EAJ eta EH Bildu: 'Bake lantaldeak aurrera egingo du daudenak daudela'
Joseba Egibar EAJko Legebiltzarreko bozeramaileak esan du, PSE-EEk, PPk eta UPyDk Legebiltzarreko Bake eta Bizikidetza lantaldean parte hartzen ez badute ere, EAJk eta EH Bilduk elkarrekin aurrera egingo dutela.
Hala ere, EAJren helburu nagusia Legebiltzarreko talde guztiek lantalde horrekin bat egitea dela azpimarratu du eta, horrenbestez, “arrazoizko epe bat” itxarongo duela esan du.
Egibarren ustez, lantaldea toki “aproposa” izango da, zenbait taldek euren iraganaren inguruko “autokritika” egin dezaten.
EH Bildu ados azaldu da Joseba Egibarren adierazpenekin eta Bake eta Bizikidetza lantaldean EAJrekin aurrera egiteko prest azaldu da. Hala ere, talde guztietako ordezkariak egotea nahiago duela azpimarratu du Marian Beitialarrangoitiak.
EH Bilduko ordezkariaren hitzetan, koalizioak ez du egun zehatz bat markatu lantalde horren bilera berri bat egiteko. EAJk eta EH Bilduk lantalde hori noiz berpiztu aztertu beharko dutela gaineratu du, baina gainerako taldeei gai horren inguruan erabakitzeko “epe bat” ematearen alde agertu da Beitialarrangoitia.
Gipuzkoa
Bilduk bere “erradikalak” asetu nahi ditu, PPk bere “nukleo gogorrarekin” egiten duen bezala. Horren ondorioz, Bilduk “Gipuzkoako diagnostikoan eta politikan huts egiten du”, Egibarren hitzetan.
Radio Euskadiri eskainitako elkarrizketan, Egibarrek azpimarratu du PPk bere alderdiko “nukleo gogorrena” eta militante “erradikalenak” asetzeko lan egiten duelam eta Abortuaren Legearen erreforma horren adibide argia dela gaineratu du. Bilduk ere “erradikalak” pozik izan nahi dituela azpimarratu du eta, horrenbestez, politika “muturretatik” egitea egotzi dio Egibarrek koalizioari.
Bilduren helburua “bere munduko aktibista horiek” ez galtzea litzateke, Egibarren hitzetan.
“Bildu, une honetan, siglen nahasmen bat da, Sortu nagusi delarik. Koalizioaren batasuna ahalik eta handiena izatea nahi du Bilduk, eta horrek Gipuzkoako diagnostikoan huts egitera eramaten du, bere egitasmoaren beharrak eta herritarren arazo nagusiak nahastu egiten dituztelako”.
Zure interesekoa izan daiteke
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.