"Zauria ez da itxiko asmoa presoak espetxean usteltzea bada"
Jose Antonio Ardanza (EAJ) lehendakari ohiak eta Ramon Jauregui (PSOE) horren lehendakariorde izandakoak ETAren amaiera aztertu dute gaur "Boulevard" Radio Euskadiko saioan, Aljerreko negoziazioen 25. urteurrena eta Ajuria Eneko Itunarenaren 26.a betetzen den honetan.
Horren ildotik, asmoa "ETAko presoak espetxean usteltzea eta bizi diren bitartean bertan jarraitzea" bada, "zorigaiztoko zauri hau" [terrorismoa] ez dela inoiz "itxiko" ohartarazi du Ardanzak.
Halaber, abertzaletasuna ETA izan baino lehen ere bazela gogorarazi du, eta, beraz, "ETA desagertuta ere, aldarrikapen abertzalea ez da desagertuko", gaineratu du.
1985etik 1999ra lehendakari izandakoa ezberdinen artean akordioak lortzearen alde agertu da, "akatsa" izango litzatekeelako adostasuna "fronte nazionalistan edo ez nazionalistan" bilatzea.
Ardanzaren ustez, Ajuria Eneko Ituna berritu egin beharko litzateke "esparru askotan", baina akordio horrek ezarri zuen "norabidea" gaur egun ere "baliagarria" izan litekeela iradoki du.
Agintari ohiak "tren guztiak galdu" dituela esan dio ETAri, eta, horregatik, "urrats erabakigarriena" egiteko deia egin dio. "Erretiratu egin bada, desegin dela iragarri dezala", aldarrikatu du.
Larunbatean Bilbon izan zen manifestazioari dagokionez, Ardanzak deitoratu egin du PSE-EEk bertan parte hartu ez izana, "funtsezkoa" baita.
Jaureguik "zentzuz" jokatzea eskatu dio Rajoyri
Bestalde, Ramon Jaureguik ETAko presoen gaia "zentzuz" kudeatzea eskatu dio Espainiako Gobernuari.
Horren esanetan, Euskadin bakea dago, "baina Madrilen garaipena ETAri eman nahi diotela dirudi". "Gobernuak iragana interpretatu nahi du, populismoagatik edo eskuin muturraren beldur delako, baina garai hau handitasunez eta zentzuz kudeatu beharra dago", gaineratu du.
Buruzagi sozialistak txalotu egin du Ajuria Eneko Ituna, "terrorismoaren aurka borroka egiten genuen modua aldatu zuelako", eta ETAren indarkeriaren amaiera "aldebakarrekoa eta baldintzarik eta ordainik gabekoa" izan dela nabarmendu du.
Jaureguik baztertu egin du bakea "presoen truke" negoziatzea, duela 25 urte Aljerren abiatutako bidea errefusatuta, eta ETAren historia "porrot biribila" izan dela adierazi du.
"Orain beste eztabaida bat dago: bizikidetza nola berreskuratu eta zauriak nola itxi. Ekuazioa ez da 'bakea presoen truke'. Demokratek eskuzabal jokatu behar dute, legeak ezarriz eta garai hau gaindituz", esan du.
Zure interesekoa izan daiteke
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.