Pastor: 'Gipuzkoarekin izandako liskarrak Jaurlaritza ahuldu du'
Jose Antonio Pastor PSE-EEren Legebiltzarreko bozeramaileak uste du Eusko Jaurlaritza "ahuldu" egin dela aurreko astean aldundiekin eta Eudelekin egindako bileraren ostean "Gipuzkoarekin izandako liskarra dela eta".
Izan ere, Urkullu lehendakaria Gipuzkoako, Bizkaiko eta Arabako ahaldun nagusiekin eta Eudelekin elkartu zen, eta bileraren ostean akordioa lotu zutela iragarri bazuten ere, Gipuzkoako Aldundiak ukatu egin zuen.
Ricardo Gatzagaetxeberria Ogasun sailburuak EAEko hiru lurraldeetako Ogasun diputatuekin gaur egingo duen bilera "teknikoen" harira (elkarrizketa egin zenean oraindik ez zekiten Gipuzkoako ordezkariak joango ote ziren), Pastorrek uste du "joan beharra dagoela, nahiz eta desadostasunak agertzeko izan".
PSE-EEren ordezkariak Radio Euskadin egindako elkarrizketa batean azaldu duenez, "Garitanok gogoeta kritikoa egin zuen bilera hartan, desengainatuta atera zen, eta gero kritikak areagotu zituen. Lehendakariaren jarrera aldakorra agertu zen bilera hartan, aste batean gauza bat esaten duelako, eta hurrengoan beste bat, irizpidea aldatzen du, eta gero lehengora itzultzen da".
Hori dela eta, "zentratzea oso zaila" dela salatu du buruzagi sozialistak, eta aurreko asteko bileraren ondoren "Gipuzkoarekin izandako liskarrak, ziurrenik Eusko Jaurlaritza ahuldu" duela. "Agerian geratu da Jaurlaritzaren noraeza", gaineratu du.
Ostegunean edo ostiralean Jaurlaritzak alderdi politikoekin egingo duen bileraz galdetuta, PSE-EE "aurrebaldintzarik gabe" joango dela adierazi du.
Zure interesekoa izan daiteke
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono linea ziztatu egin zioten.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.
Zuzenean: Carlos Garaikoetxeari agurra, Ajuria Enean
Euskal gizartearen ordezkaritza zabala bertaratuko da Gasteizera, Ajuria Enea jauregira, Carlos Garaikoetxea lehendakariari azken agurra emateko. Besteak beste, honakoak joango dira: Imanol Pradales lehendakaria, bere aurreko hiru agintariak, Eusko Legebiltzarraren presidentea eta Mahaiko kideak. Politikari eta herritar ugari ere bertaratuko dira.
Albiste izango dira: Carlos Garaikoetxeari agurra Ajuria Enean, hantabirus agerraldia eta Tubos Reunidosko langile eta zuzendarien arteko bilera
Gaurkoan Orain-en albiste izango direnen laburpena, bi hitzetan.
Ajuria Eneak ateak zabalduko ditu Carlos Garaikoetxeari agurra egiteko
Ondoren, hilkutxa Iruñeko hilerrira eramango dute, bere jaioterrira, eta bertan egingo dute hileta-elizkizuna. Horrela emango diote azken agurra demokraziako lehen lehendakariari. Ajuria Eneko hil-kapera zuzenean jarraitu ahalko da Orain-en eta ETB1en.