Artur Masek Europara joko luke, Gobernuak kontsulta onartu ezean
r Mas Kataluniako Generalitateko presidentearen esanetan, azaroaren 25eko hauteskundeetan CiUk gehiengo osoa lortzea "komeni da", independentzia prozesua hasi ahal izateko. Horren ildotik, Espainiako Gobernuak erreferenduma baimendu ezean, gatazka "nazioartean" zabalduko lukeela aurreratu du.
TV3n egindako elkarrizketan, gehiengo osoaren beste helburuetako bat PPk Estatuan duen indarrari aurre egitea izango litzatekeela adierazi du Masek. Gainera, Kataluniako Gobernuak independentzia prozesua abiatzeko "zilegitasuna" izango lukeela iritzi dio.
Masek independentzia lortzeko 'ibilbide orria' zehaztu du: Lehenik eta behin, kontsulta bat deitzeko baimena eskatuko lioke Mariano Rajoyren Exekutiboari, Eskozian egin duten bezala.
Ate hori itxita topatuko balu, Herri Kontsulten lege bat sortuko lukete, eta Estatuak atzera botako balu, "nazioarteko auzitegietara" joko luke, gatazka "nazioartean zabaltzeko". Izan ere, "zilegitasun demokratikoa" kolokan egongo litzatekeela ohartarazi du.
Masen hitzetan, balizko erreferendumaren galdera Kataluniak Europar Batasuneko Estatu izan behar duen izango litzateke.
Europar Batasuna, Kataluniaren independentziaz
Europako Batzordeak soilik Espainiak eskatzen badu hitz egingo du Kataluniaren balizko independentziak Europar Batasunean izango lituzkeen ondorioez, adierazi du Pia Ahrenkilde bozeramaileak.
"Ez dugu Estatu baten barne auziez hitz egingo balizko kontu bat den bitartean", esan du bozeramaileak Kataluniaren eta Eskoziaren kasuengatik galdetu diotenean.
Kasu horretan, "Europar Batasuneko Itunekiko aztertuko genituzke independentziaren ondorioak, hau da, estatu berri batek Europar Batasunaren parte izaten jarraituko lukeen edo atxikimendua eskatu beharko lukeen".
Zure interesekoa izan daiteke
Arabako Aldundiak ez du suhiltzailerik bidaliko Madrilera, bere lurraldean sute-arriskua dagoela eta
Astelehenean Espainiako Gobernuak baliabide gehiago eskatu zituen suteei aurre egiteko, eta EAEko hiru hiriburuetako udalek, Gipuzkoako Foru Aldundiarekin batera, bat egingo dute Bizkaiak Madrilen zabaldutako dispositiboan. Bitartean, hiru aldundiek partekatzen duten helikopteroak Euskadin jarraituko du.
Espainiako selekzioaren finalean Polizia Nazionala "bere eginkizunen gainetik" aritu izana salatu du Zupiriak
Munduko Txapelketaren finalean izandako istiluetan Polizia Nazionalak Bilbon egindako bi atxiloketak kritikatu ditu Eusko Jaurlaritzako Segurtasun sailburuak, Ertzaintzaren eskumena dela iritzita.
Sanchez: "Zer gehiago gertatu behar da larrialdi klimatikoaren aurkako ituna babesteko?"
Pedro Sanchez Espainiako Gobernuko presidenteak ohartarazi du "larrialdi klimatikoak hil" egiten duela eta berriro eskatu du Larrialdi Klimatikoaren eta "negazionismoaren" aurkako Estatu Ituna hitzartzea. Sanchezek gogorarazi du 2026an suteek 170.000 hektarea baino gehiago kiskali dituztela Espainian, iaz baino sei aldiz gehiago. Gainera, suteek dagoeneko hamar hildako inguru eragin dituztela adierazi du, abuztua eta iraila, arrisku handieneko hilabeteetako bi, oraindik aurretik direla.
Aitor Landa eta Alfonso Garaikoetxea, Ertzaintzaren zuzendari eta buru berriak
Landa goi-mailako teknikaria da Nekazaritzan, eta 36 urteko esperientzia du babes zibilaren arloan. Garaikoetxeak 41 urte daramatza Ertzaintzan, eta azken 7 urteetan Herritarren Babeserako arloburu izan da.
Bizkaiko Auzitegiak artxibatu egin du Voxen ekitaldi batean Santurtzin izandako istiluengatik atxilotutako emakume baten aurkako auzia
Auzitegiak uste du atxilotutako emakumearen deklarazioa legez ezarritako epetik kanpo hartu zela, eta auzi penala artxibatzea erabaki du.
Bi atxilotu Bilbon, Munduko Txapelketako finalean Espainiako kamiseta jantzita zeraman gazte bati eraso egitea egotzita
Atxilotuei gorroto eta lesio delituak eta desordena publikoak eragitea egotzi diete. Ez da baztertzen atxiloketa gehiago egotea.
Auzitegi Nazionalak Belateko lanen esleipena ikertuko du
Koldo auziaren instrukzioaren ardura duen epaileak gaur jakinarazi du erabakia. UPNk eta PPk Maria Chiviteren dimisioa eskatu dute.
EAJren "legatua" bere egin nahi dutenei mezua, Estebanek: "Ezin da oinordetzan hartu defendatu nahi izan ez zena"
Ekitaldi politikoa egin dute jeltzaleek Bilbon, Sabino Aranak EAJ sortu zuela 131 urte bete direnean. "Atzo mespretxatu zituenak gaur ez du haien txapela janzteko eskubiderik", esan du, zuzenean aipatu gabe, baina EH Bilduri erreferentzia eginez.
Arabako Aldundiak Manzanosko saihesbidea ireki du eta herriko trenbide-pasaguneko trafikoa kendu
Arabako ahaldun nagusi Ramiro Gonzalezek eta Mugikortasun Jasangarriaren eta Bide Azpiegituren Saileko foru diputatu Jon Nogalesek Manzanosko saihesbidea inauguratu dute astelehen honetan. Proiektuak 3,8 milioi euroko inbertsioa izan du, eta horri esker, Añanako kuadrillako herri hori zeharkatzen duen trenbide-pasaguneko ibilgailuen trafikoa itxi egin dute.
Villarejoren defentsak dio Kitchen operazioa legezkoa izan zela
Komisario ohiaren defentsak ukatu egin du sarearen helburua Barcenas PPren diruzain ohiari alderdiaren material konprometituta lapurtzea zela, eta Barcenasi berari egotzio dio auzia sortzea, "komunikabideei begira". Fiskaltzak 19 urteko kartzela-zigorra ezarri nahi dio komisario ohiari.