Euskal alderdiek txalotu egin dute azken polizia-operazioa
Euskadiko alderdi politikoen ordezkariek goizaldeko polizia-operazioaren gainean iritzia eman dute. Guardia Zibilak ETAko lau ustezko kide atxilotu ditu goizaldean Bizkaian.
Azken polizia-operazioa "albiste ona" da, adierazi du Josu Erkoreka EAJko Kongresuko bozeramaileak. Horren ustez, atxiloketek ez dute Sorturen eraginik izan behar.
Ezker abertzalearen alderdi berriaren legeztatzea epaitegien esku dago eta Erkorekaren hitzetan, Sortuk ETAren indarkeria "zalantzarik gabe" arbuiatu du.
Miguel Buen Gipuzkoako PSE/EEko buruaren hitzetan, polizia-operazioa "albiste ona da demokratentzat" eta argi uzten du "Zuzenbide Estatua indarkeriaren aurkako borrokari irmo eusten" diola.
Sorturen kideak "jendaurrean atxiloketengatik poztuko ez" direla iragarri du. Buenen ustez, "ezker abertzale berriari dagokio euskal gizartearen aurrean sinesgarri agertzea. Horretarako, ekintza nabarmenekin erakutsi behar dute sistema demokratikora itzuli nahi dutela".
Atxiloketak "bikaintzat" jo ditu Antonio Basagoiti Euskadiko PPko presidenteak eta Zuzenbide Estatua "tregoan ez" dagoela azpimarratu du.
Basagoitiren aburuz, polizia-operazioak "ETAren bukaeran" lagundu ez ezik, "biktimei babesa" ematen die. "Ez dago biktimentzako justizia eta babes hoberik haien familiarrak hil dituztenak atxilotzea baino", adierazi du.
Jon Abril Aralarren koordinadorearen ondokoak espero du "atxiloketak berriro ez errepikatzea". "Operazio polizialak amaitzea lortu behar dugu denon artean, Euskal Herriak normalkuntza politikoan eta bakean bizi behar du", adierazi du Abrilek.
Gorka Maneiro UPyDren legebiltzarkideak esan du atxiloketek agerian uzten dutela ETAk martxan jarraitzen duela.
Segurtasun Indarrei "bide beretik" jarraitzeko deia egin die UPyDren legebiltzarkideak, "Zuzenbidezko Estatuak ezin baitu su-etenean egon", izan ere, ETAk "ez du desegitea edo desagertzea erabaki".
Serafin Llamas EBren ordezkariak , bere aldetik, atxiloketena "albiste ona" izan dela esan du, "hilketak eta mehatxuak egiteko asmoa izan zezaketen pertsonak kaletik kendu" dituztelako.
Zure interesekoa izan daiteke
Lehendakaria agintaldiko politika orokorreko bigarren eztabaida prestatzen ibili da alderdikideekin
Bere agintaldiko politika orokorreko bigarren eztabaidari helduko dio bihar, osteguna, Imanol Pradalesek. Bertan, ekonomian jarriko du arreta, nazioarteko testuinguru korapilatsuaren eta inflazioaren igoeraren aurrean. Herritarrak kezkatzen dituzten beste arazo batzuk ere hartuko dituzte hizpide; hala nola etxebizitza, osasuna, hezkuntza, segurtasuna eta immigrazioa.
Espainiako Estatuaren egoera politikoa aztertu dute EH Bilduk eta ERCk Bilbon, aldebiko bilera batean
EH Bilduren ordezkaritzaren buru Arnaldo Otegi idazkari nagusia izan da, eta ERCrena, Oriol Junqueras presidentea. Koalizio abertzalea beste herrialdeetako alderdi subiranistekin eta Espainiako Estatuko ezker konfederalarekin egiten ari den aldebiko bilera-sortaren barruan kokatzen da gaurko hitzordua.
Melgosak migrazio-eskumenak eskatu ditu, kudeaketak bertan egiteko ahalmena izateko
Nerea Melgosa Ongizate, Gazteria eta Erronka Demografikoko sailburuak egiturazko plan bat eskatu dio Espainiako Gobernuari, "inprobisatzeari" utz diezaion. Era berean, gogorarazi du Euskadi solidarioa dela, baina migrazio-eskumenak transferitzea beharrezkoa dela.
Esteban, Anduezaren kritikei buruz: "Hauteskundeak hurbil daude, PSEk indartsu ikusten gaitu eta arrazoi dute"
Euskadi Irratian egindako elkarrizketan Aitor Esteban EAJren EBBko presidenteak adierazi du 2027ko hauteskundeen "aurrekanpaina giroa" aurreratu egin dela, eta "PSE horretan buru-belarri" ari dela.
Albiste izango dira: kontrolerako saioa Kongresuan, Chiviteren azalpenak Belateri buruz eta Zinemaldiko izarrak iristear
Gaurkoan Orain-en albiste izango direnen laburpena, bi hitzetan.
Madrilgo Ramon y Cajal Ospitalean itxaron-zerrendak manipulatu dituztela salatu dute
'El País' egunkariak argitaratu duenez, ebakuntzen itxaron-zerrendan zeuden herritarren lehentasuna aldatzea agindu zuten ospitaleko bi arduradunek, zirujaurekin hitz egin gabe.
Puigdemonten amnistia eskariari ezezkoa eman dio berriz Llarena epaileak, eta Konstituzionalaren erabakiaren zain geratu da
Goreneko epailearen ustez, Europar Batasuneko Justizia Auzitegi Nagusiak eman zuen epaiak ez du aldatzen politikari katalana Amnistia Legetik kanpo uzteko Llarenak berak finkatutako lehenengo arrazoiaren oinarria.
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".