Ertzaintzaren burua ez da Legebiltzarrean Cabacas auziaz arituko
Eusko Legebiltzarreko Erakundeen Batzordeak atzera bota du gaur EH Bilduk, Cabacas auziarekin lotuta, Jorge Aldekoa Ertzaintzaren buruari eta Estefania Beltran de Heredia Segurtasun sailburuari azalpenak emateko egindako eskaria. Azken honi Aldekoaren izendapenari buruzko azalpenak eskatu zizkioten.
Legebiltzarreko Mahaiak EH Bilduren eskariari ezezkoa eman ostean, gai honen inguruan aritu da gaur berriro Erakundeen Batzordea. Hain zuzen ere, ostiralean ukatu zuen koalizio abertzalearen eskaera Mahaiak, eta, horri erantzunez, EH Bilduko legebiltzarkide guztiek kontrolerako saiotik alde egin zuten.
Athleticen partida bukatu eta gutxira Ertzaintzak burututako operazioaren ondorioz hil zen Iñigo Cabacas, 2012ko apirilean. Hain zuzen ere, ertzain batek jaurtitako gomazko pilota batek hil zuen Basauriko gaztea. Hori dela eta, gau hartan abiatutako operazioan izandako parte-hartzeari eta erantzukizunari buruzko azalpenak emateko eskatu zion Aldekoari Bilduk. Aldekoa zen orduan Bilboko ertzain-etxeko arduraduna.
Duela hilabete inguru, Eusko Legebiltzarrak ukatu egin zuen auzi honen gaineko ikerketa batzordea sortzea, eta gaur EAJk, PSE-EEk eta PPk ez dute EH Bilduk egindako eskaera babestu, "une honetan Justiziak erabaki behar duelako", horien iritzian. Gorka Maneiro (UpyD) abstenitu egin da.
Bozketaren emaitzak ikusita, Julen Arzuagak (EH Bildu) "gordintzat" jo du erabakia.
Albiste gehiago politika
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.
"Eskuin muturrari eta olatu autoritarioari aurre egiteko" elkarlanean aritzeko konpromisoa hartu dute EH Bilduk eta Mas Madrilek
Bi alderdi politikoek bilera bat egin dute Bilbon, Arnaldo Otegi buru duen alderdiak Estatuko egoera politikoa ebaluatzeko egiten ari den bilera-sortaren barruan. Komunikatu bateratu batean, bi alderdiek "positibotzat eta konstruktibotzat" jo dute hitzordua, eta "Espainiako Estatuak bizi duen egoerari eta testuinguru globalari buruzko ikuspegia partekatzeko balio izan duela" zehaztu dute.