CAN auzia artxibatu egin du Benito epaileak
Mari Paz Benito Iruñeko 3. zenbakiko Instrukzio Epaitegiko epaileak artxibatu egin du Nafarroako Kutxa (CAN) auzia.
Nafarroako Justizia Auzitegi Nagusiak jakinarazi duenez, epaileak errefusatu egin ditu Kontuz elkarteak eta UPyD alderdiak eskatutako eginbideak, eta auzi osoa itxi du, kutxaren agintariek senideei emandako kredituen atala barne.
Uztailean, Espainiako Auzitegi Gorenak baztertu egin zuen Yolanda Barcina Nafarroako Gobernuko presidentea inputatzea, ustezko dieta irregularren auzian.
Erabaki honekin, Eloy Velasco Auzitegi Nazionaleko epaileak Banca Civicaren sorrerari buruz (CAN erakunde horren parte da) abiatu duen auzia baino ez dago zabalik orain.
Maria Paz Benito epaileak Barcina inputatzea eskatu zuen funtzionario-eroskeria ustez egiteagatik, baina Gorenaren epaian oinarrituta (auzia artxibatu zuen uztailaren 24ean, deliturik egin ez zela ulertuta) auzia behin betiko ixtea erabaki du.
Gorenaren epaian, Auzitegiak epailea zuzendu zuen eta delitua izan zitezkeen portaerak (funtzionario-eroskeria) 'moralaren, etikaren edo politikaren' ikuspuntutik gaitzesgarriak izan zitezkeengandik bereizi zituen.
"Barcinaren parte-hartzea batzorde iraunkorrean (Kutxaren batzordean, alegia) ez zuen Nafarroako presidente karguak edo alkate karduak ahalbidetu, baizik eta Entitate Sortzaileen Batzordeak", Gorenaren arabera. Batzorde iraunkorreko kide izateagatik jaso zituen dietak Barcinak.
Auzi horretan, Kontuz elkarteak eta UpyD alderdiak salatutako bi atal geratu ziren epailearen esku: batetik, batzordearen eta Nafarroako Kutxaren batzorde iraunkorraren bileren aktak manipulatzea, eta, bestetik, zenbait senide eta enpresari kredituak ezohiko baldintzekin ematea.
Epailearen ebazpenaren arabera (helegitea jarri ahal zaio), Gorenak ez zuen beharrezkotzat jo akten balizko manipulazioaren txosten bat egitea (Guardia Zibilari eskatu zion); izan ere, Gorenak ez du epaian aipatu ere egiten.
Kredituei dagokienez, auzia artxibatu egin du epaileak eta dokumentazio guztia Madrilgo 6 zenbakiko Epaitegi Zentralera igorriko dio. Epaitegi hori Banca Civicaren sorrera eta burtsan sartu zeneko prozesua ikertzen ari da.
Dieten auzian, epaileak Miguel Sanz presidente ohia; Alvaro Miranda Ekonomia kontseilari ohia; Enrique Maya Iruñeko alkatea eta Enrique Goñi Nafarroako Kutxako zuzendari ohia inputatu zituen. Horiek denek, Barcinarekin batera, Nafarroako Kutxako Entitate Sortzaileen Batzordea osatzen zuten.
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.