Eusko Jaurlaritza: 'Administrazioa % 20 murrizteko plan bat daukagu'
Josu Erkoreka Eusko Jaurlaritzako bozeramaileak esan duenez, euskal Gobernuak badauka sektore publikoa berregituratzeko plan bat, aipatu dituen datuen arabera, egitura % 20 murriztea aurreikusten dute plan horretan, eta "ez dago (Jaurlaritza) Administrazio zentraletik etortzen denaren zain".
Erkoreka Artxandan (Bilbon) Gerra Zibilean hildako gudariei egindako omenaldi batean izan da. Bertan, bozeramaileak Gobernu espainiarrak atzo, ostirala, onartutako Administrazio Publikoen Erreforma izan du hizpide.
Erreforma honek, Erkorekaren esanetan, "Eusko Jaurlaritzaren berregituratze planarekin bat egiten du zenbait puntutan, baina ez lirateke gauzak nahastu behar".
Esaterako, Eusko Jaurlaritzak ez du "inolaz ere" Arartekoa eta Kontuen Auzitegia kenduko, "euskal gizartean errotuta dauden erakundeak dira eta funtzio eraginkorrak dituzte", gaineratu du Erkorekak.
Bozeramaileak gogorarazi duenez, EAJ Jaurlaritzaren gidaritzara heldu zenean, orain dela urte erdi, goi-kargudun kopurua murrizteko plan bat aurkeztu zuen; horrezkero, "goi-kargudun eta gertuko pertsonal kopurua % 20 murriztu dugu, aurreko Jaurlaritzarekin alderatuta".
Halaber, Josu Erkorekak azpimarratu duenez, Estatutuak ahalbidetzen duen norberak antolaketzeko eskumena du Euskadik, "eta ez diogu horri uko egingo. Gobernuak erkidegoentzat proposatzen duena proposamen hutsa da, eta erkidegoek onartuko dituzte ala ez".
Zure interesekoa izan daiteke
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.
GOIDIaren kudeaketan erantzukizunik ez hartzea egotzi dio Feijook Espainiako Gobernuari: "Larrialdi nazionala ezarri behar zuen"
PPren presidenteak Kongresuko ikerketa batzordearen aurrean nabarmendu duenez, administrazio bakar batek ere ez zuen egin behar beste egin goialdeko depresioaren ondoren. Halaber, Jucarreko Konfederazio Hidrografikoa (CHJ) jo du tragediaren "arduradun nagusi" gisa.
Ezkortasuna alboratu eta Europan lidergo berri bat eraikitzeko deia egin du Arancha Gonzalez Layak
Arancha Gonzalez Laya Espainiako Gobernuko Kanpo Arazoetako, Europar Batasuneko eta Lankidetzako ministro ohiak Europan araudi juridiko bateratuak sortzeko eta "zatiketak" saihesteko deia egin du. Gonzalez Laya hizlari gonbidatua izan da Zedarriak Foroaren urteroko gosari-solasaldian.
Alfredo de Miguel Arabako EAJren buruzagi ohiak hirugarren gradua lortu du
Euskadin izandako ustelkeria sare handienaren buruak hirugarren gradua lortu du, bi urte eta erdi espetxean eman ostean (12 urteko kartzela-zigorra ezarri zioten). Baimen horri esker, astelehenetik ostegunera espetxetik aterako da lan egiteko, eta bertara itzuliko da lo egitera.
Pradalesek barkamena eskatu du iraungitako txertoengatik eta hitzeman du "erantzukizuna" norena den argitu egingo dela
Lehendakariak bere esku dagoen guztia egingo duela agindu du, "horrelako egoera bat berriro gerta ez dadin" eta "beharrezkoa balitz, erantzukizunak argitzeko".
Gorenak Auzitegi Nazionalaren esku utzi du Abalos, Cerdan eta Garciaren gaineko ikerketaren zati bat
Ministro ohiak diputatu aktari utzi ostean, hura ikertzeko eskumenik ez duela iragarri du Gorenak. Koldo auziaren pieza nagusiak, baina, haren esku jarraitzen du.
EAJ "antifaxisten kontrako kriminalizazio kanpaina" egiten ari da, Gazte Koordinadora Sozialistaren aburuz
Euskadi Irratian egindako elkarrizketan Joanex Artola GKSko kideak adierazi duenez, falangistak Gasteizko kaleetan egon izana EAJren "ardura izan zen, eta hori ezkutatzeko estrategiatzat" jo du "antifaxistak kriminalizatzeko kanpaina".
Zaldibarko EH Bilduk babes osoa agertu dio Arantza Baigorri alkate ohiari, eta "inpartzialtasuna" eskatu du
EH Bilduren esanetan, "lurralde antolamenduarekin lotutako auzi honek ez du zabortegiaren amiltzearekin zerikusirik". Horren ustez, "amiltzearekin lotzeko saiakerek desitxuratzea dute helburu eta erabat lekuz kanpo daude".
Andueza "espainolistatzat" jo du Arrizabalagak, Pasaiako portuaren aferagatik EAJk eta PSEk duten sesioan
PSE-EEko idazkari nagusiak joan zen ostiralean adierazi zuenez, "EAJk Pasaiako portua lehiaketako elitetik atera nahi du, hiruzpalau maila azpitik joka dezan".
San Sebastian egunean ETAko bi preso ohiri egindako "ongietorria" salatu du Covitek
Terrorismoaren biktimen elkartearen arabera, 2022tik izan den lehen ongietorri publikoa da.