Atzera egin ez duela eta galdeketa 2014an egingo dutela esan du Masek
Kataluniaren autodeterminazioaren inguruko galdeketan atzera egin ez duela esan du ostiral honetan Artur Mas Generalitateko presidenteak, eta Rajoyrekin harreman ''publiko eta pribatuak'' izan dituela baieztatu du.
Oriol Junqueras ERCko buruarekin agerraldia egin du Masek, eta azken egunotan egindako hainbat ''hausnarketa'' argitzeko asmoa agertu du. Hala, ''eskema argia'' dela esan du Masek: ''Urte bukaeran galdeketa egiteko data eta galdera edo galderak zehazteko bilera egingo dugu, hartutako konpromisoei eutsiz. Hori ez dugu aldatuko'', esan du.
''Galdeketa 2014an egingo dugu, bai edo bai (...) hitzartutako akordio eta itunei jarraituz, betiere horretarako eremu legala aurkitzen baldin badugu, hori baita adostu duguna'', gaineratu du. Ildo horretan, Masek azpimarratu du galdeketaren aferan ez dutela milimetro bat bera ere atzera egin eta ez dutela geldiarazi ere. ''Egin egingo dugu'', berretsi du.
Generalitateko presidenteak azaldu duenez, bost dira eremu legalak: ''Lau Estutuaren menpe daude, eta bosgarrena, berriz, gure menpe''. ''Eremu legal horietako bat bera ere erabiltzea posible ez balitz, eremu bakarra geratuko litzaiguke. Beraz, eremu legalei boikota egingo balitzaie, hauteskundeak izango lirateke azken baliabidea'', azaldu du.
''Ez dago inongo zalantzarik. Egoera argia da, eta erabakia irmoa. Helburua ondo egitea da'', adierazi du Artur Masek.
Mas subiranotasunaren aldeko ''oihua'' entzuteko gai izatea espero du ERCk
Oriol Junqueras ERCko buruaren ustez, Kataluniako gizartea ''beti izan da gai bere iritzia entzutera emateko'' eta, Masekin batera egin duen agerraldian, presidentea subiranotasunaren aldeko ''oihua'' entzuteko gai izatea espero duela adierazi du.
Masek bilera sekretua egin zuen Rajoyrekin kontsultaz hitz egiteko
Ara egunkariak jakitera eman duenez, Generalitateko presidenteak bilera sekretua egin zuen Mariano Rajoy Espainiako Gobernuko presidentearekin, abuztuaren 29an, Madrilen, eta Rajoyk bilera hori egin zutela baieztatu du gaur bertan.
Egunkari kataluniarraren arabera, Mas Madrilera joan zen aurreko ostegunean Rajoyrekin bilera egiteko, "martxoan egin zuen bezalaxe".
Helburua "Espainiako Gobernuko presidenteak erabakitzeko eskubidearen inguruan duen jarrera" ezagutzea omen zen.
Zure interesekoa izan daiteke
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.