Barcina: 'Maiatzean hauteskundeak deitzeko aukera asko dago'
Yolanda Barcina Nafarroako presidentearen hitzetan, datorren maiatzean hauteskundeak deitzeko aukerak "asko" dira, atzo PSNk zentsura-mozioa aurkeztuko duela iragarri ondoren.
UPNren Batzorde Exekutiboak bilera egin zuen atzo, Goicoechearen kontrako salaketek piztutako polemika eta PSNren arratsaldeko agerraldia aztertzeko. Salaketak frogatuz gero Barcinak dimisioa eman eta hauteskundeak deitzen ez baditu, zentsura-mozioa aurkeztuko dutela esan dute Nafarroako sozialistek.
Barcinak azaldu zuenez, alderdiko zuzendaritzak "babes eta konfiantza osoa" helarazi dio Goicoecheari, eta kontseilaria "faltsukeria eta akusazio kanpaina lotsagarria" jasaten ari dela salatu zuen.
Gaur, osoko bilkura hasi aurretik, UPN Nafarroako Gobernutik botatzeko eta euren estrategia politikoa "justifikatzeko" estrategia martxan jartzea egotzi die Barcinak sozialistei. "Harrituta nago, orain urtebete zentsura-mozio batekin noraino iritsi zitezkeen argi zeukaten, baina orain norabidea aldatu dute, PSNko idazkari nagusiak aginduta", adierazi du.
PSNren helburu nagusia UPN Gobernutik "kentzea" dela salatu du Barcinak. "Bildurekin akordioa sinatu nahi badute, egin dezatela zuzenean".
Lourdes Goicoechea presidenteordearekin konfiantza duen galdetuta, Barcinak esan du akusazio bat egiten denean "aurretik frogak" aurkeztu behar direla. "Nik ez dut frogarik ikusi eta, horrenbestez, Lourdes Goicoechearengan uste osoa izaten jarraituko dut". "Akusazioa aurkeztu dutenen aurka salaketa jarri du Goicoecheak berak", gogoratu du.
Horren harian, kazetariei zuzendu zaie eta faltsukeria bat egoztea "oso erraza" litzatekeela esan du. "Zuek zuen lanpostua utziko zenukete, errugabeak izanda?", galdetu die.
Frogarik gabeko epaiketak ez egiteko eskatu die hedabideei, eta egia osoa jakin nahi duen "lehenengo pertsona" bera dela azpimarratu du.
Amaitzeko, UPN Espainiako "alderdi demokratikoena" dela nabarmendu du, "afiliatu bakoitzak boto bat eman dezakeelako eta lau urtean behin hauteskunde primarioak egiten ditugulako". "UPN lurralde hau defendatu duen alderdia izan da beti, eta hala izaten jarraituko du", azaldu du.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.