Aresen esanetan, Cabacas auzia ez dagokio Arartekoari
lfo Ares Jaurlaritzako Herrizaingo sailburu ohiak "zuhurrago" izateko eskatu dio Iñigo Lamarca Arartekoari eta Iñigo Cabacasen, Ertzaintzaren pilotakada batengatik hil zen gaztearen, auzia "ez da zure eskumenekoa", ohartarazi dio.
ETBn eginiko elkarrizketa batean Arartekoaren ofiziozko ikerketaz mintzatu da Ares, bertan gaztearen heriotza eragin zuen kargan indarkeria eta istiluen aurkako materiala "bidegabe" erabili izana egozten baitzaio Ertzaintzari.
Sailburu ohiak bere bizitza politikoaren unerik "zailenetakoa" izan dela onartu du, baina "lasai" dagoela gaineratu du. Arartekoaren hausnarketa ez dagokio hari, Aresen iritzian, eta "Justiziaren esku dago", adierazi du.
"Arartekoak zuhurragoa izan beharko luke; bere eskumenak gainditzen ditu batzuetan, baina dagoeneko ohituta nago".
Auzi horren inguruan zerbait aldatuko ote lukeen galdetuta, arduradunen bat kaleratu ahal izango zukeela adierazi du, baina hori, egitekotan, "dena argitu ondoren" hartu beharreko erabakia dela uste du.
Gai honek bere kudeaketa markatzea baztertu du, eta "sendotasun demokratikoaren eta zero tolerantziaren" sailburua izan zela gogoratuko dela adierazi du; "ETArekin eta zigorgabetasun guneekin amaitzen lagundu duen sailburua" izan zela gogoratuko dute, gaineratu du.
Bere jarduna eta justiziarena "bateragarriak" dira, Arartekoaren ustez
Arartekoaren jarduna eta justiziarena "bateragarriak" direla nabarmendu du Iñigo Lamarcak. "Epaileak zigor arloko arduradunak zehaztu behar ditu; guk, ordea, Administrazioak egoki jokatu duen ala ez".
Jaurlaritzak prozesu judizial batean Arartekoak ez duela esku hartu behar esatea kritikatu du Lamarcak, eta "epaileak gomazko pilotak erabili zituztenen ardurak zehaztu behar ditu; guk, ordea, beste eremu bat ikertu behar dugu, Administrazioaren jokabidearena", gaineratu du.
Ararteko gisa ezin duela Administrazioa "behartu" zehaztu du eta soilik gomendioak eman ditzakeela, baina "Cabacas auzia ez da hemen bukatzen", adierazi du. "Bide judizialak beste garai bat irekiko du, eta orduan, gure ebazpenak erabateko indarra hartuko du, administrazioko barne ikerketa irekitzeko eskatzen baitugu eta hori, noizbait gertatuko da".
Zure interesekoa izan daiteke
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.