Igeldoren erabakitzeko eskubidea errespetatzeko eskatu du EH Bilduk
EH Bildu koalizioak “Igeldoren erabakitzeko eskubidearen aurka ez egiteko” eskatu dio EAJri. “Igeldoren desanexioa onartzea herritarren erabakitzeko eskubidea errespetatzea da”, gaineratu du.
Marian Beitialarrangoitiak eta Ainhoa Beolak prentsaurrekoa eskaini dute, eta Igeldoren desanexioa izan dute hizpide. Gogoratu dutenez, EH Bilduk udalerri berriaren sorrerari “duen garrantzia ematen dio, ez gehiago ez gutxiago, baina erabakitzeko eskubide ariketa da”.
“Erabaki horrekin ados egon edo ez, alderdi eta eragile guztiei dagokie hori onartzea. Ezin du beste modu batean izan”, adierazi du koalizioak. “Herritarren erabakia ezin da mugatu”, azpimarratu du.
“Zenbait alderdi egiten ari diren saiakerek arduratuta gaituzte. Igeldon bizi diren pertsonen erabakia gauzatu ez dadin nahi dute”, esan du.
PSE-EEk eta PPk “erabakitzeko eskubidearen aurka duten demokraziaren aurkako jarrera” ere deitoratu du EH Bilduk. “Espainiako Konstituzioa eskuetan hartuta, herri aitortza ukatzen die Katalunia eta Euskal Herriari. Igeldoko kasua berdina ez den arren, funtsean gauza berdinetaz ari gara: erabakitze eskubidearen aitortza”, baieztatu du.
Igeldoren inguruan EAJk duen jarrerari ere aipamena egin dio koalizioak. “Argigarria bezain kezkagarria da EAJren jarrera, Igeldoko bizilagunen erabakitzeko eskubideari ezetz esaten ari baitzaio”, adierazi du. EH Bilduren aburuz, “EAJ Donostiako Udalean PPrekin eta PSE-EErekin batera aurrera eramaten ari den estrategia politikoak helburu bakarra du: Igeldoren erabakitzeko eskubidea ukatzea”.
Alderdi guztiei, eta batez ere EAJri, dei egin die Igeldoko bizilagunen eskubidea errespeta dezaten eta lurralde hori udalerri ez izateko bideratutako ekimenak alde batera utzi ditzaten.
“Abenduaren 27ko osoko bilkura baino lehen denbora du EAJk errekurtsorik ez aurkezteko”, azpimarratu du EH Bilduk. “Osoko bilkura berezian erabakitzeko eskubidearen aurkako hiruko fronte bat ez osatzea espero dugu”.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.