmsek, Bihargi EITB saria.
"Put Your Soul on Your Hand and Walk", Sepideh Farsi zuzendari irandarrak Fatma Hassona kazetariarekin egindako bideodeien bidez Palestinako gatazkaren ondorioak kontatzen dituena, Zinemakumeak Garan estreinatuko da
Bilbok Zinemakumeak Gararen, emakumeek zuzendutako filmen jaialdiaren, 30. edizioa hartuko du uriaren 27tik 31ra, eta arduradunek proiekzioz, ikastaroz eta mahai-inguruz beteriko programa aurkeztu dute, baita zinemagintzako hiru kide garrantzitsuren ibilbidea sarituko duen inaugurazio-gala bat ere.
Gala ORAINen jarraitu ahalko da, zuzenean, eta, berorretan, bi sari emango dituzte: Simone Beauvoir saria, Alauda Ruiz de Azua eta Maria Ripoll zinemagileenzat, eta Bihargi EITB saria, Al Borde Films ekoiztetxearen sortzaileentzat: Sara Blanco Pérez, Marta Gómez Calderón eta Paula Iglesias Rodríguez.
Pantaila Handia sail nagusia urriaren 28tik 31ra egingo dute, Golem Alhondiga Azkuna Zentroko zinemetan. Publikoak ikusgai izango ditu, besteak beste, Nuestra tierra Lucrecia Martel argentinar zuzendariaren dokumentala, Blue Heron Sophy Romvarirena; Sound of Falling Mascha Schilinskiren pelikula eta Left-Handed Girl Shih-Ching Tseou taiwandarrarena, besteak beste.
Halaber, atal horretan, Put Your Soul on Your Hand and Walk Palestinari buruzko fima emango dute, Sepideh Farsi irandar zuzendariaren eta Fatma Hassona kazetariaren arteko bideodeiak erakusten dituena.
Egitaraua osatzeko, urriaren 30ean Saio Berezia antolatu dute, BBK Aretoan. Sorda Eva Libertaden filma ikusi ahalko da bertan, amatasunaren aurrean emakume gor batek dituen erronkak erakusten dituen lana.
Jarraitu zuzenean inaugurazio ekitaldia 19:00etatik aurrera
Zure interesekoa izan daiteke
Ikusi primizian "Aro berria" filmaren sekuentzia bat
Irati Gorostidiren lehen film luzeak aipamen berezi bat jaso zuen Donostiako Zinemaldiko New Directors sailean, eta ostiralean, abenduak 12, zinema aretoetara iritsiko da. Primizian erakusten dizugun txatalean, Oliver Laxe zinemagilearen kolaborazio berezia agertzen da. Donostian, 1978an, hainbat langilek asanblea egingo dute, greba bat bideratzeko, baina azkenean ez dute adostasun nahikorik lortuko. Etsirik, aldaketa sozialerako irrika bizitza pertsonalera eramango dute, eta komunitate bat sortuko dute, mendialdean. EITBren parte-hartzea du filmak.
"One Battle After Another" nagusi, Urrezko Globoen izendapenetan
Paul Thomas Andersonen filma dago Hollywoodeko atzerriko prentsaren sarietako izendapenen zerrendaren buruan, eta Affeksjonsverdi, Sinners, Hamnet eta Frankenstein ere nabarmendu dira. Jacob Elordik bi sari lortzeko hautagai da: Frankenstein filmagatik bigarren mailako gizonezko aktore onenaren sailean, eta The Narrow Road to the Deep Northgatik, minisail bateko gizon protagonistaren atalean.
Galiziatik Euskal Herrira egindako zeharkaldia ikusarazten du Mikel Urdangarin abeslariak zuzendutako "Itsasora" filmak
Musikariak bere belaontzi zaharberritua ekartzeko laguntza eskatu zion Unai Basurko nabigatzaileari, eta negu betean egindako bidaia hori jorratzen du lanak. Urdangarinen filmak hasiera eman dio Mendifilm jaialdiaren 18. edizioari.
Hind neskatoak Herman “reichsmarschalla” gainditu
Ez dut uste erraturik nagoenik: Palestinak Israel gainditu du kontakizunean.
EITBren parte-hartzea duen Alberto Gastesiren "Singular" thrillerra zinema-aretoetan ikusgai dago
Filma Sitgesen estreinatu zen, eta Patricia Lopez Arnaiz eta Javier Rey ditu protagonista. Dianaren eta Martinen istorioa kontatzen du. Semea hil eta hamabi urtera, bikoteak lakuko bere etxe zaharrean berriz elkartzea erabakitzen du. Hildako semearen antza duen gazte enigmatiko bat etxean agertzen denean, antzinako sekretuak eta susmo berriak argitara ateratzen dira.
“Correct me if I’m wrong” film laburrak irabazi du Zinebiko Sari Nagusia
Hao Zhou txinatar zinemagilearen lan dokumentalak jaso du Bilboko Dokumentalen eta Film Laburren Nazioarteko Jaialdiko epaimahaiaren aintzatespen nagusia. Euskal film labur onenaren saria “Habana industrial” Ainhoa Ordoñezen lanak irabazi du, eta Aitor Gametxoren "Geratzen den hori" filmak Espainiako Film Labur Onenaren Sari Nagusia.
"Los domingos" eta "Maspalomas", Feroz sarietarako film izendapen gehien dituzten filmak
Los domingos, bederatzi izendapenekin, eta Maspalomas, zazpirekin, dira 2026ko Feroz sarietarako izendapen gehien jaso dituzten filmak.
Billy Wilderren 32 film emango ditu Tabakalerak 2026ko zinema programaren barruan
Tabakalerako 2026ko zinema denboraldi berria Donostia Kulturak, Donostiako Zinemaldiak, Euskadiko Filmategiak, Elías Querejeta Zine Eskolak eta Tabakalerak berak diseinatu dute, eta urtarrilaren 8an hasiko da.
Mendi Film, Bilboko nazioarteko mendi zinemaldiaren XVIII. edizioa
Euskalduna Jauregia izango da jaialdiaren kanpaleku nagusia eta abenduaren 5etik 14ra 55 film proiektatuko dira, horietatik 12 euskal ekoizpenak. Jaialdiaren irekiera ekitaldian Entre Juan y Juanito izango da ikusgai, Juanito Oiarzabali buruz Javier Alvarok zuzendu duen filma. Bestalde, iazko Mendi Film bekari esker sortutako Luis Arrietaren filma aurkeztuko da: Sustraiak.
Norma Vila "Salitre" izeneko bere lehen film luzea filmatzen ari da, Nagore Aranburu protagonista duela
Egunotan Arrigorriagan Norma Vila zuzendariaren Salitre pelikula filmatzen ari dira, drama intimoa eta thriller psikologikoa uztartzen dituen film luzea. Nagore Aranburu eta Haizea Carneros dira protagonistak.