Roberto Jimenez: 'Ez dago atzera bueltarik'
Roberto Jimenez PSNko idazkari nagusiak esan du ez dagoela atzera bueltarik Nafarroako Gobernuaren hausturan, eta Yolanda Barcinari leporatu dio hori, presidenteorde postutik kendu duelako "Nafarroako kontuen errealitatea herritarrei jakinaraztea ekiditeko".
"Tamalez sozialistok ere ez gaude defizita zenbatera iristen den esateko baldintzatan", esan du Jimenezek Gobernuaren hausturatik bere lehenengo agerraldian, PSNren egoitzan.
Jimenezek esan duenez, oposiziotik proposatuko duten lehenengo gauza ikerketa batzorde sortzea bat izango da, "Foru erdidegoko finantza egoera argitzeko".
Bere kargugabetzearen ostean sortutako egoeraren inguruan, eta beste bi zinegotzi sozialistek kargua utzi ondoren, Roberto Jimenezek ez du esan etorkizunean zer egingo duten. Halaber, hauteskundeak aurreratzea presidentearen esku dagoela adierazi du, eta oraingoz ez dutela baloratu IU, NaBai eta Bildurekin Gobernuko osatzeko aukera, gaineratu du.
UPN bakarrik gobernatu dezakeen Gobernua izateko aukeraren inguruan galdetuta, Jimenezek esan du Yolanda Barcinaren "umorea" ezagututa, ez duela pentsatzen jarreraz aldatu dezakeenik eurekin akordio jakin batzuk izatera heltzeko moduan.Barcina, UPN-PSN lankidetza-formularen alde
Yolanda Barcina Nafarroako presidenteak esan du UPN eta PSN Foru Gobernuko kideen arteko egoera "jasanezinak" arazoak eragin dituela herritarrenak ez konpontzeagatik. Hori dela eta, Barcinak Roberto Jimenez presidenteorde sozialista kargutik kendu behar izan du.
"UPN-PSN lankidetza-formularen alde egiten jarraitzen dut; izan ere, Ongizatearen mailak hobetzeko balio izan du", azaldu du Barcinak. Gainera, Parlamentua desegitea eta hauteskundeak egitea eragingo lukeen egoera batera iristea ekidin du.
Zure interesekoa izan daiteke
Ramon Rubial buruzagi sozialista historikoaren jaiotzaren 120. urteurrena ospatzeko ekitaldia egin da Bilbon
Joxerra Bengoetxea: "Pena ematen dit erabakiak, baina urte eta erdi daramagu CAFi bilera eskatzen eta ez dugu erantzunik jaso"
Ayusok, PSOEri eta Mas Madridi: "Milei ez da herriko taberna edo okupa etxe batetik atera, zuen bazkideak bezala"
Perez Iglesiasek ohartarazi du EHUk "bide arriskutsu bati" ekin diola CAFekin duen hitzarmena berritu ez duelako
Epaileak ETAko lau kide ohi auzipetu ditu 2002ko Santa Polako atentatuarekin lotuta
Bengoetxea eta Etxanobe EAJren primarioen bigarren itzulira pasatu dira, baina bozketa igandean amaituko da
Bengoetxeak Etxanobek baino babes handiagoa lortu du bozketaren lehen egunean, baina biak bigarren itzulira pasako dira
Albiste izango dira: EAJren barne prozesua, protestak Frantzian eta etxebizitzaren aldeko greba
Senatuko gehiengo osoa, gutiziatuena: Zergatik ari dira alderdiak gehiengoa lortzeko formulak aztertzen?
