Horrela kontatu dugu ETAren komunikatuaren biharamuna eitb.com-en
18:30. Kanadako Gobernuak ETAk jarduera armatua uzten duela dioen adierazpena ekintzek erakustea espero duela esan du.
16:54. ETAren presoen elkarteak espetxeko politika aldatzeko eskatu du, "kartzelan bizi diren egoera larriekin amaitzeko".
16:30 Europar Batasunaren ustez, ez da iritsi ETA Europar Batasuneko talde terroristen zerrendatik (sortu zenetik bertan sartuta dago) kentzea eztabaidatzeko unea.
16:25. Etxe Zuriak ETAk jarduera armatua behin betiko uztea "bakerako pauso historikoa" dela esan du, baina bide luzea geratzen dela aurretik promes hori betetzeko".
16:12. Nicolas Sarkozy Frantziako presidenteak "indarkeriaren gaineko demokraziaren garaipenatzat" hartu du ETAren adierazpena, eta bere estatuak Espainia babesten jarraituko duela gaineratu du.
16:03. Jose Blanco Gobernuko bozeramailearen hitzetan, Gobernuari dagokio "adimenarekin" eramatea ETAren adierazpenaren osteko aroa.
15:53. Pello Urizar EAko idazkari nagusiak azaldu du orain Espainiako eta Frantziako Gobernuen txanda dela, eta presoen eskubideak ukatzea ezin dela onartu gaineratu du.
15:45. Martin Garitano Gipuzkoako ahaldun nagusiak adierazi duenez, "hemendik aurrera, Gobernuek eta ETA taldeak berak heldu beharko dituzte gatazkaren ondorioak", besteak bestek, biktimak eta presoak.
15:26 Jaime Mayor Oreja Europako Parlamentuan PPko bozeramaileak esan du ETAren komunikatua "ETAren eta Rodriguez Zapateroren Gobernuaren artean itundutako proiektua" dela.
15:18. Juan Karlos Izagirre Donostiako alkateak, ETAk bere jarduera armatuarekin behin betiko amaitu duela esan ostean, Nazioarteko Bake Konferentziako adierazpeneko "beste lau puntuak" betetzeko eskatu du.
15:02. Euskal Autonomia Erkidegoko Justizia Auzitegi Nagusiak biktimen memoriaren balioak eta horiek sufritutako kalteak konpontzea hartzen duen bizikidetza baten alde egin du.
14:56. Miguel Angel Lujua Confebaskeko presidentearen ustez, Euskadin indarkeriaren amaiera "garaipena da, eta hala esango du euskal gizarteari egotzi behar zaion historiak".
14:45. EUDEL Euskal udalerrien elkarteak adierazi du ETAk behin betiko indarkeria uztea "Euskadin bakea lortzeko pauso garrantzitsua" dela.
14:21. Patxi Zabaleta Aralarreko koordinatzaile nagusiak bakearen eraikuntzarekin konpromisoa hartzeko eta presoen eskubideak errespetatzeko dei egin die Espainiako eta Frantziako Gobernuei.
14:01. Brian Currinek "gatazka politikoa"ri heltzeko dei egin du.
13:54. Maite Pagazaurtundua Terrorismoaren Biktimen Fundazioko presidenteak esan du "ETAren mundokoak" ohartu egin direla hiltzea ez dela "errentagarria".
13:45. ETB Brian Currin elkarrizketaren ari da. Jarraitu zuzenean.
13:44. Ainhoa Etxaide LABeko idazkari nagusiak esan du ETAk "orain arteko urrats garrantzitsua" egin duela gatazka konpontzeko.
13:30. Lehendakariak iragarri du bilera-sorta abiatuko duela alderdi eta sindikatu guztiekin eta "ausardia" eskatu du "egoera berria"ri aurre egiteko.
13:21. Gorka Maneiro UPyDko legebiltzarkideak aurreratu du bere alderdiak ez duela onartuko "mahai teknikorik ezta politikorik ere".
13:20. Mikel Arana Ezker Batuko legebiltzarkideak ETArekin "elkarrizketa" abiatzeko eskatu dio Espainiako Gobernuari, "gai teknikoak", hots, "desegitea, armak eta presoak" hizpide.
13:16. Lehendakaria hitz egiten ari da. Jarraitu zuzenean eitb.com-en eta ETB-2n.
13:07. Mario Iceta Bilboko gotzainak Elizaren laguntza esquían du "zauriak osatu eta zatiketa harresiak botatzeko".
13:03. Pello Urizar Eako idazkari nagusiak adierazi du Espainiako eta Frantziako Estatuei "aitzakiak agortu" egin zaizkiela "geldirik jarraitzeko".
13:01. Iñigo Urkullu EAJko presidenteak "bakearen, bizikidetzaren eta adiskidetzearen" alde lan egiteko dei egin du, ETAren terrorismoa "gainditu" den honetan.
12:55. Maixabel Lasa: "Historia ez da kontatuko borreroak diktatuta".
12:18. Jose Luis Bilbao Bizkaiko ahaldun nagusiak "ongietorria" eman die "bakeari eta askatasunari".
12:13. Espainiako gotzainek ohartarazi dute gizarteak ezin duela erakunde terrorista "ordezkari politiko" gisa onartu.
12:03. Ezker abertzaleak ohartarazi du ETAren indarkeriaren amaierak ez duela esan nahi "gatazka" konpondu denik.
12:01. Rodolfo Ares Herrizaingo sailburua Ertzaintzako buruekin bilduko da arratsaldean, terrorismoaren aurkako borrokan egindako lana eskertzeko.
11:59. Tony Blair Erresuma Batuko lehen ministro ohiak pozik jaso du ETAren iragarpena, eta espainiarren "ausardia" eta demokraziaren garaipena goratu ditu.
11:57. EAEko sozialistek Fernando Buesa PSE-Eeko bozeramaile zena omenduko dute gaur, 20:30ean, Gasteizko Askatasunen Lorategian. ETAk 2000ko otsailean hil zuen sozialista.
11:48. ETAren iragarpenaren aurrean, "arduraz" erantzuteko eskatu die ezker abertzaleak Espainiako eta Frantziako gobernuei.
11:30. Ezker abertzalean prentsaurrea. Jarraitu zuzenean eitb.com-en eta ETB-2n.
11:16. Antonio Basagoiti Euskadiko Ppren buruzagiak espero du ETAren "pertsiana jaitsiera negozioaren erabateko itxiera" ekarriko duela.
11:00. Iñigo Lamarca arartekoak esan duenez, "giza-eskubideak errespetatzeko balore demokratikoak gailendu dira".
10:54. Eusko Jaurlaritzak iragarri du, "egoera berri honetan" bizkartzainak kentzea aztertuko duela.
10:47. Idoia Mendia Eusko Jaurlaritzako bozeramailea alderdi politikoei zuzendu zaie eta "terrorismoa eta indarkeriaren amaiera interes alderdikoiak lortzeko" ez erabiltzeko eskatu die, hauteskundeak gainean daudela eta.
10:46. Ramon Jauregik adierazi du ETA desegiteko prozesua "konplexua" izango dela.
10:23. Jose Manuel Durao Barroso Europar Batzordeko presidentearen iritzian, ETAk "jarduera armatua amaitzea" Espainiako herritarren eta instituzio demokratikoen "garaipena" da.
10:18. Martin Garitano Gipuzkoako ahaldu nagusiak esan duenez, Espainia eta Frantziako gobernuek "jada ezinezkoa dute elkarrizketa politikoari uko egitea".
10:12. Txinako Gobernuak ere hitz egin du ETAren iragarpenaren harira: bakea lortzeko Espainiak egindako "etengabeko ahaleginak" nabarmendu ditu.
10:10. Maixabel Lasa Biktimei Laguntzeko Jaurlaritzaren departamentuko zuzendariak 11:00etan egingo du agerraldia.
10:02. Antonio Camacho Barne ministroaren arabera, "Poliziari eta Guardia Zibilari esker dago ETA garaituta". Espainiako gizarteak Estatuko segurtasun indarrekin "zor ordainezina" dutela nabarmendu du.
10:00. ETAren erabakia "ilusioz" hartu dutela esan dute euskal bizkartzainek, baina oraindik armak entregatu ez dituztela ohartarazi dute.
09:45. ETAren iragarpenak oihartzun zabala izan du nazioarteko hedabideetan.
09:28. Lehendakariak iragarri du "indar politiko guztiekin" hitz egingo duela, baita ezker abertzalearekin ere.
Zure interesekoa izan daiteke
Aurrekontuak onartu ezean, hauteskundeak deitzea eskatu dio EAJk Sanchezi
Jeltzaleek gehiengo parlamentarioa galdu izana leporatu diote Gobernuari, eta Sanchezek esan du alderdiekin negoziatuko duela kontuak aurrera ateratzeko.
Bizimodu duina bermatzeko politikei buruzko eztabaida monografikoa Legebiltzarrean
EH Bilduko Pello Otxandianok zerga eta etxebizitza erreforma proposatu du, Hernandezek (Sumar) gehien dutenek gehiago ordaintzea eskatu du eta Martinezek (Vox) "etxekoentzako" baliabideak lehenestea.
Gizon bat atxilotu dute Enrique Maya Iruñeko alkate ohiari egindako erasoarekin lotura duelakoan
Joan den ekainaren 9an, Iruñeko alkate ohia iraindu eta kolpatu zuten Estafeta kalean, baina ez zen zauritu. Mayak gertakaria salatu egin zuen, eta ustezko egilea atxilotu dute orain, segurtasun-kamerak aztertu ondotik.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, bere errugabetasuna berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.
Zapaterok bitxiengatik ere deklaratuko du asteazken honetan, Calama epaileak atzeratzea ukatu ostean
Espainiako gobernuburu ohiaren defentsak atzerapena eskatu zion Calama epaileari, gutxienez 1,3 milioi euroko balioa duten bitxien jatorriari buruzko dokumentazioa biltzeko denbora gehiago edukitzeko. Ferrazko bere bulegoan aurkitutako bitxiengatik kontrabando eta zerga delituak leporatu dizkio.