Urkulluk esan du Rajoyk eta Masek kontsulta adosteko denbora dutela
Urkulluk Eusko Legebiltzarreko korridoreetan kazetariei esan dienez, "errespetu osoa" zor dio Katalunian 2014ko azaroaren 9rako independentziaren inguruan egin duten galdeketa deialdiak. Lehendakariak Euskal Herriko eta Kataluniako errealitateak "desberdinak" direla esan du, baina "ordezkaritzako demokrazian gaude eta erakundeen akordioak gizarteak berrestea planteatu ahal da". Gainera, hori orain arte "errespetatu" ez izana deitoratu du Urkulluk.
Eusko Jaurlaritzako lehendakariak Kataluniako deialdia oraingoz "iragarpena" dela ekarri du gogora. Halaber, 2014ko azaroaren 9ra arte "Gobernu Zentralaren eta Kataluniako Gobernuaren arteko edo Kataluniako alderdien arteko akordio baterako astia" badagoela eta hitzarmen horrek "kataluniar gehienen nahiak" ase ahalko dituela adierazi du Urkulluk. Kataluniako kontsultaren galderei buruz, ez du iritzirik eman.
Euskadi
Euskadiri dagokionez, Eusko Jaurlaritzak eta EAJk "erabakitzeko eskubide adostua" babesten dutela adierazi du Urkulluk. Horrela, Euskadik norantza horretan egin lezakeen "bideak" oinarrian Legebiltzarreko taldeen arteko akordioa egon beharko litzatekeela esan du. Akordio hori, hainbat aldiz esan duen bezala, "gizarteak berretsi beharko luke kontsulta adostu eta legezko batean". Hain zuzen ere, Legebiltzarrean lantalde bat eratuko dute datozen egunotan, autogobernuaren eta Euskadiren estatus politikoaren inguruan jarduteko.
Zure interesekoa izan daiteke
Poliziaren torturaren zazpi biktimak ekimen judizial bateratu bat abiatu dute, Espainiako Justiziari eskatzeko haien kasuak ikertu ditzala
Espainiako Estatua zazpi kasu horiek ez ikertzeagatik zigortu zuen Estrasburgoko Giza Eskubideen Europako Auzitegiak. Horietako bat Martxelo Otamendi da, Egunkariaren auzian atxilotu zuten, eta torturak salatu zituen kazetariak.
Alkatetzak argituta, Euskal Hirigune Elkargorako lehia irekitzen da orain
Apirilean erabakiko da zein izango den Ipar Euskal Herriko erakunde administratiboaren lehendakari berria. Jean Rene Etchegaray Baionako alkatea izan da 2017tik karguan, baina Iriart zein Etxeleku ere hautagai izan daitezke.
Baionako auzapez izaten jarraituko du Etchegarayk, Blanco estreinatuko da Biarritzen, Etxeleku Kanbon, eta EH Baik babesten duen Horn, Bokalen
Orain arteko auzapezek errepikatuko dute Hendaian, Donibane Lohizunen, Azkainen, Maulen eta Beskoitzen. EH Baik Urruña galdu du.
Chivitek, UPNk eta PPk gogor gaitzetsi dute Korrikan ETAren aldeko ikurrak erakustea
Korrika Txantreatik (Iruñea) igaro denean, lekukoa zeramaten bi lagunek ETAko bi presoren argazkiak erakutsi dituzte, eta horrek UPNren, PPren eta Maria Chivite Nafarroako presidentearen haserrea eragin du.
Egiari Zor Fundazioak Pasaiako sarraskiko biktimak omendu ditu, hil zituztenetik 42 urte bete direnean
Estatuko Segurtasun Indarrek Komando Autonomo Antikapitalistetako lau kide hil zituztela 42 urte bete dira gaur, eta horren kariaz Egiari Zor Fundazioak ekitaldia egin du Azpeitian, biktimen jaioterrian, haien lagun eta senideekin batera.
Otxandianok "bakearen ekonomiaren aldeko lidergo politiko sendo baten falta" leporatu dio Pradalesi
Eusko Legebiltzarreko EH Bilduren bozeramaileak kritikatu egin du Mikel Torres Ekonomia sailburuak "armagintza-industria babestu eta garatzearen alde" egin zuela.
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.