Azkuna lanera bueltatu da bost hilabeteko bajaren ondoren
Iñaki Azkuna Bilboko alkatea oso bilkuran izan da gaur, bost hilabete osasun arazoak direla-eta lanera joan gabe eman eta gero.
Azkuna osoko bilkurara gurpil-aulkian heldu da, Andoni Aldekoa Bilboko Udaleko Alkatetzako zuzendari ordezkariak lagunduta. Gobernuko gainerako kideak alkatearekin batera heldu dira. Osoko bilkuran sartzean, Azkunak kazetariak agurtu ditu eta galdera bat egin die: ‘Bizi al zarete?’.
Bilboko Udalaren azken hiru osoko bilkuretan ez da alkatea izan, apirileko, maiatzeko eta ekaineko bilkuretan, hain zuzen ere. Azken hilabeteetan egindako ezohiko bilkurak ere galdu ditu Azkunak.
Apirilean ekitaldi publikoak laga zituen Azkunak. Alkateari hiru ebakuntza egin dizkiote, eta 82 egun eman ditu ospitalean.
Iñaki Azkuna Bilboko alkatea. Argazkia: EFE
Osoko bilkuran, Azkunak esan du ‘zilegi’ dela EAJk eta PSE-EEk sinatu berri duten itun fiskala, ‘askotan eskutik helduta joan direlako, bake eta gerra garaietan, espetxean, erbestean eta trintxeretan’, adierazi du. ‘Artxandara igo eta monumentua irakurtzea besterik ez da falta, zilegi da garai honetan hitzarmen horiek sinatzea’, gaineratu du Azkunak.
Ebakuntza maiatzean
Maiatzaren 6an Basurtuko ospitalean ebakuntza egin zioten giltzurrunetako arazoak eta tratamenduetako ondorioak zuzentzeko. 2003an prostata minbizia diagnostikatu zioten Azkunari.
70 urteko alkateari maiatzaren 28an alta eman zioten, baina ekainaren 1ean ospitalera itzuli zen ondoezik.
Alta eman eta hiru egun geroago, Azkuna gurpil-aulkian azaldu zen Alkateen Munduko Foroaren amaieran, ekainaren 14an. Asturiasko printzea eta Iñigo Urkullu lehendakaria ekitaldian izan ziren. Azken bost hilabeteetan Bilboko alkatearen agerraldi publiko bakarra izan da.
Azkunari beste ebakuntza bat egin zioten uztailaren 4an, giltzurruna kentzeko. Medikuek alta abuztuaren 20an eman zioten.
Bizkaiko hiriburuko jaietan ekitaldi ofizialak alde batera utzi behar izan zituen alkateak, 1999tik aurrenekoz ez zela ekitaldi horietan izan.
Iñaki Azkuna Bilboko alkatea. Argazkia: EFE
Iraileko osoko bilkurarako prest zegoenean, alkatea berriz ospitalera eraman behar izan zuten irailaren 14an, infekzio batek jota. Hiru egun geroago alta eman zioten medikuek.
Azken asteetan Azkuna bere bulegora joan da gaurko osoko bilkura prestatzeko.
Zure interesekoa izan daiteke
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.
Aguirre lehendakariaren izena erabiltzeko aldarrikapenak hautsak harrotu ditu
EAJ eta EH Bildu tirabiran dira, Aguirre lehendakariaren legatua nork hartuko. Pello Otxandianok Bilboko aireportuari lehendakariaren izena ipintzea proposatu ondotik, gaur Aitor Esteban sartu da eztabaidara.