Egiaztatzaileek ostiralean egingo dute agerraldia Bilboko hotel batean
ETAren "armagabetze keinu bat" iragarriko dute nazioarteko egiaztatzaileek ostiralean. Hedabideen aurrean azalduko dira, arratsaldeko 14:00ean, Bilboko Carlton hotelean, EITBk jakin ahal izan duenez.
Ram Manikkalingam zuzendutako Nazioarteko Egiaztapen Batzordeak agerraldia egingo du Euskadin, ETArekin harremanetan izan eta gero. Antza denez, ETAko zuzendaritzaren konpromisoa lortu dute, iturriek azaldu dutenez.
Konponbidean aurrera egiteko "euskal bidea" bultzatzearen aldeko apustua egin zuen ETAk bere azken agirian, Espainiaren eta Frantziaren "egoskorkeria eta inmobilismoa" ikusita. Iturrien arabera, desarmatze keinuarekin ETAk Gobernuari presioa egin nahi dio.
Antza denez, ETA Manikkalingamen taldearekin harremanetan jarri da "armagabetzearen keinuaren" berri Euskadin emateko.
Horrela, ETAk zenbait armategiren kokalekuaren berri eman dezake, Europa Press albiste-agentziak jakitera eman duenez.
Manikkalingamek, besteak beste, Sri Lankako gatazkan aholkularitza lanak egin ditu. Era berean, Fleur Ravensbergen, Pamela Kalkman eta Juan Garrigues Tena Euskadin izango dira ostiralean.
Eusko Jaurlaritzaren baldintza
Gauzatzen baldin bada, pauso horrekin ETAk Eusko Jaurlaritzaren eskakizunari erantzuna emango lioke. Azken agiriaren ostean "desarmatzeko konpromisoa berehala" nahi zuela errepikatu zuen Jaurlaritzak.
Horrela, ETAk Gobernu zentralaren mugimenduak lagundu nahi ditu; izan ere, orain arte pausorik eman ez izana aurpegiratu dio Espainiako Exekutiboari. Indarkeria bertan behera utzi zuenetik bi urte eta erdi igaro dira eta Gobernuak ez du espetxe politikan aldaketarik egin.
Nazioarteko egiaztatzaileen taldea desegiteko zorian izan zen iaz, Osloko (Norvegia) negoziaketek kale egin ostean. Josu Ternera, David Pla eta Iratxe Sorzabal ETAko kideekin harremanetan egon zen.
Bestalde, "antzerkiaren garaia" pasa dela esan du gaur Jorge Fernandez Diaz Barne ministroak. Ministroaren esanetan, Gobernuak "errealitateak" espero ditu bakarrik.
"Gobernuak agiri bakarra espero du, desegitearena, alegia. Antzerki keinuei ez diegu publizitaterik emango", erantsi du.
Zure interesekoa izan daiteke
Ordezkari politikoak presente izan dira Euskal Selekzioaren eta Palestinaren arteko partidaren atarian
Futbolaz haratago, ordezkari politikoak presente izan dira Euskal Selekzioaren eta Palestinaren arteko partidaren atarian. Horien artean, Pello Otxandiano, EH Bilduko bozeramailea Eusko Jaurlaritzan; Aitor Esteban, EAJren EBBko lehendakaria; eta Eneko Andueza, PSE-EEko idazkari nagusia.
Imanol Pradales: "Munduari esaten diogu nazio bat garela eta ofizialtasuna nahi dugula"
Imanol Pradales lehendakaria ere izan da Euskal Selekzioaren eta Palestinaren arteko partidan. Atarian, lehendakariak ekitaldiaren izaera aldarrikatzailea azpimarratu du eta elkartasuna adierazi dio Palestinako herriari. Horrekin batera, Euskal Selekzioaren ofizialtasunean lanean direla adierazi du Pradalesek.
Espainiako Gobernuak auzitegietara eramango du Ayuso, kontzientzia eragozleen erregistroarekiko duen jarreragatik
Emakumeek abortatzeko duten eskubidearen aurka "modu erreakzionarioan aritzea" eta Trumpen antzeko portaera izatea leporatu dio Osasun ministroak Madrilgo presidenteari.
De Andres: "Poliziari baliabideak eman behar dizkiogu eta legeak onartu behar ditugu, delituak behin eta berriz egiten dituztenak kanporatzeko"
EAEko PPko presidenteak esan du indarkeriaz egindako lapurreta gehienetan gaizkileak atzerritarrak direla, eta delituak behin eta berriz egiten dituztenak kanporatzearen alde agertu da. Horretarako, popularrek askotan eskatu dute legea aldatzeko, horren arabera.
Euskadin landa-eremuko lana erakargarri egitea eskatu du Anduezak, gazteek alde egin ez dezaten
Landaguneetako enplegua modernizatu behar dela azpimarratu du PSE-EEko idazkari nagusiak Oionen (Arabako Errioxa). Halaber, emakumeek nekazaritza-ustiategietan duten funtsezko papera nabarmendu du. Sektorearen gogortasuna gorabehera, teknologia berriek erakargarri eta errentagarri bihur dezaketela gaineratu du.
EAJk "marra gorriak" alde batera uzteko eskatu die sindikatuei, eta patronalari, gutxieneko soldata negoziatzeko, eta EH Bilduk "eztabaidaren betoa" salatu du
PSE-EEk "negoziazio kolektiboa" babestu du, eta PPk "lehiakortasunaren galera" aipatu du arau propioaren aurka egoteko arrazoi gisa.
Irratietan gutxieneko abesti batzuk euskaraz, katalanez edo galegoz entzuteko eskatu du ERCk
Ikus-entzunezko Komunikazioari buruzko Lege Orokorra aldatzea proposatu du, estatu mailako musika-irratiek abestien % 5, gutxienez, gaztelaniaz besteko hizkuntza ofizialetan jar ditzaten.
Etxanobek garraio publikoko deskontuak luzatzeko proposamena eramango du berriro CTBra
Bizkaiko Garraio Partzuergoak tarifak ezartzeko eskumen osoa duela esan du Bizkaiko ahaldun nagusiak, eta urtarrilaren 1ean amaitu baino lehen akordio bat lortzea espero duela erantsi du.
EAJk, EH Bilduk, PSE-EEk eta Sumarrek abortuaren aurkako jazarpena gaitzetsi, eta Askabide klinika babestu dute
Legebiltzarreko talde guztiek, PPk eta Voxek izan ezik, komunikatu bateratu bat argitaratu dute gisa horretako elkarretaratzeak "irmoki" gaitzesteko, eta "babesa eta elkartasuna" helarazi diete Askabideko erabiltzaileei eta profesionalei, "sexu eta ugalketa eskubideak baliatzea erabakitzen duten emakume guztiei" eta "lan hori posible egiten dutenei".
Accionaren Bilboko egoitza eta Donostiako Noran eta Erkolan kooperatibak miatu ditu Guardia Zibilak Koldo auziarekin lotuta
Bizkaiko hiriburuko Accionaren egoitzara ez ezik, Madrilgora eta Sevillakora ere sartu dira agenteak, epaileak hala aginduta. Egoitzak miatu dituzte, baina ez dute inor atxilotu. Bilboko egoitzatik lau motxila atera ditu Guardia Zibilak.