Erkoreka: 'Quirogak ez du adostutako diskrezioaz jokatu'
Bakegintza eta bizikidetzaren inguruko bileren eduki “zehatzak” aireratu dituen ordezkari politiko bakarra Arantza Quiroga EAEko PPko presidentea izan dela kritikatu du gaur Josu Erkoreka Jaurlaritzako bozeramaileak. “Gainerako bozeramaileak leialtasunez eta diskrezioz jokatu dute”, gaineratu du.
Azken asteetan Urkullu lehendakariak EAEko alderdi politikoekin egindako bilerak izan ditu hizpide Josu Erkorekak astearteroko agerraldian.
Nabarmendu duenez, Urkulluk ez du inoiz bilera horien xehetasunik eman, bai ordea, Quirogak.
Hala ere, Jaurlaritzak adierazi du ez duela “funtsik ez daukaten eztabaidak elikatuko”. “EAEko PPren barruan dauden eztabaidak estaltzea” nahi du Quirogak ika-mika horrekin, Erkorekaren ustez.
Bestalde, Quirogak atzo esan zuen ETArekin hitz egitea “antidemokratikoa” litzatekeela eta, horren harian, Erkorekak gogoratu du hitz horiekin Suarez, Calvo-Sotelo, Gonzalez, Zapatero edota Aznar presidente ohien “izaera demokratikoa” kolokan jarri zituela. “Ez dakit Quirogak horren urrun joan nahi zuenik”, gaineratu du.
Bilera Rajoyrekin
Bestalde, Mariano Rajoy Espainiako presidentearekin egin zuen bileran, Urkulluk “bakegintza eta bizikidetza plan oso bat” aurkeztu ziola berretsi du Erkorekak: ETAren desarmea, egindako kaltearen aitorpena, biktimen egoera erreparatzea, espetxe politikaren malgutasuna eta EAEn nagusi diren lau “tradizio polítiko nagusien adostasunaren beharra” jasotzen ditu dokumentu horrek.
“Bost zutabe hauek beti defendatu izan ditu Urkulluk, izan dituen elkarrizketa guztietan, bai Espainiako presidentearekin egin zuen bileran, bai Arantza Quirogarekin egin zuenean eta baita PSE-EE, PSOE eta ezker abertzalearekin hitz egin zuenean”, nabarmendu du.
Horren harian, Urkulluk ez duela inoiz bakegintzaren inguruan egindako bileren “eduki zehatza” aireratu gaineratu du.
Kontaktuak ETArekin
Bestalde, Erkorekak ez du baztertu desarmea “lehenbailehen” gauzatu dadin ETArekin hitz egitea eta Jaurlaritza “diskrezioz” lan egiten ari dela gaineratu du.
Azpimarratu duenez, Gobernuak “bere esku dagoen guztia” egin du eta ez du “aukera bakar bat ere” baztertuko.
Egiaztatzaileek Euskal Herrira egingo duten hurrengo bisita ofizialaren inguruan, baliteke Urkulluk beste bilera bat egitea, Erkorekaren hitzetan.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.