ETAko beste hiru preso aske uztea erabaki du Auzitegi Nazionalak
Auzitegi Nazionalak ETAko beste hiru preso aske uztea erabaki du. Aske geratuko direnak Luis Maria Lizarralde eta Iñaki Recarte (biak 'Nanclares bideko' presoak) eta Juan Carlos Arruti "Paterra" dira; datozen orduotan aterako dira espetxetik. Horrez gain, Jaime Simon Quintela GRAPOko kidea ere aske geratuko da.
Epaitegitik jakitera eman dutenez, Recarte eta Arrutiren kasuak zigor-arloko lehen atalak aztertu du. Lizarralde eta Kintelaren kasua, berriz, hirugarren atalak aztertu ditu. Recartek 203 urteko espetxe-zigorra zuen Santanderren atentatua egiteagatik. Atentatu horretan hiru lagun hil ziren. Arrutik, berriz, 1.200 urteko espetxe-zigorra zuen 14 erahilketengatik.
Guztira, 27 dira Parot Doktrinaren eraginez zigorra luzatuta zeukaten eta aske geratu diren ETAko presoak, Estrasburgoko Auzitegiak bere epaia iragarri zuenetik.
Fiskaltzaren eskaera
Erabakia, Auzitegi Nazionaleko Fiskaltzak Zigor Aretoko hiru atal ezberdinei ETAko bederatzi preso eta GRAPOko lau aske uzteko eskatu ondoren hartu du Auzitegi Nazionalak.
Dagozkien atalek ETAko sei presoen inguruan erabakiko du bihar. Horien artean Juan Jose Zubieta Zubeldia dago: 1.851 urteko kartzela zigorra ezarri zioten hainbat atentatu egitea egotzita, tartean Vic-eko kuartel nagusiaren aurkakoa (11 pertsona hil ziren, horietatik 5 umeak).
Besteak Jesus Maria Zabarte, Javier María Goldaraz, Miren Maitane Sagastume, Joaquin Urain Larrañaga eta José Ignacio Etxeverria Pascual.
GRAPOko Guillermo Vazquez Bautista, Maria Jesus Romero Vega eta Encarnacion Leon Lara ere aske uzteko eskatu du Fiskaltzak.
Konstituzionalaren bilera
Auzitegi Konstituzionalak gaur zehaztuko du 'Parot doktrina'ren inguruan zein jarrera izango duen aurrerantzean, Estrasburgoko Giza Eskubideen Auzitegiak espetxe-zigorren luzapena bertan behera utzi ondoren.
Izan ere, Auzitegi Konstituzionaleko osoko bilkurak Ignacio Fernandez de Larrinoa ETAko presoaren helegitea aztertuko du. Estrasburgoko Auzitegiak doktrina bertan behera utzi zuenetik aztertuko duen aurreneko kasua izango da.
Auzitegi Konstituzionalak hartzen duen erabakiak gainerako helegiteei ere eragingo die. Guztira, 30 presok 'Parot doktrina'ren aurka jarritako helegiteak aztertu behar ditu Auzitegi Konstituzionalak. 17 helegiteren kasuan, epaia erabaki behar du, eta gainerako 13etan, tramitera onartu ala ez. 30 helegite horietatik 27 ETAko presoek aurkeztu dituzte.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Bionan, bigarren itzulira elkarrekin aurkezteko
Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Arratsaldeko 17:00etan egingo duten agerraldian emango dituzte akordioaren xehetasunak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.