Elizaren barkamena exijitu diote frankismoaren biktimek Aita Santuari
Eliza Katolikoak kolpe militarrari eta diktadurari emandako babesagatik barkamena eska dezan exijitu dio frankismoko krimenen inguruko egiaren batzorderako plataformak Frantzisko aita santuari. Egia, justizia eta biktimentzat ordaina bilatzen laguntzeko ere eskatu dio plataformak Frantziskori.
Gainera, aita santuari bidalitako gutun batean, datorren igandean Tarragonan ospatuko den 522 "fedearen martiri"ren beatifikazio ekitaldia bertan behera uzteko eskatu du egiaren batzorderako plataformak.
Diktadura espainiarraren biktimen ustez, beatifikazioarekin, "ekitaldi erlijioso baten atzean ezkutatuta", elizako hierarkia "frankismoaren aldeko ekintza politiko bat burutzen ari da, biktima batzuk beatifikazio eta kanonizazioekin goraipatu eta frankismoaren biktimak, Elizako kideak barne, ahaztu egiten baititu".
Plataformak memoria demokratikoaren eta biktimen eta senideen ehun elkarte baino gehiago biltzen ditu. Frantziskori bidalitako gutunean, aita santuaren helburua frankismoaren krimenen inguruko egiaren batzordea sortzea dela gogorarazi diote. Diktadura garaian gertatu zena argitu ostean, biktimentzako justizia eta ordaina lortzea nahi du plataformak.
"1936an Francok Espainiar Errepublikaren aurka egindako altxamenduari Eliza Katolikoak babesa eman ziola jakin behar duzu", dio plataformak gutunean. "Gurutzadatzat hartu zuen Gerra Zibila, altxatu ziren jeneralei babesa emanez, eta diktadura faxista hark espainiarrengan burutu zuen errepresioa legitimatu zuen".
Diktadura garaian, alderdi frankistako biktimak gogoratu –"Jainkoaren eta Espainiaren alde eroriak"- eta frankismoaren ehundaka biktima, "Elizako kideak barne", ahaztu egiten zirela zehaztu du plataformak. Hildako apaiz euskaldunak, justiziaren eta askatasunaren alde borrokatu zuten laikoak eta Zamorako kartzelako apaizak oroitu dituzte frankismoaren biktimek.
Plataformaren iritziz, "ez da ezer aldatu" diktadorearen heriotza eta gero, eta egungo demokrazia aldian, hierarkia katolikoak jardunbide berdinak dituela adierazi du: "alde batetik, biktima batzuk beatifikazio eta kanonizazioekin goraipatzen ditu, eta beste aldetik, errepresio frankistaren biktimak ahaztu egiten ditu".
"Ulertzen dugu bakoitzak bere biktimak oroitzeko nahi duena egiteko eskubidea duela, baina ez Estatuaren pribilegioak lortzeko eta beste kaltetuez ahazteko. Eta gutxiago 'bakea eta elkartasuna' aureola erabiliz", gehitu du plataformak.
Zure interesekoa izan daiteke
Bi dekretu adostu dituzte PSOEk eta Sumarrek, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.