Lasa Mitxelena ETAko kide historikoa kartzelatik irten da
Juan Lorenzo Lasa Mitxelena "Txikierdi" ETAko kide historikoa Moron de la Frontera Sevillako kartzelatik irten zen atzo, Estrasburgoko Auzitegiak 'Parot doktrina'ren atzeraeragina baliogabetu eta gero, Etxerat presoen senideen elkarteak Twitterreko bere kontuan iragarri duenez.
Presoen kolektiboko bozeramaile ofizialetakotzat dute Mitxelena, eta, atzo arratsaldean Sevillako presondegia utzi eta gero, Euskal Herrira abiatu zen, betiere Etxeraten informazioaren arabera.
Juan Lorenzo Lasa Mitxelena "Txikierdi" Errenterian jaio zen, 1955eko otsailaren 14an, eta 70eko hamarkadaren hasieran sartu zen ETA militarrean. 1985ean atxilotu zuen Frantziako Poliziak, Angelun, eta zazpi urteko kartzela zigorra ezarri zioten bertan, delitugile taldea osatu eta armak eta lehergaiak legez kanpo edukitzeagatik; 1990ean, Limogeseko auzitegi batek Espainiara estraditatu zuen, eta 1992an espainiar agintarien esku gelditu zen. 374 urteko kartzelaldia jarri zioten, besteak beste, sei hilketa eta heriotza ekarri zuten sei atentatu egiteagatik.
Uztailaren 18an, Auzitegi Gorenak Txikierdik jarritako helegitea ezetsi zuen. Auztegi Nazionalak 'Parot doktrina' ezarri nahi ziola eta aurkeztu zuen Txikierdik idatzia.
Azaroan, Sevillako kartzelan hartu zituzten neurrien aurka ETAko zenbait preso historikok egin zuten gose greban parte hartu zuen.
Urrian Estrasburgoko Auzitegiak hartu zuen erabakiaren ondorioz ('Parot doktrina' atzeraeraginez aplikatzea baliogabetu zuen) utzi dute libre Lasa Mitxelena.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Arratsaldeko 17:00etan egingo duten agerraldian emango dituzte akordioaren xehetasunak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.