Iñaki Azkunak okerrera egin du
Iñaki Azkuna Bilboko alkatearen osasun egoerak okerrera egin du ostiral honetan, eta "larri" dago, EAJtik EiTBri baieztatu diotenez.
EAJren Bizkai Buru Batzarrak (BBB) premiazko bilera egin du, egoera aztertzeko. Bilera horretan, Bizkaiko EAJk ez du erabakirik hartu Azkunaren balizko ordezkoari buruz; militanteei alkatearen egoeraren berri emateko bildu dira.
Bilboko Udalak ez du zehaztu zein den Azkunaren egoera. Alkatea etxean dago.
Osasun arazoek hilaren hasieran Bilbon egindako goi-bilera ekonomikoan parte hartzea galarazi zioten. Horregatik, Juan Carlos I.a Espainiako erregeak bisita egin zion etxean.
Iazko uztailean ebakuntza egin zioten Azkunari, ezker giltzurruna kentzeko. Aldez aurretik, baina, beste hainbatetan pasatu zen ebakuntza-gelatik. Izan ere, 2003. urtean minbizia atzeman zioten, eta oraindik ere tratamenduan dago.
Munduko alkate onena 2012an
Iñaki Azkuna Urreta (Durango, 1943) Bilbok azken hamarkadetan izan duen zaharberritze ikusgarriaren aitetako bat da. Hori dela eta, 2012. urtean munduko alkate onena izendatu zuen City Mayors fundazioak.
Azkuna alkate kargurako lau aldiz hautatu duten gutxietako bat da, eta egun euskal erakundeetan gehiengo osoa duen agintari bakarra da.
Nortasun bereziko politikaria da, argi eta garbi hitz egiten duena. Askotan, gainera, EAJren ildo ofizialetatik aldendu da.
Adibidez, 1999. urtean, EAJk Lizarra-Garaziko ituna sinatu zuenean, ezker abertzalearekin akordiorik izenpetu ez zuen EAJko arduradun politiko bakarrenetakoa izan zen. Hain justu, ezker abertzailearekin enfrentamendu gogorrak izan ditu beti.
Osasun arazoak
2003. urtean minbizia atzeman zioten, eta oraindik ere tratatzen ari da. Horri, baina, gaixotasun gehiago gehitu zaizkio azkenaldian.
2012ko apirilean ospitaleratu egin zuten, eta hiru hilabetez egon zen bertan. Alta jaso ondoren, jendaurreko agerraldia egin zuen ekainaren 14an, Alkateen Nazioarteko Foroan. Hala ere, berriz ere erietxera jo behar izan zuen uztailean, giltzurrunean ebakuntza egiteko. Abuztuan eman zioten alta.
Irailean, ordea, infekzioak jota, erietxera eraman zuen. Zertxobait hobera egin eta jarduera publikoari neurri txikian ekin zion, mugikortasun arazoak tarteko.
Joan den hilean berriz ere itzuli zen Basurtuko Ospitalera, erorialdia izan eta hematoma baten ondorioz. Otsailaren 23an alta eman zioten eta ordutik etxean da Bilboko alkatea.
Zure interesekoa izan daiteke
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.