Lehendakariak 'etengabeko harremana' du egiaztatzaileekin
Iñigo Urkullu lehendakariak ''etengabeko harremana'' du bake eta normalizazio prozesuan inplikatuta dauden agente guztiekin, Ram Manikkalingam buru duen nazioarteko egiaztatzaileen taldearekin ere.
Egunotan Euskadin da egiaztatzaileen taldea, alderdi politikoekin eta erakundeetako ordezkariekin bilerak egiteko, eta bisita horretaz aritu da Josu Erkoreka Eusko Jaurlaritzako bozeramailea, goizean eskaini duen prentsaurrekoan.
Kazetariek egindako galderei erantzunez, Erkorekak esan du lehendakariak ''ia eguneroko'' harremana duela ''bake eta normalizazio prozesuaren kudeaketarekin zerikusia duen guztian lan egiten duten agente guztiekin'', tartean egiaztatzaileen taldearekin ere, baina ez du argitu Urkullu talde horretako kideekin bildu den ala ez, zuhurtzia aipatuz.
Edonola ere, Lehendakaritza iturriek baieztatu egin dute lehendakaria egiaztatzaileekin elkartu dela.
PSE-EEren bilera
Idoia Mendia PSE-EEko bozeramaileak ere baieztatu egin du sozialistak egiaztatzaileen taldeko kideekin bildu direla, ''ETAk disolbatu behar duela'' helarazteko. Gai hauetan ''zuhurtziaz'' jokatu behar dela esan du Mendiak ere.
''Pauso guztiak ongietorriak izango dira''
Laura Mintegi EH Bilduko bozeramaileak jakinarazi duenez, ''normalizazioa eta bizikidetza'' alorretan egiten diren urrats guztiak ''ongietorriak izango dira''.
''Batasunaren inguruak kontratatu ditu bitartekariak''
Iñaki Oyarzabal Euskadiko Alderdi Popularreko idazkari nagusiak ere nazioarteko ikuskatzaileek Euskal Herrira egin duten bisita izan du hizpide gaur. Horren hitzetan, “Batasunaren inguruak kontratatu ditu nazioarteko bitartekariak, ezker abertzalearen estrategiari estaldura mediatikoa emateko”. Popularraren iritziz, ikuskatzaileak “ETA pausoak ematen ari dela ikusarazten saiatuko dira”. “PPren helburua ETA betiko desegitea da”, gaineratu du.
Zure interesekoa izan daiteke
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.